Yesaia 26:3 - ICIGHAN BIBILO

³ Ishima i tiaver i geman kposo ga la, Ú kura i, ia lu bem bem, gadia ngi suur sha a We.

Yesaia 26:3 Iomraidhean Croise

1 Kroniku 5:20

Ve zua a iwasen sha u nôngon ityav a ve, Mbahager hingir sha ikev ve, kua mba ve lu a ve imôngo la cii; gadia ve vaa a Aôndo ken utya, Un kpaa A ungwa zamber ve, er ve suur sha a Na yô.

2 Kroniku 13:18

Nahan Mbaiserael var inya hen shighe la, kpa Mbayuda seer taver a taver, gadia ve suur sha TER, Aôndo u uter vev.

2 Kroniku 16:8

Mbakushi man Mbalibia ve lu zegeikum a akekeautya man mbaanyinyav kpishi dumbur je gaa? Nahan kpaa er u suur sha TER yô, A na ve sha ikev you.

Upasalmi 119:165

Mba atindiakaa a Ou a doo ve ishima yô, mba a bem kpishi je, ma kwagh u nan ve gbev mbu nôngon kera ngu ga.

Upasalmi 125:1

Ve mba ve suur sha TER yô, mba er uwo u Shion nahan, u u tenger ga, u gbe lun gbem sha won yô.

Upasalmi 9:10

Mba ve fe iti You yô, vea suur sha a We, gadia TERE, We, U kende mbakeren We la, dang mayange ga.

Yesaia 12:2

Nenge, ka Aôndo A lu myom wam ye; me suur sha a Na me cia ga; gadia TER AÔNDO ka agee am kua icam yam man shi A hingir myom wam kpaa.

Yesaia 26:12

TERE, Ú ver se bem, gadia ityom yase cii kpaa ka We U er se i ye.

Yesaia 27:5

saa vea gbam ikum, vea hime a Mo, vea hime a Mo je.

Yesaia 31:1

Kwagh á tser mba ve yem shin Igipiti sha u za keren iwasen, man ve suur sha anyinya, shi ve suur sha akekeautya, sha ci u a ngee yô, man sha mbaanyinyav, sha ci u ve taver kpishi yô, kpa mba kenger sha Icighan u Iserael ga, man mba keren TER kpaa ga!

Yesaia 32:17

Tom u perapera ua lu bem je; man atam a perapera ka mtem u bem bem man jighjigh u nan gbem sha won.

Yesaia 32:18

Ior Av vea tema ken ijiir i bem man ken uya mba taver man ken ajiir a memen a yôhôl iyol.

Yesaia 42:19

Ka an nan pir ashe, saa wanakiriki Wam la man ato kpaa a kondo nan er ortyom Wam u M tindi la nahana? Ka an nan pir ashe er or u M tsegh nan la shi nan pir ashe er wanakiriki u TER nahana?

Yesaia 42:6

Mo TER, M yila U sha perapera, M kôr u Uwegh, M kura U kpaa; M gema U, U hingir ikuryan i ior man iwanger i akuraior,

Yesaia 48:2

Gadia mba yer ayol a ve er, ior i icighangar, ve suur sha Aôndo u Iserael, TER u akum a Sha, ka iti Na je la.

Yesaia 49:8

TER ngu kaan nahan er: Sha shighe u doon yô, M rumun We, man sha iyange i myom kpaa, M wase U; Me kura U kpaa, Me ver U Ú lu ikuryan i ior sha u moughon a tar sha, man sha u nan ve dyako u i vande vihin un kera la;

Yesaia 50:1

TER ngu kaan nahan er: Takerada u paven ivôson i ngôu, u M te kera la, ngu hana? Man shi ka hanma or u yaren Mo injô, M tee nan we? Nenge, ka sha ci u akaabo a en i tee ne ye, man ka sha ci u afer a en man i te ngô wen kera kpaa ye.

Yesaia 50:10

Ka anti wen nan lu u cian TER, nan we iko sha imo i Wanakiriki Naa? Zum u nan zenden ken ime man nan lu a iwanger kpaa ga yô, nana̱ suur sha iti i TER, nana̱ lian ken Aôndo u nan kpaa.

Yesaia 66:12

Gadia TER ngu kaan nahan er: Me va un a bem er ifi ka a va nahan, kua icivir i akuraior kpaa er uwagh ka u sar avenge nahan; nea ambe, á ta ne sha ihan je, man á numbe a ven sha anu je.

Yeremia 39:18

Gadia Me yima u kpee je, ú kpe ku u sha sanker ga, kpa uma wou una hingir we er ka ishar u ye yô; sha ci u u suur sha a Mo yô, kape TER A kaa ne.

Daniel 3:17

Aluer Aôndo wase u se civir Un la Una fatyô u yiman se yô, Una yima se ken atse a usu u yeghen ker la kua sha ave ou kpaa, tor.

Daniel 3:28

Nebukadinesar ôr kwagh, kaa er: I̱ wuese Aôndo u Saderaki man Meshaki man Abedi-nego, u A tindi ortyom Na, a va yem mbayev Nav, mba ve suur sha a Na, ve we tindi u tor iko ga, ve na ayol a ve sha u civir ma aôndo ugen sughun un ga, saa Aôndo ve tseegh yô.

Daniel 6:23

Nahan tor ember tsung, a kaa er, i̱ dugh Daniel shin ihungwa kera. Nahan i dugh Daniel shin ihungwa, ve zua un a iyolvihin mape je ga, sha ci u a suur sha Aôndo na yô.

Mika 5:5

Una lu bem; zum u Ashiria una nyôr ken tar wase, man zum u una ndyaren ayou a ase a tor, nahan sea ver mbakuranilev utaankaruhar man mbatarev ken ior anigheni, sha u eren num a na.

YOHANE 14:27

M ngu veren ne bem, M ngu nan ne bem Wam; M ngu nan ne, kpa ka er tar u ne nahan ga. Asema a̱ de kera te ne kwe ga, man shi de kera cie nen kpaa ga.

YOHANE 16:33

Akaa ne M ôr ne sha u né lu a bem ken a Mo yô. Shin tar ne yô, ican ngi eren ne; kpa taver nen asema, Mo M hemba tar ne.

Mbaromanu 5:1

Nahan yô, er i ne se ishô sha jighjigh u nan yô, se mba bem bem a Aôndo sha Ter wase Yesu Kristu.

Mbafilipi 4:7

man bem u Aôndo u a gande hanma mfe wase cii una kura asema a en man mbamhen enev ken Kristu Yesu ye.