Yesaia 22:4 - ICIGHAN BIBILO

⁴ Ka nahan man m kaa mer: Tôô ashe sha a mo kera, m vaa mliam ma vihin tsung; de nenge u surun mo ishima sha mtim u wankwase u ior av ga.

Yesaia 22:4 Iomraidhean Croise

Eseter 4:1

Tsô zum u Mordekai fa akaa a i er la cii yô, Mordekai ande akondo a na, ta mzemba uya, haa mtwem iyol, a kar hen atô gar a gbehe kwelegh tsung;

Upasalmi 77:2

Sha iyange i ican tserem la, m ker Aôndo, m naregh uwegh tugh, m shil ku ga, ishima yam kpaa rumun er i̱ sur i ga.

Yesaia 15:3

Mba tan mzemba uya sha akômaigbinda ve; mba sha ihaav vev man sha ityembe ve kpaa, hanma or ngu vaan haan mliam tsung.

Yesaia 33:7

Nenge, anomaior a ve nga geren imo ken won; mbatyomov mba i tindin ve u keren bem, mba geren mliam tsung.

Yeremia 13:17

Kpa aluer ne venda u ungwan un yô, uma wam una vaa ken myer sha ci u iyolmoron la; man ashe am aa vaa tsung, mliam maa haa, sha ci u i kôr ikumuile i TER, i kange i, i yem a mi yô.

Yeremia 31:15

TER ngu kaan nahan er: Ungwa! Imo ken Rama, kwelegh man mliam ma vaan tsung; Rahel ngu vaan ônov nav; a venda ishima i surun sha ci u ônov nav, gadia kera mba ga.

Yeremia 4:19

Myam ama, myam ama! Nyoon mo ken ishima je, ishima yam ngi tan mo kwe; m kera fatyô u teman ving ga, gayô, m ngu ungwan mkaa u ikpamkor, ikenge i utya je!

Yeremia 6:26

We, wankwase u ior av, ta ibashôhô uya, vingir sha mtwe; zungwe, er ka i zungwe wan u a lu môm nahan, gber kwelegh, gadia ortimin ngu va burun se a bur.

Yeremia 8:18

Ma m sur ishima yam, ishima i vihin ma i pandem kera! Ishima hingir mo ker dang je.

Yeremia 9:1

Ityough yagh ma ki lu ase mngerem man ishe yam kpaa ma i lu ase imbor i mlia, ma m vaa tugh kua tetan sha ci u mba i woo ve ken wankwase u ior av la!

Yeremia 9:18

ve̱ er fefa, ve̱ va gber kwelegh sha ci wase, sha u ashe ase a̱ haa mliam, akurashee kpaa a̱ ndoor mliam ga ga ga.

Ukwelegh 2:11

Ashe am hungwa ikôr sha ci u mlia, myam am zômon, mtemam am sough haa inya cii, sha ci u mtim u wankwase u ior av; sha ci u mbayev mba kiriki man mbamanatumba hume sha ityembe i ken gar.

Esekiel 21:11

I na sanker er i̱ kile un sha u eren tom a mi; i wua un, man i kile un kpaa, sha u nan sha ikev i orsôngonkwagh.

Esekiel 27:31

man vea torough ityouv vev sha ci wou, vea ta ikondo uya, vea vaa u, sha ishima i vihin man ijungwen i tsung.

Mika 1:8

Sha ci u kwagh ne yô, me gber kwelegh me vaa, me zende angahar gbilin man idyelegh; me vaa, me er ikenge er ugbaseela nahan, me er imo er ukonkofi nahan.

Mateu 2:18

I ungwa imo ken Rama, mliam ma haan man mzungu tsung! Rahel ngu vaan ônov nav, a rumun er i̱ sur un ishima ga, sha ci u ve kera lu ga yô.

Mateu 26:75

Tsô Peteru umbur mkaanem ma Yesu kaa un la er: Ikegh ia lu a tôngo ga je tsô ú nyiman kwa tar wer, u fam ga. Tsô a due ken won, a gba za vaan tsung.

Luka 1:2

er mba ve lu nengen Imo la sha ashe a ve sha hiihii je shi ve lu eren Un tom kpaa yô, ve na se a la,

Luka 19:41

Tsô za mgbôghom, nengen a gar yô, A vaa sha ci na.