Yesaia 24:16 - ICIGHAN BIBILO

¹⁶ Hii shin ikighir i tar je, se ungwa atsam er: I̱ wuese orperapera. Kpa mo m kaa mer: M ngu saan, kwagh tserem ve! Mbaatsereghev mba eren kwagh sha atseregh, een ka sha atseregh mbaatsereghev ve eren kwagh ye.

Yesaia 24:16 Iomraidhean Croise

Upasalmi 106:15

A na ve kwagh u ve sen yô, kpa a tindi ve mkande ken ishima.

Upasalmi 119:158

M nenge mbaeren kwagh sha icugh la, yô, ishima ndôhôr mo; sha ci u ve we mkaanem Ou iko ga yô.

Upasalmi 2:8

Sônom, yô, Me na U akuraior, a̱ hingir dyako Wou, man akighir a tar kpaa, a̱ hingir kwagh Wou je.

Upasalmi 58:10

Orperapera una ember tsung, zum u una nenge iyevoron la; una ôô angahar shin awambe a mbaaferev.

Upasalmi 65:8

Nahan mba ve tem ken ajiir a caa kpaa, mba cian uivande Ou; ka U er mdugh u iyange man mmir u i ve ember!

Upasalmi 67:7

Aôndo Una ver se doo doo, man akighir a tar cii aa cia Un. Ngun ka sha ci u orhemen u mbawanatsam. Ka Pasalmi u Davidi. Ka icam

Upasalmi 98:3

A umbur erdoo Na man jighjigh Na a ya u Iserael, akighir a tar cii nenge myom u Aôndo wase.

Ekesodu 15:11

Ka an nan lu er We nahan ken mbaaôndo? Ka an nan lu er We, a icighanmlu u icivirigh man aeren a a kom iwuese a cieryol kua a kpilighyoloo?

Yesaia 10:16

Ka nahan man Ter, TER u akum a Sha, Una tindi ikande hen mbakehen nav; man shi shin atô a icivir na, mhie una hia er mhie u usu nahan.

Yesaia 11:12

Una tim tuta sha sha ci u akuraior, Una kohol mba i zende ve kera ken Iserael, man Una kohol Mbayuda mba ve sambe sha azongo a tar a anyiin la, hen ijiir i môm.

Yesaia 17:4

Sha iyange la icivir i Yakob ia pande, mkehem nam kpaa maa bee kera.

Yesaia 21:2

Ka mpase u ican kpishi i tesem ye: Oratseregh nan ngu eren sha atseregh, ortiminakaa di kpaa nan ngu timin. Za ityav, we Elam; za kase ityav, we Media. Me na ishimashirin ia bee cii.

Yesaia 26:15

We, TER, U seer ikurior iyenge, U seer ikurior iyenge, i kende icivir You sha; U gbanger akighir a tar la cii.

Yesaia 28:5

Sha iyange la TER u akum a Sha Una hingir asande a ior Nav a a shi her la er ka idyer i tor i icivirigh man tsar u doon ashe nahan,

Yesaia 33:1

Kwagh á tser u, we or u vihin ior akaa kera, kpa we yô, i vihi u akaa kera ga, we u u eren atseregh, kpa we yô, i er atseregh a we ga. Zum u ú mem u vihin ior akaa kera la, á vihi u kera; man zum u ú de u eren atseregh yô, á er atseregh a we.

Yesaia 42:10

Wa nen TER icam i he, iwuese Na i̱ hii sha ikighir i tar je, ne mba ne zenden sha zegemnger man akaa a a lu shimi cii kpaa; man ne ityar i hen kpezegemnger kua mba ve tem sha i.

Yesaia 48:8

Een, u ungwa ga; een, u fa ga; een, ato ou vande bughun tsuaa kpaa ga; gadia M fa er u eren kwagh sha atseregh yum yô, i yila u er, orhendankwagh, er u lu ken uya je.

Yesaia 52:10

TER bugh icighanwe Na sha ashe a akuraior cii; akighir a tar cii kpaa, aa nenge myom u Aôndo wase.

Yesaia 6:5

Tsô m kaa mer: Kwagh tserem ve, m saa ve! gadia mo m ngu or u zwa wam u hôngor yô, man m tem her atô u ior mba ijô ve i hôngor kpaa yô; gadia ashe am nenge a Tor, TER u akum a Sha.

Yesaia 60:21

Ior ou cii vea hingir mbaperapera, vea tsôr yan dyako u tar la sha won, ka gbaa u M lee je la, tom u ave Am, sha u i̱ civir Mo yô.

Yeremia 12:1

TERE, We U ngu u perapera, aluer me huna U kpaa; nahan kpaa kwagh ngum u ôron a We: Ka nyi man gbenda u iferor u lu a iverene? Man ka nyi mba ve eren kwagh sha atseregh la cii, i kpe ve iyolo?

Yeremia 12:6

Gadia anngôôv ou, man ya u teru je kpaa, ve je kpaa, ve ya zwa sha a we; ve je kpaa ve lu camber we ijime van ye; de ne ve jighjigh ga, shin vea ôr u akaa a doon nan nan kpaa.

Yeremia 3:20

Kpa, er kwase ka nan undu mimi u nan a nom u nan yô, kape ne kpaa ne undu mimi wen a Mo la, we ya u Iserael, kape TER A kaa ne.

Yeremia 5:11

Gadia ya u Iserael kua ya u Yuda ve tsughum tsung je, kape TER A kaa ne.

Ukwelegh 1:2

Ngu vaan mliam tsung tugh, mliam nam ndôôr un sha ahenge; mba a doo ve ishima mbala cii, mo ve u surun un ishima ngu ga; akar a na cii tsugh un, ve hingir mbaihomov nav.

Hosea 5:7

Ve er a TER dang; gadia ve mar ônov mba sha idya; hegen yô, uwer u he ua tim ve kera a ityar ve cii.

Hosea 6:7

Kpa ve vihi ikuryan er Adam nahan; ka heera ve er a Mo dang ye.

Levitiku 26:39

Ior enev mba ve shi her yô, vea hingir seelee sha ci u afer a ve, ken tar u mbaihomov enev, kua sha ci u afer a uter vev kpaa, vea hingir seelee er ve nahan.

Mika 5:4

Tsô Una tile, Una koso ikumuile Na ken agee a TER, sha icivir i iti i TER, Aôndo Na; vea tema bem bem, gadia hegen Una hemba zan zan á za ar sha akighir a tar je.

Habaku 1:13

We u ashe Ou a lu wang je, a gande u kenger sha iferkwagh, man U fetyô u kenger sha kwaghbo ga, ka nyi U kenger sha mbamimiga man shi U gbe huan ving zum u orbo ka a mena or u nan hembe un perapera la nahana?

Habaku 1:3

Ka sha ci u nyi U erem m nengen a iferkwagh man m kenger icana? Gadia mtim man ipila mbam sha ishi; numsuwen ngu, man ahendan gema mough.

Marku 13:27

Hen shighe la, Una tindi mbatyomov Nav vea kohol uicuwanmbaiorov Nav sha ahumbe a sha avegher anyiin la, hii shin ikighir i tar zan zan á ar sha ikighir i Sha.

Aerenakaa A Mbaapostoli 13:47

Gadia kape Ter A kaa se je ne, er: M ver U Mer, lu iwanger i atôatyev, sha u U za a myom zan zan á ar ken ikighir i tar je yô.

Mpase U Yohane 15:3

Ve lu wan icam i Mose wanakiriki u Aôndo man shi icam i Waniyôngo kpaa, ve lu kaan er: We Ter, Aôndo, Uhembanagee, ityom You i vese, i kpiligh iyol kpaa. Igbenda You ka jighjigh man shi mimi kpaa, We, Tor u akuraior cii.