Yesaia 26:16 - ICIGHAN BIBILO

¹⁶ TERE, ken ican yô, ve ker U, shighe u mtsaha Wou lu sha a ve la, ve gba eren msen.

Yesaia 26:16 Iomraidhean Croise

Upasalmi 142:2

M ngu pasen ican yam sha ishigh Nagh, m ngu ôron Un zayol wam.

Upasalmi 27:8

Ishima yam ngi ôron kwagh Wou er: Ker nen ishigh Yagh. Ka ishigh You je me ker ye, TERE.

Upasalmi 42:4

Akaa ne m umbur a, man m seer vaan shin ishima: er yan m zenden a ikpelaior imôngo, m hemen ve u zan ken iyou i Aôndo, a imo i iember man i iwuese, ka ikpelaior i eren iniongo je la.

Upasalmi 50:15

yilam sha iyange i ican, Me yima u, ú gema ú civir Mo.

Upasalmi 77:3

Zum u m umbur Aôndo yô, m toghor ken ishima, zum u m henen ken ishima yô, jijingi wam ure. Sela.

Upasalmi 78:34

Er A wua ve yô, zum la ve pine Un, ve gema ishima ve ker Aôndo.

Upasalmi 91:15

Zum u una yilam yô, Mo kpaa Me ungwa imo na; ken ican Mo Me lu a na, Me yima un, shi Me civir un kpaa.

Yesaia 37:3

Ve za kaa un er: Hesekia ngu kaan nahan er: Iyange ne ka iyange i ican je, man i mtsaha kua ilyahan kpaa; gadia ônov kuma u á mar ve yô, kpa agee a maren ve nga ga.

Yeremia 2:27

ve mba ve kaan a tiônkon er: We u ngu terem je; man shi a iwen er: ka we u marem ye; gadia ve gema ijime a Mo, ve ver ishigh sha a Mo ga; kpa sha shighe u ican ia tser ve la, vea kaa a Mo er: Mough sha, yima se!

Yeremia 22:23

We or u u tem sha Lebanon, u wa iya you sha ikon i sedar ne, nenge imbamtoghol i ú toghol sha shighe u ican i va tser u yô, bee er ka mnyoonom ma kwase u toghol mar nahan!

Yeremia 29:12

Nahan né vaa a Mo, man né za, né za sônom man Mo kpaa Me ver ato her a ven.

Ukwelegh 2:19

Mough, vaa mliam tugh, sha mhii u mbamkor mba utugh, ur ishima you inya er mngerem nahan sha ishigh ki TER; kende ave a ou sha her a Na sha ci u uma u mbayev ou mba ve hum sha ijen sha ityough ki hanma gbenda yô.

Hosea 5:15

Me shi Me hide hen ijiir Yam, zan zan vea rumun ibo ve, vea ker ishigh Yagh; ken ican ve la vea kerem sha gbashima.

Hosea 7:14

Ve yilam sha ishima i môm ga, kpa mba ngoron sha ugambe vev; ve tôndo avav iyol ayol a ve sha ci u samuyia man wain u he; mba hendan a Mo.

Numeri 21:7

Nahan ior va hen Mose, ve kaa er: Se er isholibo er se hingir ayôôso a TER man a we kpaa yô; sôn TER A̱ kura iyô ne hen a vese kera. Tsô Mose gba sônon sha ci u ior.

Mpase U Yohane 3:19

Mo yô, mba ve doom cii ka M tsaha ve shi M kôôm ve kpaa, nahan yô, ver ishima, gema ishima.

Mbaajiriv 10:15

Nahan Mbaiserael kaa a TER er: Se er isholibo; yô, gba eren se kwagh u a doo U cii tsô; kpa ma U shi yem se nyian ne tsô.

1 Samuel 1:15

Tsô Hana gema kaa er: Ei, terem, mo m ngu kwase u ishima i vihim tsung yô, m ma wain shin ma kwagh u hunden ga, kpa m ngu pasen TER ishima yam cii.