Yesaia 26:15 - ICIGHAN BIBILO

¹⁵ We, TER, U seer ikurior iyenge, U seer ikurior iyenge, i kende icivir You sha; U gbanger akighir a tar la cii.

Yesaia 26:15 Iomraidhean Croise

Genese 12:2

Me er u, ú hingir ikurior i vesen, Me ver u doo doo, Me er iti you i̱ za gwa man shi ú lu iveren kpaa.

Genese 13:16

Man shi Me gema tsombor wou ua hingir er vuulevu u hen inya nahan; aluer or nana fatyô u ôron vuulevu u hen inya yô, ka ape tsombor wou kpaa á ôr u la.

1 Utor 8:46

Aluer vea er U isholibo (gadia or u den eren isholibo nan ngu ga), man ishima ia lu vihin We a ve, Wea na ve sha ikev i mbaihomov, man vea yem a ve uikangen ken tar ve, a lu ca shin a lu ikua ikua;

2 Utor 17:23

zan zan TER kar a Iserael sha ishigh Nagh kera, er lu kaa mbayev Nav uprofeti ve gema ve ôr yô; ka nahan man i dugh Iserael ken tar na kera, i yem a ve ken Ashiria uikangen zan zan nyian ye.

2 Utor 17:6

Sha inyom i sha utaankarunyiin i Hoshea la, tor u Ashiria ngohol Samaria, a kura Iserael, a yem a ve uikangen ken Ashiria, a za ver ve ken Hala man hen kpe u Habor ifi u ken Gosan, man ken agar a Mbamede.

2 Utor 23:27

TER kaa er: Me kar a Yuda sha ishigh Yagh kera, er M kar a Iserael kera nahan, shi Me gbihi gar u Yerusalem u M tsough ne kera, kua iyou i M ôr kwagh u i, M kaa Mer: Iti Yam ia lu ker la kpaa.

Nehemia 9:23

U seer ve ônov ngee er asan a Sha nahan, U nyôr a ve ken tar u U kaa a uter vev Wer, vea nyôr vea ya u la.

Yobu 12:23

Ka A seer akuraior iyenge, shi A gema A tim a kpaa; ka A er akuraior a samber sha won, shi A za a a ken kwar.

Yesaia 10:22

Gadia shin er ior ou Iserael ve lu er waarawa hen kpezegemnger nahan, nahan kpaa ka asande ken a ve tsô aa hide ye; i ver mtim keng, a mgbough a perapera je neer haa inya.

Yesaia 33:17

Ashe a ou aa nenge a Tor ken iengem Na, aa nenge tar u gbangese zan zan ca ca.

Yesaia 40:5

iengem i TER ia ande ken igbar, uumace cii vea nenge a i imôngo, gadia ka zwa u TER u kaa nahan ye.

Yesaia 44:23

Ember nen, ne Usha, gadia ka TER A er nahan ye; er nen ikenge, ne ajiir a zan a shin tar; ger nen atsam a wan, ne iwo, man we ikô, a hanma kon u kimi cii, gadia TER paa Yakob, Una pase icivir Na ken Iserael.

Yesaia 6:12

man TER Una yem a ior ca, man ajiir a i undu a kpaa, á ngee ken tar la.

Yesaia 60:21

Ior ou cii vea hingir mbaperapera, vea tsôr yan dyako u tar la sha won, ka gbaa u M lee je la, tom u ave Am, sha u i̱ civir Mo yô.

Yesaia 9:3

U seer ikurior ne, i ngee, U seer ve iember kpishi kpaa; mba ember sha ishigh You sha inja i m-ember i sha iyange i sunda, er ior ve ember shighe u ka vea karen kwar sha ishar yô.

Yeremia 30:19

Tsô á ungwa imo i iwuese ken a ve kua imo i mba ve lu sar sar yô; man shi Me seer ve vea ngee, vea kera ndahar ga; Me shi Me kende ve sha, vea kera lu kwagh u ikoogh ga ze.

Yeremia 32:37

Nenge, Me kohol ve ken ityar cii, i M zende ve ve yem ker sha ishima Yam i vihin, man sha iyugh Yam i tsung kua ishimavihin Yam la; shi Me va a ve hen ijiir ne Me ver ve vea tema bem bem;

Esekiel 36:24

Gadia Me sange ne ken akuraior, Me kura ne ken ityar ityar cii, Me va a ven ken tar wen.

Esekiel 5:12

Kwe wou u môm ken ikwe itiar ua kpe bouange, man ijen ia wua ve ker atô wou; shi kwe wou ugen ken ikwe itiar á wua u sha sanker, á ningir á tser, shi kwe ugen ken ikwe itiar Me sambe u sha ahumbe hanma ian cii, man shi Me tsuwa sanker ken ijime ve.

Numeri 23:10

Ka an nana fatyô u ôron iyenge i vuulevu u Yakob, shin iyenge i umôm-ken-unyiin u Iseraela? Ma m kpe ku u orperapera, mkur wam ma a lu er u na nahan!

Luka 21:24

Vea kpe ku u ishôm; á yem a ve uikangen hen atôatyev cii; Yerusalem kpaa atôatyev á ndyar un shin angahar zan zan shighe u atôatyev á kar kuman.

YOHANE 15:8

Ka kwagh ne a ne Terem icivir ye, ka u ne ume atam kpishi la, man ne hingir mbahenen Av ye.

YOHANE 17:1

Zum u Yesu ôr akaa ne kera yô, A kende ashe Sha, a kaa er: Tere, shighe kuma, na Wan Wou icivir, sha er Wan Wou kpaa A̱ na U icivir yô,

Duteronomi 10:22

Uter ou yan yem ken Igipiti, lu ior akunduatargber tsô; ahegen yô, TER, Aôndo wou, gema u u ngee, iyenge you hingir er asan a Sha nahan.

Duteronomi 28:25

TER Una er kwagh á hemba u sha ishigh ki mbaihomov ou, ú za sha gbenda môm sha u za nôngon ityav a ve man ú gema ú yevese sha ishigh vegh kera sha igbenda itiankarihiar je; ú hingir ityartor i sha won cii ikav i cier iyol.

Duteronomi 28:64

TER Una samber a we ken akuraior cii, hii hen ikighir i tar ne zan zan za ar ken ikighir i tar ngila; keela yô, né za civir mbaaôndo mbagenev mba we kua uter ou ne fe ve ga la, ikon man awen.