Yesaia 28:4 - ICIGHAN BIBILO

⁴ man imondon u usen kera u mdooashe na u tsung la, u a lu sha ityough ki pev u doon sule la, una hingir er ka ityamegh ki tur ki ki vie fefa er shighe lu a kuma ga yô; or nana nenge a ki, tsô er ki lu nan sha uwe la, maa nana ya ki je.

Yesaia 28:4 Iomraidhean Croise

Yesaia 28:1

Kwagh á tser idyer i tor i gengeseyol i mbahundenmsôrom mba Eferaim man imondon u usen kera, u mdooashe na u tsung la, u a lu sha ityough ki pev u doon sule yum, u mba wain a gbihi ve inya la!

Yesaia 8:4

Gadia er wanakiriki la una lu a fa u yilan er, terem man ngôm ga je tsô, á kura inyaregh ki Damaseku man ishar i á ya ken Samaria la, á za a mi sha ishigh ki tor u Ashiria.

Hosea 13:1

Zum u Eferaim ôr kwagh yô, ikarikase gbidye iyol; i kende un sha ken Iserael; kpa a hingir u lun a ibo iyol sha ci u a civir Baal yô, nahan a kpe.

Hosea 13:15

Shin er una ume atam ken atô u anmgbianev nav nahan kpaa ahumbe a ken ityoughkitaregh aa va, ahumbe a TER, aa due ken desereti; nahan hwembe na ua uma, imbor na kpaa ia uma; aa kura un ikav nav mbi injaav cii kera.

Hosea 6:4

Me er nana a we, we Eferaim? Me er nana a we, we Yuda? Gadia dooshima wen ngu er ka ibeenegh ki pepegh yô, man er avure a ka a ndoor kera fese yô.

Hosea 9:16

I gbidye Eferaim, mise ve uma kera, vea kera ume atam ga; shin er vea mar kpaa, Me wua ônov vev mba doon ve ishima la kera.

Mika 7:1

Kpe ahii! Gadia m hingir er shighe u i vande kohol atam a ikon a fam kera, er twar u yaren sha atam a ikon i wain nahan; sumegh ku atam a wain ku yan, kera ku ga, shin ityamegh ki tur ki tsutswa ki ki sarem yum la kpaa ki ga.

Nahum 3:12

Ayou a taver a ou cii nga er ikon i tur a atam a tsutswa nahan; aluer i ndoor a yô, a haa ken zwa u oryan.

Mpase U Yohane 6:13

Asan a sha aôndo osough haa shin tar er tur ka a ndoor atam a na a kô zum u ahumbe a taveraa ka a va tenger un nahan,