Yesaia 26:7 - ICIGHAN BIBILO

⁷ Gbenda u orperapera ngu vaanaa; ka U sôr gbenda u orperapera u lu shambe shambe.

Yesaia 26:7 Iomraidhean Croise

1 Kroniku 29:17

Shi m fa kpaa, Aôndo wam, U kar ishima, perapera doo U. Mo iyol yam yô, ka sha ishima yam i wang je, m ne akaa ne cii gbar gbar ye; hegen yô, ka sha iember je, m nenge ior Ou, mba ve kohol heen, ve ne U akaa gbar gbar ye.

Yobu 31:6

A̱ karem ase sha ikaren i mimi, sha er Aôndo A̱ fa mimi wam yô!

Upasalmi 1:6

gadia TER fa gbenda u mbaperapera, kpa gbenda u mbaaferev yô, ua saa ishe.

Upasalmi 11:4

TER ngu ken icighantempel Na; ikônough ki torough ki TER ki Sha; ashe Na nga kenger, akurashee a Na nga karen ônov mba iorov.

Upasalmi 11:7

Gadia TER ka u perapera je, perapera doo Un ishima; mbamimi yô, vea nenge ishigh Nagh.

Upasalmi 25:4

TERE, nam, m̱ fa igbenda You, tesem ihange You.

Upasalmi 25:5

Hemen mo ken mimi Wou, tesem, gadia ka We, U lu Aôndo u myem wam ye; ka We m shi veren ashe We didi ye.

Upasalmi 27:11

TERE, tesem gbenda Wou, hemen mo sha gbenda u shambe shambe kpaa, sha ci u mbaihomov av.

Upasalmi 5:9

Gadia zwa ve ngu a kwagh u mimi ga; ken atô ve yô, ka ifer tsô; gôngor ve ka uwar u lun ivegher; nombor ve u leghem tsô.

Anzaakaa 11:5

Perapera u ormimi una kôôm nan gbenda, kpa iferor nan gba sha ifer i nan je.

Anzaakaa 20:7

Orperapera u nan zenden ken mimi u nan yô, ônov mba nan mba ken ijime kpaa á saan ve iyol!

Anzaakaa 21:8

Gbenda u or u nan lu a ibo iyol yô, u hule tsô, kpa or u wang yô, ieren i nan ngi jighilii je.

Anzaakaa 3:6

Umbur Un sha ijende you cii, Un kpaa Una kôôm igbenda you.

Anzaakaa 4:18

Kpa gbenda u orperapera ngu er iwanger i sha use nahan, ngi seer aseer zan hemen zan zan mkende u iyange sha sha tembe la.

Yesaia 30:18

Kpa TER yô, Una kegh, sha u eren a ven dedoo, ka nahan man A kende iyol Na sha, sha u Una zungwe ne mhôônom ye; gadia TER, ka Aôndo u ôron ijir je; saan mba ve keghen Un la cii iyol!

Yesaia 35:8

Kômgbenda una lu her, á yila un er Icighangbenda; or u nan lu wang ga yô, nana kar sha mi ga; kpa una lu sha ci ve, mbazenden sha mi kua abumeaior je kpaa vea tsume sha mi ga.

Yesaia 42:16

Shi Me va a mbaapirashe sha gbenda u ve fe u ga yô; ka sha igbenda i ve fe i ga je, Me kar a ve ye; Me gema ime ia hingir iwanger sha ishiv vev; ajiir a lun gbeen gbe gbeen aa hingir vaanaa. Akaa ne yô, Me er a, Me de a ga.

Yesaia 52:12

Gadia nea due fele fe fele ga, nea yevese a yevese kpaa ga; gadia TER Una kar Una hemen ne, Aôndo u Iserael kpaa Una lu orkuran wen ken ijime.

Yesaia 57:2

nan kar nan nyôr ken bem; mba memen sha ugambe vev, hanmô u nan lu zenden jighilaa yô.

Yeremia 10:23

TERE, m fa, gbenda u or ngu sha ikev i nan ga; or u zenden la, mvershigh u iaven i angahar a nan ngu sha ikev i nan ga.

Hosea 14:9

Or u nan lu a kwaghfan yô, nana̱ ver ase ikav sha akaa ne; u nan lu a mfe yô, nana̱ fa a, gadia igbenda i TER ngi jighilii je, mbaperapera mba zenden sha i; kpa mbaperenatindi yô, mba nenge gbev sha i.

Sefania 3:5

TER ka u perapera je ken na, eren iferkwagh ga; hanma sev pasen mimi na ken igbar, ka bundu Un ga; kpa ormimi ga yô, nan fa kunya ga.

1 Mbakorinte 4:5

Nahan yô, de gbe ôron nen ma ijir er shighe a lu a kuma ga la ga, saa Ter Una va Una due a akaa a myer a ken ime la, Una va a mi ken iwanger, man Una pase mbaawashima mba ken asema a ior kpaa, ka ken shighe la man hanma or nana zua a iwuese i nan hen Aôndo ye.

2 Mbakorinte 1:12

Gadia ihagh yase yô, ka i ne, ka shiada u imo i ken ishima yase, er se lu zenden ken tar, jim je yô lu hen a ven, lu sha icighanmlu man mimi u Aôndo lu sha mfe u iyolough ga, kpa lu sha mrumun u sha mhôôn u Aôndo je.

Mbaefese 2:10

Gadia se mba tomaveegh Na, i gba se ken Kristu Yesu sha ci u aeren a dedoo a Aôndo vande sôron sha u se̱ zenden sha mi yô.

1 Yohane 3:10

Ka sha kwagh ne man i pase ônov mba Aôndo a ônov mba diabolo ye; hanma or u nan eren perapera ga yô, nan due hen Aôndo ga, man shi u anmgbian u nan a doo nan ishima ga la kpaa.

1 Yohane 3:7

Mbayev av, ma or nana̱ de tsumen a ven ga. Or u nan eren perapera yô, nan ngu u perapera je er Un A lu u perapera nahan.