Yesaia 26:5 - ICIGHAN BIBILO

⁵ Gadia mba ve tem sha la, A hide a ve shin inya, ka gar u taven sha je la; A yôhôl un, A haa un inya je, A samber un inya zan zan shin vuulevu je.

Yesaia 26:5 Iomraidhean Croise

Upasalmi 79:8

De ne se ibo sha aferakaa a uter asev ga; mhôônom Ou ma kôron, ma va hen a vese fefa, gadia se mba seelee.

Yesaia 13:11

Me tsaha tar sha ci u kwaghbo u u, mbaaferev kpaa sha ci u ifer ve; Me na, ihagh i mbagengeseyol ia bee, man ityough ki kehen ki ior mba aperav kpaa, Me hee ki.

Yesaia 14:13

U kaa ken ishima you wer: Me kôndo Sha, me kende ikônough yagh ki torough Sha je; kia kar asan a Aôndo sha je; me tema sha Uwo u Mkohol, ken zuer u imbusutarimese,

Yesaia 2:12

Gadia iyange i Ter u akum a Sha ngi van sha mbaihaghev man mbagengeseyol cii, man sha akaa a i kende a sha kpaa, sha ci u hiden a a ijime,

Yesaia 24:10

Gar u lun nzughul nzughul, i yôhôl un kera; i wuhe hanma iyou, sha u ma or môm nana̱ de nyer ker ga yô.

Yesaia 25:2

Gadia U gema gar u tamen hingir tihi u alôgh, gar u taveraa hingir ice; garutya u ior mba tar ugen hingir er ka gar ga yô, á kera maa un mayange ga.

Yesaia 32:19

Kpa á nôô awombo zum u ikô ia gba la, man shi á yôhôl gar cii.

Yesaia 47:1

Hungwa, tema shin vuulevu, we, iniunkwase i Babilon; shar inya, de tem sha ikônough ki torough ga, we, wankwase u Mbakaldi; gadia á kera yila u er u ngu kwase u lun iyol vel vel, u nan fe ican ga, ga.

Yeremia 51:37

Babilon una hingir atihialôgh, ijiir i teman i ugbaseela, kwaghcieryol man kwagh u gbiren iwer a min, ma or una kera tema her ga.

Yeremia 51:64

shi kaa wer: Kape Babilon una mire ne, mayange una kera due sha ga, sha ci u kwagh u bo u Me va a mi sha a na la. Ka mkur u akaaôron a Yeremia je ne.

Ukwelegh 2:2

TER vihi ajiir a teman a Yakob la cii, A zungwe mhôônom ga; sha iyugh Na la, A yôhôl ayouautya a taver a wankwase u Yuda la kera, A haa a inya; A vihi tartor man mbatarev mba u kpaa.

Esekiel 26:11

Sha apande a anyinya a na una vughul igbenda you cii; una wua ior ou sha sanker, man mtôm ma awenem ma sha agee ou la maa yôhôl maa gbidye inya.

Esekiel 28:17

Ishima you ta ihagh sha ci u mdooashe wou; u vihi kwaghfan wou sha iengem you la; nahan M ta u inya, M gbihi u sha ishigh ki utor sha u ve̱ haa ashe sha a we.

Mpase U Yohane 18:2

A yila sha imo i genger genger a kaa er: A yôhôl ve, Zegebabilon yôhôl ve, hingir ijiir i ujijingi mba bov tsan her, shi hingir ya u hanma jijingi u hwangeregh man shi ya u inyon i hwangerev man i ndôhôr ishima kpaa.