Tsô zum u Ter Una vande kuren tom Na cii sha uwo u Shion kua ken Yerusalem kpaa yô, Me or iyev sha atam a ishima i gban gesa i tor u Ashiria man ihagh i ashe na a kenden sha la kpaa.
Garutya u taver kpaa una bee ken Eferaim, tor di kpaa una bee ken Damaseku; asande a Shiria a a shi her yô, kwagh á er ve er kwagh er icivir i Mbaiserael la nahan, kape TER u akum a Sha A kaa la.
Zum la Orashiria una kpe ku u sanker, kpa ka sha u or ga; sanker kpaa á lu u ior ga, una wua un; una yevese sanker, man ikaior na ia hingir mbaerentom u kpan.
Vande na ua saa kera sha ci u mciem, atiator a na kpaa aa undu tuta sha ci u mciem; kape TER A kaa ne, Un u usu Na u lu ken Shion man usu Na u iwaagh u lu ken Yerusalem kpaa la.
Er Aôndo yôhôl Sodom man Gomora man agar a a wa ndor a ve nahan, kape TER A kaa ne, kape ma or nana kera tema ker ga, man shi ma wan u or nana kera za shir ker kpaa ga.
TER wa tindi sha kwagh wou er iti you ia kera seer u zan hemen sha won ga; ken iyou i mbaaôndo ou la Me tim ieev mbi gban man mbi haan la kera; Me tim uwar wou, gadia u kera gba kwagh ga.
Mvihi u i vihi u la gande u sôron; ivav you ka i den ga; mba ve ongo ahura u kwagh wou cii, mba kuren ave sha mi; gadia ka an je ifer you i ve sha a nan ga?