Yesaia 26:2 - ICIGHAN BIBILO

² Bugh nen ihinda, ikurior i perapera i lun a jighjigh, i̱ nyôr.

Yesaia 26:2 Iomraidhean Croise

Upasalmi 106:5

sha er me nenge mkpeyol u uicuwan Ou, sha er me ember a nongo Wou ken msaanyol ve la, man me ta ihagh a dyako Wou imôngo yô.

Upasalmi 118:19

Bughum ihinda i perapera, m̱ nyôr sha i, m̱ za sugh TER.

Upasalmi 118:20

Ka hunda u TER je ne, mbaperapera vea nyôr sha u.

Upasalmi 24:7

Kende nen ityouv sha, ne ihinda; kende nen sha, ne ucivir mba tsôron, Tor u iengem A̱ nyôr.

Ekesodu 19:6

Ka ne né lum tartor u upristi kua icighanikurior ye. Ka akaa a ú za ôr Mbaiserael je ne.

Yesaia 45:25

Ka ken TER tsombor u Iserael cii ua zua a perapera, ua ta ihagh kpaa ye.

Yesaia 54:14

Ka sha perapera ú tile taveraa ye; fa er u gbe ica a mkighir u sha ican yô, gadia gba u ú cia ga; man u gbe ica a kwagh u tan mciem iyol kpaa, gadia una sosom a we ga.

Yesaia 54:17

Hanma ityumugh ki i var sha ci u vihin we iyol, ikôl ia lagh ki ga; hanma zwa u ua mough ua hendan a we sha ijir kpaa, ú hemba u. Kwagh ne ka dyako u mbayev mba TER kua perapera ve u a dugh her a Mo je ne, kape TER A kaa la.

Yesaia 58:8

Nahan iwanger you ia due er ka sev mbu aven nahan, man mkpeyol wou una va fefa, perapera wou kpaa una za u sha ishi, iengem i TER kpaa ia yisa u ken ijime.

Yesaia 60:11

Ihindagar you kpaa ia luun ivegher gbem, á wuhen i tugh shin tetan kpaa ga, sha u i̱ va u a akaa a injaa a akuraior, kua utor vev kpaa.

Yesaia 60:18

Mayange á kera ungwa iperakwagh ken tar wou ga, shin myôhôr shin mtim ken ipaventar wou kpaa ga; wea yila ugilgar ou wer Myom, man ihindagar you kpaa wer Iwuese.

Yesaia 60:21

Ior ou cii vea hingir mbaperapera, vea tsôr yan dyako u tar la sha won, ka gbaa u M lee je la, tom u ave Am, sha u i̱ civir Mo yô.

Yesaia 61:3

Shi M̱ ver mba ve zungu ken Shion la, tsar u hweegh sha ityough ki mtwe, mkurem ma msaanyol sha ityough ki mzungu; ikondo i cirin i iwuese sha ityough ki ishima i zunguluu; sha u á yila ve er, ikon i ouki i perapera, ka mmôôr u TER, sha er i̱ civir Un yô.

Yesaia 62:1

Sha ci u Shion yô, Me huan ving ga, man sha ci u Yerusalem kpaa Me mem ga, saa perapera na una mondo er iwanger nahan, myom na kpaa er imenger i yeghen yô.

Yesaia 62:10

Nyôr nen, nyôr nen sha ihindagar, sôr nen ior gbenda, haa nen inya guree, haa nen inya sha igbudu guree, kohol awen kera, kende tuta sha sha ior!

Yesaia 62:2

Akuraior aa nenge perapera wou, utor cii kpaa vea nenge icivir you; man á yila u sha iti i he, i zwa u TER ua ii yô.

Sekaria 8:20

TER u akum a Sha ngu kaan nahan er: Akuraior shi aa va kua ior mba teman ken agar kpishi,

Aerenakaa A Mbaapostoli 2:47

ve lu wuese Aôndo, ior cii kpaa lu rumun ve. Ter lu seer mba i lu yiman ve la sha iyenge ve ayange ayange.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

2 Peteru 3:13

Kpa se mba keghen Usha mba hev je man tar u he u perapera una tema ker yô, sha ityendezwa Na la.

Yuda 1:3

Ne mbadoon mo ishima, er m lu nôngon sha gbashima u ngeren ne kwagh u myom wase u se zough sha mi la yô, gba u me nger ne me wa ne kwagh keng mer, nôngon nen ityav tsung sha kwagh u jighjigh u nan u i na sha ikev i uicighanmbaiorov inie i môm la.

Mpase U Yohane 21:24

Akuraior aa zenden ken iwanger na, utor mba shin tar kpaa ve nyôr a iengem ve ker.

Mpase U Yohane 5:9

Ve wa icam i he ve kaa er: We, U kuma u ngohol ruamabera la, bughun akav a na, gadia i sôngo U man U yam Aôndo ior sha awambe a Ou ken hanma nongo man hanma zwa man hanma nongoior man hanma ikurior,