Yesaia 23:12 - ICIGHAN BIBILO

¹² Man shi A kaa er: Á kera lu u iyol yagh yagh mayange ga, we iniunkwase i i nzughul a we ne, wankwase u Shidon; mough sha, per za ken Kitim, keela kpaa ú za zua a mmem ga.

Yesaia 23:12 Iomraidhean Croise

Genese 10:4

Ônov mba Yavan yô, ka: Elisha man Tarshishi man Kitim man Dodanim.

Genese 49:13

Sebulon una tema hen kpezegemnger, una lu hen ihongo i utso; ikighir na ia ar sha Shidon.

Yesaia 23:7

Ka gar wen u ember yagh yagh je ne, u mhii na a lu ngise je, u angahar a na lu zan a na ca sha u za tsan ken ityar igen ne?

Yesaia 37:22

ka kwaghôron u TER A kaa sha a na ne, er: Iniunkwase, wankwase u Shion ngu lahan we, ngu sen we sha ilyahan; wankwase u Yerusalem ngu jingir ityough ken ijime you.

Yesaia 47:1

Hungwa, tema shin vuulevu, we, iniunkwase i Babilon; shar inya, de tem sha ikônough ki torough ga, we, wankwase u Mbakaldi; gadia á kera yila u er u ngu kwase u lun iyol vel vel, u nan fe ican ga, ga.

Yesaia 47:5

Tema ving, yem ken ime, we, wankwase u Mbakaldi, gadia á kera yila u er, kpamkwase u ityartor ga.

Yeremia 14:17

Yô kaa ve imo ne, wer: Ashe am a̱ haa mliam tugh man tetan, a̱ de memen ga; gadia i vihi iniunkwase, wankwase u ior av sha mvihi u vesen je, kwaghbo tser un tsung.

Yeremia 2:10

Yô, per, za ase hen ityar i hen kpe u zegemnger i Kitim man nenge nen; tindi nen hen Kedar, ver nen ishima dedoo, nenge nen; shin injakwagh ne vande eren nahan je kpa?

Yeremia 46:11

Kôndo nen sha Gileadi, za tôô balsem, we iniunkwase, wankwase u Igipiti; u gba di ngeen a icimbiv anza kposo kposo gbilin tsô; man mwar ngu sha ci wou ga.

Ukwelegh 1:15

TER gema mbaageev av ker atô wam cii hingir gbilinkwagh: A lôhô iniongo sha u tan num sha a mo sha u timin ikaior yam; TER shoghol iniunkwase, wan u Yuda, ken ihungwa i shoghol atam a wain.

Ukwelegh 1:3

I kura Yuda ken tar na kera sha ci u atsan, man sha ci u tom u kpan u tsung; a tema ken akuraior, a zua a mmem ga; mbazendan un mbala za kohol un ken ajiir a hogholoo.

Ukwelegh 4:15

Yem nen kera! Wanger ga! Kape ior lu geren ve akenge la, kar nen sha, kar nen sha, de kera benden nen ave ga! Zum u ve yevese man ve hingir mbazenden wue wue yô, ior mba ken akuraior kaa er: ve̱ de kera shi tem heen ga.

Esekiel 27:6

Ka sha ikon i ouki i Bashan ve gba u iniahatsoo ye; ve er tembetsoo wou sha anyinor a i wa sha ikon i pain i i dugh sha acile a Kitim la.

Daniel 11:30

Gadia utso mba Mbakitim vea va ta num sha a na; nahan una cia, una hide, una mough num a icighanikuryan, una er akaa sha ishima na; je yô, una hide una ver ishima sha mba ve undu icighanikuryan la.

Numeri 24:24

Kpa utso vea due ken Kitim, vea er Ashur ican, shi vea er Eber ican; un di kpaa una tim.

Yosua 11:8

TER na ve sha ikev i Iserael, ve hemba ve, ve zenda ve zan zan za ar hen Zegeshidon, man hen Miserefoti-maim kpaa, kua hen pev u Misepa vegher u sha ityoughkitaregh la; ve wua ve je ma or kera shi ga.

Mpase U Yohane 18:22

Á kera ungwa imo i mbakuhwan adiguve ken we ga, shin mbawanatsam shin mbatôngonamar shin mbatôngonikor kpaa ga. Man á kera zua a ma or u fan eev u eren ma tom u sha kwaghfan ken we kpaa ga, á kera ungwa iov i nase ken a we kpaa ga.