Yesaia 26:19 - ICIGHAN BIBILO

¹⁹ Mbakpenev Ou vea lu uma; akom a am kpaa aa nder. Nder nen, wa nen icam, ne mba ne tem shin vuulevu; gadia avure a Ou ka avure a iwanger je, man tar kpaa ua due a ujijingi mba mbakpenev.

Yesaia 26:19 Iomraidhean Croise

Yobu 14:8

Shin mise u u ua bee iyol shin inya, itine i u kpaa ia kpe shin inya,

Yobu 29:19

Mise wam samber za ar henpe mngerem ma lu yô, avure lu sha gbaa wam tugh jimin cii.

Upasalmi 110:3

Ior Ou vea na nagh sha ayol a ve sha asema a dedoo je sha iyange i ikumutya You, a uicighanmbaakondov iyol, sha mve u use; er avure a lu nahan kape ikaior You ia va la.

Upasalmi 22:15

agee am uma kera er icenge nahan, nombor wam varem sha ikighô; U va a mo hen vuulevu u kuugh.

Upasalmi 22:29

Mba ve gbe akôr sha won cii, vea ya kwagh, vea gure, vea civir; mba ve lu hingir vuulevu cii yô, vea gure sha ishigh Nagh, ka u nan fetyô u lun uma ga je kpaa.

Upasalmi 71:20

We u U tesem atsan kpishi a nyoon iyol, Ú shi Ú hidem a uma wam her, shi Ú dughum shin aiv a taregh.

Upasalmi 88:11

Á pase erdoo Wou shin uwara? shin jighjigh Wou ken mtimi?

Yesaia 18:4

Gadia TER kaa a mo nahan er: Me lu ving, Me kenger ken ijiir Yam i teman, er mtsee u war war sha mte u iyange, er ibeenegh ki irkpiigh ken mtsee u sha shighe u sundan iyiagh yô.

Yesaia 25:8

Una tim ku sha won kera; Ter AÔNDO Una ese mliam sha ishiv mbi iorov cii, man shi Una hide a ilyahan sha ior Nav kera sha won cii; gadia ka TER je, A er kwagh ne ye.

Yesaia 51:17

Nder, nder, mough tile sha, we Yerusalem, we u u me iyongo i iyugh sha ikev i TER; u ma iyongo i nan zuzu, u ma i ndeera.

Daniel 12:2

Ior kpishi ken mba ve lu yaven shin vuulevu u taregh vea nder, mbagenev sha u zan ken uma u tsôron, man mbagenev di sha u zan ken kunya man iheen i been mayange ga.

Hosea 13:14

Me paa ve sha tahav mbu Sheol; Me paa ve sha ku; we ku, ka han ubombauangev ou ve lu? We, Sheol, ka han mtim wou a lu? Afanyô a vaan a yer sha ishigh Yagh.

Hosea 14:5

Me hingir hen Iserael er avure nahan; una mondo er ityombo nahan, una ta amise a na er Lebanon nahan.

Hosea 6:2

Er ayange á kar kera ahar yô, Una na se uma; sha iyange i atar la Una mough a vese sha, nahan sé lu uma sha ishigh Nagh.

Sekaria 8:12

Gadia ivor i bem ia lu heregh; kon u wain ua ume atam a u, inya kpaa ia na iyiagh nagh, Usha kpaa vea gba avure a ve; Me na asande a ior a a shi her ne, aa ya dyako sha akaa ne cii.

Mateu 27:52

iwar kpaa bugh, ayol a uicighanmbaiorov mbagenev kpishi mba ve vande kpen kera la nder,

Mateu 27:58

A za hen Pilatu, a za pine ikom i Yesu. Tsô Pilatu kaa er, i̱ na un i.

Aerenakaa A Mbaapostoli 24:15

m ngu a ishimaverenkeghen sha Aôndo, ka kwagh u mban ayol a ve kpaa ve lu keghen je, ka mnder u mbaperapera kua mba ve lu perapera ga vea nder shin ku la.

1 Mbakorinte 15:20

Kpa mimi je i nder Kristu shin mbakpenev, ka iyiagh ki tsutswagh ken mba ve kpe kera la.

Mbaefese 5:14

Ka nahan man i kaa er: Nder, we u u yav ne, mough shin mbakpenev, man Kristu Una ta iwanger sha a we bong ye.

Duteronomi 32:2

Ityesen yam i̱ haa er ura nahan; kwaghôron wam a̱ gba er avure nahan, er ura u hamber sha agumatoho nahan, man er ura u nôôn sha ahu nahan.

Duteronomi 33:13

Sha Yosev yô, a kaa er: Tar na u̱ lu a iveren i TER sha akaa a injaa a Sha man sha avure, man sha zegemnger u shin atôtaregh,

Duteronomi 33:28

Nahan Iserael tema bem bem. Imbor i Yakob tema kposo, ken tar u alakema man wain; a er, Usha nav mba nôndon avure.

Mbafilipi 3:10

sha u ma m fe Un man agee a mnder Na u shin ku, man mzough u zuan a Na sha atsan a Na man u hingir kwagh môm a Na ken ku Na la,

Mbafilipi 3:21

Una va gema ayol a ase a icivirigh ga ne, aa hingir kposo á lu kwagh môm a iyol Na i iengem la, ka sha agee a Na a A fetyô u geman akaa cii hingir sha ikev Na la.

1 Samuel 2:6

TER ka A wua, A shi A na uma kpaa; ka A hungwa A or shin Sheol je, shi ka A due a or sha kpaa.