Yesaia 23:13 - ICIGHAN BIBILO

¹³ Nenge, tar u Mbakaldi--ikurior i i kera lu ga ne; Ashiria ver u sha ci u inyamtoho i ken ikôngo; ve maa ugôgômbaayoughouv vev mba taven, ve yôhôl ayou a utor a u, ve gema a mi hingir atihi a alôgh.

Yesaia 23:13 Iomraidhean Croise

Genese 11:28

Haran kpe er ter na Tera lu uma her, ken tar u i mar un la, ka Ur u Mbakaldi je la.

Genese 11:31

Tsô Tera kua a wan na Aberam man Loti, wan u wan na Haran, kua Sarai, kwase u wan na Aberam, a mough a ve ken Ur u Mbakaldi, ve gba yemen ken tar u Kanaan; mba za ar hen Haran yô, ve tema heregh.

Genese 11:9

Ka nahan man i yer iti na er Babel ye, gadia ka heregh man Ter nzughul zwa u ior sha won cii ye; ka heregh la kpaa TER sambe ve sha tar cii wue wue ye.

Genese 2:14

Iti i ifi u sha utar la er Hidekel; ka un a tera sha ishigh ki tar u Ashiria ye. Ifi u sha unyiin la ka Uferati.

2 Utor 17:24

Tsô tor u Ashiria za va a ior ken Babilon man ken Kuta man ken Ava man ken Hamati kua Sefarvaim, a va ver ve ken agar a Samaria sha ityough ki Mbaiserael; tsô ve ngohol Samaria ve tema ken agar a na.

2 Utor 20:12

Hen shighe la je Berodaki-baladan wan u Baladan, tor u Babilon, tindi mbatyomov hen Hesekia a washika kua iwua; gadia a ungwa er Hesekia lu gba angev yô.

2 Kroniku 33:11

Ka nahan man TER va a mbahemenev mba akumautya a tor u Ashiria sha a ve ye; ve kôr Manase sha uiwever, ve kange un sha mshirim ma togula, ve yem a mi ken Babilon.

Yobu 1:17

Ngur ôron nahan yô, ugen shi za va, gba va kaan er: Mbakaldi za va akum atar, va ta num sha urakumi kôr yem a mi, ve wua mbatomov sha zwa u sanker; ka mo tseegh m wer m va kaan we ye.

Upasalmi 72:9

Mba ve tem ken taaikôngo ve̱ gure un inya, mbaihomov nav ve̱ ndiar vuulevu.

Yesaia 10:5

Kwagh á tser u, Ashiria, gbough ku iyugh Yam; ishimavihin Yam ngi ken uwegh vegh er aga nahan.

Yesaia 10:7

Kpa un yô, a wa ishima nahan ga, a hen ken ishima na nahan kpaa ga, kpa ishima na ka u timin man u gberen akuraior kera kpeghee ga.

Yesaia 13:19

Babilon, icivir i ityartor, mdoom ma ihagh i Mbakaldi la, una lu er Sodom man Gomora nahan, zum u Aôndo yan tim ve kera la.

Yesaia 13:21

Kpa inyamtoho ia yav her; uya vev vea mgbough a avungu; ukonkofi vea tema ker; ujijingi mba bov mba ken toho vea vine amar ker.

Yesaia 18:6

Á gema ve imôngo cii, vea hingir kwagh u inyontswam i sha iwo, man u inyamtoho i sha tar; inyontswam ia ya ve inyom man inyamtoho sha tar cii ia ya ve fam.

Yesaia 43:14

TER, Orpaan wen, Icighan u Iserael ngu kaan nahan er: Ka sha ci wen je Me tindi sha Babilon ye; Me sen a Mbakaldi cii, vea hingir mbayevese, ken utso vev mba ve ember sha mi la.

Esekiel 23:23

Mbababilon man Mbakaldi cii, Pekodi man Shoa man Koa, kua Mbaashiria cii a ve imôngo; mbayevikaior mba kuman ashe, ugomna man mbatarev, ve cii ka utor man mbaajiriv, ve cii mba ve hendan anyinya.

Esekiel 29:18

Wan u or, Nebukadinesar tor Babilon, na ikumutya na, i nôngo num a Tiru sha ican; hanma ityough ki orough kpur, man hanma vandegh kpaa torough; nahan kpaa un kua ikumutya na zua a ma injar hen Tiru, sha ci u ityav mbi a nôngo a na la ga;

Daniel 4:30

Tor ôr kwagh kaa er: Ngun kera ka zege Babilon, u m maa sha u a̱ lu ijiir i teman i tor, sha tahav mbu agee am, sha ci u icivir i shagba wam ne gaa?

Habaku 1:6

Gadia nenge, Me mough a Mbakaldi, ikurior i nyoon ishima tsung, man i tsogh tso tsogh, i i zende sha igbanger i tar, sha u ngohol ajiir a teman a a lu a i ga yô.

Aerenakaa A Mbaapostoli 7:4

Tsô a mough ken tar u Mbakaldi, a za tema ken Haran; keela la kpaa, er ter na kpe kera yô, A mough a na, A va a na ken tar u ne lu ker hegen ne.