Yesaia 26:4 - ICIGHAN BIBILO

⁴ Suur nen sha TER gbem sha won; gadia TER AÔNDO ka vande u tsôron je.

Yesaia 26:4 Iomraidhean Croise

2 Kroniku 20:20

Ve mough pepe, ve za nyôr ken desereti u Tekoa; mba ngur yemen hemen yô, Yehoshafati tile sha, kaa er: Ungwam nen, Yuda, man ne mba ne tem ken Yerusalem! Na nen TER, Aôndo wen, jighjigh, ka nahan man né tile dông ye; uprofeti Nav kpaa na nen ve jighjigh, ka nahan man á kpe ne iyol ye.

2 Kroniku 32:8

her a na yô, ka agee a iyolough tsô, kpa her a vese yô, TER, Aôndo wase, ngu, u Una wase se, Una nôngo ityav sha ci wase. Tsô ior suur sha kwaghôron u Hesekia tor u Yuda la.

Yobu 9:19

Aluer mba ôron kwagh u agee a u a hembe taver la yô, Mo M ngun ne! Man aluer ka u ijirigh yô, ka an nana yilama?

Upasalmi 125:1

Ve mba ve suur sha TER yô, mba er uwo u Shion nahan, u u tenger ga, u gbe lun gbem sha won yô.

Upasalmi 18:2

TER ka vande wam man garutya wam, man Oryiman wam kpaa, ka Aôndo wam, vande wam u taver, ka sha a Na me suur ye, ka perutya wam man korough ku myom wam, man barwoogh wam kpaa.

Upasalmi 46:1

Aôndo ka ijiir yase i waren ker man agee ase kpaa, ka iwasen i i lu ikua ikua ken ican je.

Upasalmi 55:22

Haa akaa a zan we iyol cii sha TER, tsô Una taver we; Una rumun er i̱ tenger a mbaperapera mayange ga.

Upasalmi 62:11

Aôndo ôr kwagh, kwa môm, kwa har je kpaa, m ungwa nahan, mer: Agee yô, ka Aôndo A lu a mi ye;

Upasalmi 62:8

Ne ikurior ne, suur nen sha a Na hanma shighe, pase nen asema a en sha ishigh Nagh; Aôndo ka ijiir yase i yeren je. Sela.

Upasalmi 62:9

Mimi je, ior mba ve lu a icivir ga, mba er humbe u karen kera nahan; mba ve lu a icivir kpaa, ka aie tsô, sha ikyekye i karen kwagh a mi yô, vea kuma ga, ve imôngo cii ve kuma sha humbe u karen kera la kpaa ga.

Upasalmi 66:7

A tema tor sha agee a Na gbem; ashe a Na gba kenger sha akuraior; mbahendan yô, ve̱ de kera kenden ayol a ve sha ga. Sela.

Upasalmi 93:1

TER tema tor, A haa icivir iyol; TER cir ikondo iyol, A wa agee iyol; tar taver dông, ua tenger ga.

Yesaia 12:2

Nenge, ka Aôndo A lu myom wam ye; me suur sha a Na me cia ga; gadia TER AÔNDO ka agee am kua icam yam man shi A hingir myom wam kpaa.

Yesaia 17:10

Gadia Aôndo u myom wou hungul we, u kera umbur Vande wou u waren ker la kpaa ga, ka nahan man u lee ahu a mondon a dedoo man u môôr ikon i wain igen kposo ye;

Yesaia 30:29

Nea wa icam er ka i eren icighaniniongo tugh nahan, man iember kpaa ia lu ne ken ishima er or ka nan zenden sha korough ku tôngon nan vaan sha uwo u TER, hen Vande u Iserael yô.

Yesaia 32:2

Man hanmô ve kpaa nana hingir er ijiir i yeren ahumbe nahan, man er ijiir i yeren uraahumbe yô, er uikuwanmbamngerev hen ikpoghonya nahan yô, er mure u zegevande u ken tar u vôron kpishi yô.

Yesaia 44:8

De cie nen ga, mciem ma̱ de gbe ne iyol ga; M tsengaôron ne ngise je, M pase ne gaa? Ka ne je ne lu mbashiada Av ye. Ma aôndo ugen ngu jee, saa Mo tsô gaa? Mimi je, ma Vande ugen ngu ga, M fa mô ga.

Yesaia 45:17

Kpa Iserael yô, TER Una yima ve, sha myom u tsôron; kunya ua kôr ne ga, né va ahenge sha won kpaa ga.

Yesaia 45:24

Ka ken TER tseegh, kape á ôr kwagh sha a Mo la er, perapera kua agee a lu ye; ka her a Na je ior vea va ye; kpa mba asema a vihi ve a Na cii, kunya ua kôr ve.

Yesaia 50:10

Ka anti wen nan lu u cian TER, nan we iko sha imo i Wanakiriki Naa? Zum u nan zenden ken ime man nan lu a iwanger kpaa ga yô, nana̱ suur sha iti i TER, nana̱ lian ken Aôndo u nan kpaa.

Yesaia 51:5

Mhembe Wam mgbôghom, myom Wam due ken igbar, ave Am aa ôr akuraior ijir; ityar i hen kpe u zegemnger ia keghem, ia suur sha uwegh Agh.

Yesaia 63:1

Ka an or nan lu duen ken Edom, a akondo a nyian bong ken Bosera, nan civir ashe sha akondo a nan lu a mi iyol la, nan zenden ken tahav mbu nan mbu vesen laa? Ka Mo u M er kwagh u perapera man M lu a agee a yiman ne.

Daniel 3:17

Aluer Aôndo wase u se civir Un la Una fatyô u yiman se yô, Una yima se ken atse a usu u yeghen ker la kua sha ave ou kpaa, tor.

Daniel 3:28

Nebukadinesar ôr kwagh, kaa er: I̱ wuese Aôndo u Saderaki man Meshaki man Abedi-nego, u A tindi ortyom Na, a va yem mbayev Nav, mba ve suur sha a Na, ve we tindi u tor iko ga, ve na ayol a ve sha u civir ma aôndo ugen sughun un ga, saa Aôndo ve tseegh yô.

Mateu 28:18

Tsô Yesu va va ôr kwagh a ve, kaa er: Tahav mbu Sha man mbu sha won cii i wam sha ikev.

Mateu 6:13

man shi de ze a vese hen ape imeen i lu ga, kpa yima se sha ifer. (Gadia tartor ka u Wou kua agee man icivir kpaa, gbem sha won. Amen)

Duteronomi 32:15

Kpa Yeshurun kehe, a ker apande; u kehe, u gba ikôr, u wa ahôm; tsô a gbihi Aôndo u A er un la, a laha Vande u myom na kpaa.

Duteronomi 32:4

Ka Vande, tom Na ngu vough; gadia igbenda Na cii, ngi jighilii. Ka Aôndo u jighjigh, ngu a ifer ga, Un ka u perapera man u mimi.

Duteronomi 33:27

Aôndo u tsôron ka ijiir you i teman, vegher u shin yô, ave a tsôron nga. A zenda orihom sha ishigh you kera, A kaa er: Tim.

Mbafilipi 4:13

M ngu a agee a eren akaa cii je ken Un u A taver mo ne.

1 Samuel 2:2

Mô u lun wang er TER nahan nan ngu ga; gadia mô ngu ga, saa We; ma vande u lun er Aôndo wase kpaa ngu ga.