Yesaia 3:24 - ICIGHAN BIBILO

²⁴ Kwagh u hôôn una gema á va lu sha ityough ki kwagh u human doon la; kor ua lu sha ityough ki tsar u shin iwenge la; ityough ki kpurun kia tema sha ityough ki kuran la; ibashôhô una lu sha ityough ki ikondo i zan iniongo a mi la; iyolough ku usugh sha ityough ki mdooashe la.

Yesaia 3:24 Iomraidhean Croise

Esekiel 27:31

man vea torough ityouv vev sha ci wou, vea ta ikondo uya, vea vaa u, sha ishima i vihin man ijungwen i tsung.

Ukwelegh 2:10

Mbatamen mba wankwase u Shion shar inya, mba ving, ve haa inya sha ityouv vev, ve ta akondo uya. Anuunaukase a Yerusalem wa ityouv inya.

Mika 1:16

Kpur nen ityough, tôndo nen ice sha ci u mbayev ou mba ishima ishima la; kpur ityough i̱ gbanger er apu nahan, gadia ve due hen a we, á yem a ve uikangen.

Yesaia 22:12

Sha iyange la, Ter, TER u akum a Sha, yila kaa er, i̱ vaa, i̱ zungwe, i̱ hondo ityough, shi i̱ ta ikondo uya;

Yesaia 15:3

Mba tan mzemba uya sha akômaigbinda ve; mba sha ihaav vev man sha ityembe ve kpaa, hanma or ngu vaan haan mliam tsung.

1 Peteru 3:3

Hwe wen a̱ de luun u ken won tsô ga, er gbatyou u gban nahan, shin u wan akaa a hweegh a zenaria shin akondo a zeren ga.

Amoshi 8:10

Me gema uiniongo enev vea hingir ijungwen, atsam a en cii kpaa aa hingir kwelegh; Me na hanma or nana lu a ikondo uya man hanma ityough kia kpul; Me na ia hingir er ka mliam ma vaan wannomso u môm môm nahan, man mkur u i kpaa er ka sha iyange i vihin ishima tsung nahan.

Eseter 2:12

Er shighe u hanma iniunkwase kuma u ia nyôr hen tor Ahasueru er i vande eren a i sha tindi u ukase la, iwer pue kar ihiar yô, gadia kape ayange ve a sôron iyol kighir la: iwer ataratar lu sha mkurem ma mire, man iwer ataratar lu sha akaahumandoon kua akaa agen a ishin iyol, a ukase;

Levitiku 26:16

Mo Me er a ven, Me ta ne mciem iyol, houghbar una kôr u kua angev mbu tseeyol; mbua hungwa u ashe ikôr, mbua na asema a en aa ure; né lôôn ivor yen, kpa á lu gbilin tsô, gadia ka mbaihomov enev vea va ya i ye.

Mpase U Yohane 18:9

Utor mba ve er idya a na shi ishar i hee ve iyol a na imôngo la, vea vaa, vea zungwe un zum u vea nenge mnyim ma mhie na la.

Mpase U Yohane 16:9

Tsô ior hia sha mtsee u taveraa la, ve gba tuhwan iti i Aôndo u A lu a tahav sha atsan angan, ve kera gema asema, ve na Un icivir ga.

Mpase U Yohane 11:3

Me na mbashiada Av mba uhar tahav vea ôr kwaghôron u profeti á kuma ayange dubu man deri uhar man akunduatar, vea haa abaasôhô iyol.

Yoel 1:8

Zungwe nen er iniunkwase i i te ikondo uya, sha ci u nom na u sha iniun na la.

Esekiel 7:18

Vea ta ikondo uya; mciem maa haa ve iyol; kunya ua lu sha ishiv vev cii, man ityouv vev mbia kpur cii.

Yeremia 48:37

Hanma ityough i torough ki; hanma indyer i hondo i kera; ave cii i gber a avav, hanma or ta ikondo uya.

Yeremia 6:26

We, wankwase u ior av, ta ibashôhô uya, vingir sha mtwe; zungwe, er ka i zungwe wan u a lu môm nahan, gber kwelegh, gadia ortimin ngu va burun se a bur.

Yeremia 4:8

Sha ci u nahan yô, ta nen ibashôhô uya, gber nen kwelegh, vaa nen, gadia ishima i vihin i tsung i TER la, ngi a gema sha u undun se ga.

Yesaia 57:9

U za hen Moleki kpaa a mkurem ma ishin, man shi u seer mkurem ou ma human doon ma ngee, u tindi mbatyomov ou ken ca, ve yem shin, ve za ar shin Sheol je.

Anzaakaa 31:24

Ka nan koron uriga sha ikondo i pupuu i kôngor, nan teen; ka nan naan mbakasuav ikange i shin iwenge.

Anzaakaa 7:17

M mishi akaahumandoon sha gambe wam, ka mire man alue man shinamon.

Yobu 16:15

M kor ibashôhô m haa iyol, m kuma korough agh inya.

Duteronomi 32:24

Vea vôr ijen man vea saa ishe, sha angev mbu tseeyol, man angev mbu bov kpaa; Me tindi anyi a inyamikume sha ve, man megh ku akaa a a kper a kpela inya.

Duteronomi 28:22

TER Una tsaha u sha houghbar man angev mbu tseeyol man kwambe man iyol i hian man icegh ki zan man mhie u uyia man yien, vea zer a we zan zan ú tim.

Yeremia 49:3

Vaa, we Heshebon, gadia i tim Ai kera; ngor nen mliam ônkasev mba Raba, ta nen akondo uya, zungwe nen, yevese nen hurugh hurugh, her atô u ugar mba ishulev; gadia á yem a Milkom uikangen a upristi nav man atiator a na imôngo.

Yesaia 4:4

shighe u TER Una ôô hôngor u ônkasev mba Shion kera la, man Una kile awambe a Yerusalem her atô na kera, sha Jijingi u ijirigh man Jijingi u koughon kwagh kera.

Yesaia 3:23

man anjingim man ushimi man atsar a sha ityou kua uriga mba haan iyol.

Yesaia 15:2

Wankwase u Dibon kôndo sha ajiir a taven sha, sha u za vaan; Moabi ngu vaan sha Nebo kua sha Medeba; ityouv vev cii kpul, hanma indyer cii kpaa i hondo i kera.