Yesaia 24:6 - ICIGHAN BIBILO

⁶ Ka nahan man ifan i ker tar, man mba ve tem sha u kpaa ve lu yan ican sha ibo ve ye; ka nahan man i nande mba ve tem sha tar kera, ior ve shi her kpeghee ye.

Yesaia 24:6 Iomraidhean Croise

2 Utor 24:12

Nahan Yehoyakin tor u Yuda due za hen tor u Babilon, un man ngô na man mbatomov nav man mbatamen nav kua mbatomov mba hen ya na; tsô tor u Babilon maa kôr un sha inyom i sha anigheni i a lu tor la.

2 Utor 25:12

Mbaatsanev mbagenev mba ken tar la yô, orhemen u mbakurantor la undu ve er ve̱ lu mbanengen sha ishule i ikon i wain man i uyia.

Yesaia 1:31

Or u ageegh kpaa nana hingir er vuwe ada nahan, tom u nan kpaa ua lu er amaramausu nahan, ve uhar cii vea hia imôngo, ma or u pirin nana lu ga.

Yesaia 1:9

Aluer TER u akum a Sha Una shi se asande ciôn her ga yô, ma se hingir er Sodom nahan, shi ma se hingir er Gomora nahan.

Yesaia 34:5

Gadia sanker Wam ma je hunde Sha, nenge ngu senen, una va ta sha Edom, sha u ôron ior ijir mba M we ve ifan Mer, i̱ tim ve kera la.

Yesaia 43:28

Nahan M hôngor mbavesen mba icighanjiir, M gema Yakob M na i tim un purututu, Iserael kpaa hingir kwagh u aheenegh.

Yesaia 5:24

Nahan yô, er nomborusu ka u hia atôayia man er toho u uman kpaa ka u haa inya sha usu, kape mise ve ua vôngo la, imondon ve kpaa una mough er ihundu yô, gadia ve venda ityesen i TER u akum a Sha, ve laha kwaghôron u Icighan u Iserael la.

Yesaia 9:19

Sha iyugh i TER u akum a Sha yô, inya hia kera, ior kpaa ve hingir er kwagh u keer usu a mi yô; or zungwe anngô u nan ga.

Yeremia 12:4

Ka hanma iyange je man tar ua de u uren, man ahu a shin tar cii aa de u usene? Sha ci u kwaghbo u mba ve tem ken u la, ishôso ngi timin kua inyon kpaa, sha ci u ve kaan er: Una nenge mkur wase ga, yô.

Yeremia 5:14

Nahan yô, TER, Aôndo u akum a Sha, ngu kaan nahan er: Er ne er kwagh ne yô, nenge, Me ver kwaghôron Wam ken zwa wou a̱ hingir usu, man ior mban ka ikon, ua hia ve.

Esekiel 5:3

Sange i côhin, kange ken riga wou.

Levitiku 26:22

Me tindi inyamikume her a ven ia va kôr ne ônov, ia tim ilev yenev, ia pande ne, né kera ngee ga, igbenda yen kpaa ia kpe.

Malaki 2:2

Aluer né ver ato ga, man né ver ishima sha mi sha u né na iti Yam icivir ga yô, kape TER u akum a Sha A kaa ne, nahan Me haa ne ifan, Me wa iveren yen kpaa ifan; een, M vande wan i ifan kera kpaa, sha ci u ne ver ishima ga yô.

Malaki 3:9

I wa ne ifan, ne mba a ifan iyol, gadia ne mba iin Mo kwagh, ne ikurior ne cii.

Malaki 4:1

Gadia, nenge iyange ngi van ngi yeghen er usu u sha atse nahan; mbagengeseyol cii, man mbaerenafer cii vea hingir atôayia, man iyange i i ve la kpaa ia hia ve kera— kape TER u akum a Sha A kaa ne—je, ia shi ve mise shin gbaa kpaa ga.

Malaki 4:6

Una va gema asema a uter á hide hen uôn, man asema a uôn di kpaa á hide hen uter vev; sha u M̱ de kera va timin tar purututu ga yô.

Mateu 27:25

Ikpelaior la cii gema kaa er: Awambe a Na a̱ lu sha a vese kua sha ônov asev kpaa.

Mateu 7:14

Gadia hunda hoghor, gbenda kpaa imbishi u u ze sha uma la, mbazuan a mi mba kpeghee tsô.

Mbaromanu 9:27

Yesaia kpaa genger imo sha kwagh u Iserael kaa er: Shin er iyenge i ônov mba Iserael ia lu er waarawa u hen zegemnger nahan kpaa, ka asande tsô aa war ye.

Duteronomi 28:62

Er ngise ne ngee iyenge er asan a Sha nahan, nahan kpaa, né mase shin ior ciôn tsô; sha ci u ne ver ato sha imo i TER, Aôndo wou, ga yô.

Duteronomi 4:27

Shi TER Una sambe ne ken ior, ior enev vea mase shin kpeghee ken akuraior, henpe TER Una za haa ve la.

2 Peteru 3:10

Kpa iyange i Ter ia va er ormbaiv nahan. Usha vea kar kera sha ihuran ioo, asemaakaa aa hia kera man tar kua ityom i sha u cii kpaa ia hia kera.