Yesaia 27:11 - ICIGHAN BIBILO

¹¹ Zum u agbaa a na aa use kera yô, á kever a kera, kasev vea va, vea nande a sha usu; gadia ka ior mba kaven kwagh ga, ka nahan je man Un u A gbe ve la, Una zungwe ve mhôônom ga, Un u A maa ve la, Una tese ve erdoo Na kpaa ga ye.

Yesaia 27:11 Iomraidhean Croise

Upasalmi 106:40

ka nahan man iyugh i TER mough sha ior Nav, dyako Na kpaa ndôhôr Un ishima ye.

Yesaia 1:3

Bua fa or na, jaki kpaa fa kpese u ter u i, kpa Iserael yô, fa ga, ior Av mba henen kwagh ken ishima ga.

Yesaia 18:5

Gadia er sunda lu a kuma ga la, zum u uikparen ndoor kera man imondon á hingir ityamegh ki wain ki vian yô, Una paa agbaa sha ahô a sôron ikon, uiceren kpaa Una asegh ve kera.

Yesaia 43:1

Kpa ahegen yô, TER u A gbe u, we Yakob, Un u A maa u, we Iserael, ngu kaan nahan er: De cie ga, gadia M paa u, M yila u sha iti, uwe u ngu u Wam je.

Yesaia 43:7

hanmô u i yer nan sha iti Yam, u M gbe nan sha ci u icivir Yam, u M maa nan, u M er nan la.

Yesaia 44:2

TER u A er u, A maa u ken uya je, man A wasen we la, ngu kaan nahan er: De cie ga, we Yakob, wanakiriki wam, man we, Yeshurun u M tsough ne.

Yesaia 44:24

TER, Orpaan wou, man u A maa u ken uya je, ngu kaan nahan er: Ka Mo M lu TER u M er akaa cii ye, M samber Usha, Mo tswen, M samber tar sha won; ka an nan lu vea Mo?

Yesaia 5:13

Ka nahan man ior Av ve lu nyôron ken uikangen ye, sha ci u mfe a ban yô; ashagbaior a ve hingir mbajenev, man ikpilaior ve ngi kpen imura.

Yesaia 9:17

Ka nahan man Ter Una kera ember ikaior ve ga, man shi Una zungwe ancôgholov vev kua kasev vev mba côgholov mhôônom kpaa ga ye, gadia hanmô ve ka dangor man u eren ifer tsô, hanma zwa kpaa ngu ôron iferkwagh. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Yeremia 11:16

TER ii u iti er: Kon u olev u hômon pivir pivir, man u doon atam; ka sha ihuran i zegeayôôso A nande u sha usu, man agbaa a u kpaa kever kera.

Yeremia 13:14

Me kôr hanma or, Me ta sha ugen, uter a ônov mba nomso imôngo, kape TER A kaa ne; Me zungwe mhôônom ga; mhôônom maa kôrom er Me de u timin ve kpaa ga.

Yeremia 16:5

Gadia TER ngu kaan nahan er: De nyer ken iyou i mzungu ga man shi de ze sha ci u za vaan shin sha ci u za zungwen ve ga, gadia M ngohol bem Wam hen ior mban kera, kape TER A kaa ne, ka erdoo kua mhôônom ma zungwen je la.

Yeremia 25:37

Ajiir a yan toho her bem bem la hingir ving, sha ci u ishima i vihin i tsung i TER.

Yeremia 4:22

Gadia ior Av lan kwagh, ve fam ga; ka ônov mba lanen kwagh, mba a mkav ga; ve fa u eren iferkwagh, kpa u eren kwagh u dedoo yô, ve fa ga.

Yeremia 8:7

Ôô-ôô u sha aôndo je kpaa, fa ashighe na; man atii man gbargbar man hulô mba we iko sha shighe u mve ve, kpa ior Av yô, ve fa tindi u TER ga.

Esekiel 19:12

Kpa i wuhe un kera sha ishima i vihin, i ta un inya; ahumbe a sha ityoughkitaregh uma atam a u; i kever agbaa a u, a taver la, usu hia a kera.

Esekiel 20:47

kaa a ikô i ken imbusutariyan wer: Ungwa kwaghôron u TER; Ter AÔNDO ngu kaan nahan er: Nenge, Me keer usu ken a we, ua hia hanma kon u ndor ken a we, man hanma kon u ombor kpaa; usu u yeghen gam gam la, ua pir ga, ua anger ishiv cii, hii ken imbusutariyan zan zan za ar ken imbusutarimese.

Esekiel 9:10

Nahan Mo kpaa, ishe Yam ia tange ga, man shi Me zungwe mhôônom, ga, kpa Me hire ve a ieren ve la sha ityough vegh.

Hosea 4:14

Me kera tsaha ônov enev mba kasev sha ijimba ve ga, man kasev mba ônov enev sha idya ve kpaa ga; gadia nomso ayol a ve kpaa mba zan hen udyambakasev ken iuv, man mba ne nagh a udyambakasev mba ken ayou a akombo la imôngo; ior mba ve lu a mkav ga yô, á tim ve kera.

Hosea 4:6

Ior Av ve saa ishe sha ci u mban u mfe; sha ci u u vende mfe yô, Mo kpaa Me venda u, ú kera lum pristi ga; er tindi u Aôndo wou a hungul we yô, Mo kpaa ônov ou vea hungul Mo.

Mateu 13:15

Gadia ishima i nongoior ne cighir, ato a ve kpaa nga ongo dedoo ga; ve kusu ashe a ve kpaa, sha u vea nenge sha ashe a ve ga; man vea ungwa sha ato a ve kpaa ga, vea kav ken asema a ve ga, vea shi vea gema man Mo Me bee ve angev ga.

Mateu 13:19

Hanma or u ka nana̱ ungwa kwaghôron u tartor man nana̱ kav ga yô, or u ifer a va, a va tsuwe kwagh u i lee ken ishima i nan la kera; ka u i te ivor hen a nan sha kpegbenda je la.

Mateu 3:10

Hegen je kpaa i ver ijembe hen misekon; hanma kon u u um ityamegh ki injaagh ga yô, á gber u kera, á kende ken usu.

YOHANE 15:6

Or ka nana luun ken a Mo ga yô, i gbihi nan kera er gbaa nahan, nan uma je; i kohol a, i nande sha usu, a hia.

Mbaromanu 1:28

Er i kera doo ve u rumun Aôndo ga yô, Aôndo gbihi ve ken mhen u a lu u injaagh ga yô, man u eren akaa a lun sha mi ga kpaa.

Mbaromanu 1:31

man mbalanenkwagh man mbalun a jighjigh ga, man mbalun a dooshima ga man mbazungwen mhôônom kpaa ga.

Duteronomi 4:6

Waan nen a iko, eren nen sha a; gadia ka kwaghfan wen man mkav wen je la, sha ashe a akuraior a á va ungwa akaawan ne cii man aa kaa er: Mimi je zegeikurior ne ka ior i fan kwagh man i kaven kwagh kpaa.

1 Mbatesalonika 2:16

Mba yangen se er se̱ de ôron kwagh a atôatyev sha er a̱ war ga, kape ve lu ivin asorabo a ve gbem je la, kpa ken masejime yô, iyugh va sha a ve.

Yakobu 2:13

Gadia or u nan zungu mhôônom ga yô, ijir kpaa ia zungwe nan mhôônom ga, gadia mhôônom ma zungwen ma hemba ijir agee.