Yesaia 3:25 - ICIGHAN BIBILO

²⁵ Á wua nomsombaiorov ou sha sanker, anomaior a ou kpaa aa kpe ken utya.

Yesaia 3:25 Iomraidhean Croise

2 Kroniku 28:6

Gadia Peka wan u Remalia wua ior dubu deri, dubu kar ikundu, ken Yuda, sha iyange i môm, ve cii ve lu anomaior a ageegh je; gadia ve undu TER, Aôndo u uter vev.

2 Kroniku 29:9

Gadia, nenge, i wua uter asev sha sanker, ônov asev mba nomso man mba kasev kua kasev asev kpaa mba uikangen sha ci u kwagh ne.

Yesaia 1:20

kpa aluer nea venda, nea hendan kpaa yô, á wua ne sha sanker; gadia kape zwa u TER u kaa la.

Yesaia 65:12

Me ver ne sha ci u ishôm, né cii né ngurum sha u á sôngo ne; sha ci u zum u M yila la, ne vengese ga, zum u M ôr kwagh kpaa ne ungwa ga, kpa ne er kwaghbo sha ashe Am, ne tsuwa kwagh u a doom la ga yô.

Yeremia 11:22

Nahan yô, TER u akum a Sha ngu kaan nahan er: Nenge, Me tsaha ve; ikaior ia kpe ku u sha sanker; ônov vev mba nomso kua mba kasev vea kpe ijen;

Yeremia 14:18

Ka mea za ken toho, nenge, mba i woo sha sanker mban! Mea hide ken gar kpaa, nenge, mba ve gbe ijen mban! Profeti kua pristi je kpaa mba zenden sha tar tsô, ve hingir tumbuluu.

Yeremia 15:8

Kasev mba côgholov vev ngeem je, ve hemba ngeen a waarawa u uzegembamngerev; M va a ortimin iyange sha tembe, a va bur ngô u mbayevikaior; M na ican kua mcieryol va ta sha a na fese.

Yeremia 18:21

nahan yô, gema ônov vev na ijen, man shi na ve sha tahav mbu sanker; kasev vev ve̱ hingir aveve man shi ve̱ hingir kasev mba côgholov kpaa; noov vev ku u̱ wua ve, man ikaior vev sanker a̱ wua ve ken utya.

Yeremia 19:7

Me vihi mhen u Yuda man Yerusalem hen ijiir ne, Me na, vea kpe ku u sha sanker sha ishigh ki mbaihomov vev, man sha uwegh ku mba ve keren uma ve yô; Me na akom a ve kpaa, aa hingir kwaghyan u inyon i Sha man u ishôso i shin tar kpaa.

Yeremia 21:9

Or u nan hanger akughul ken gar ne yô, nana kpe ku u sha sanker man u sha ijen kua u sha bouange; kpa or u nan dugh nan za hingir sha ikev i Mbakaldi, mba ve kase ne sha utya la yô, ka nan nana lu uma ye, man uma u nan una hingir nan er ka ishar nan ye yô.

Ukwelegh 2:21

Kwaor man ortamen mba yaven hen inya sha igbenda; anuunaukase am man mbayevikaior av kpe ku sha sanker; U wua ve sha iyange i iyugh You; U sôngo ve, U zungwe mhôônom ga.

Amoshi 9:10

Á wua mbaasorabo mba ken ior Av cii sha sanker, ve mba ve kaan er: Kwagh u bo una tser se ga, una kohol se kpaa ga.