Yesaia 21:9 - ICIGHAN BIBILO

⁹ Man nenge, ikum i mbaanyinyav mba van, mba zenden uhar uhar. Tsô a gema a kaa er: Babilon gba, a gba ve, ieev mbi gban a gba mbi mbaaôndo vev cii, i hembe mbi shin inya je.

Yesaia 21:9 Iomraidhean Croise

Yesaia 13:19

Babilon, icivir i ityartor, mdoom ma ihagh i Mbakaldi la, una lu er Sodom man Gomora nahan, zum u Aôndo yan tim ve kera la.

Yesaia 14:4

ú gema ipilaikaa sha tarnahan, ú gba teren tor u Babilon wer: Kape orkighir ior a ican a kur ne! Mkighir bee!

Yesaia 2:18

Akombo kpaa á kar a mi kera purututu.

Yesaia 21:7

aluer nana nenge a ikum i mbaanyinyav mba ve zenden uhar uhar man ikum i ujaki kua ikum i urakumi yô, nana̱ tim ato, nana̱ ver ishima dedoo.

Yesaia 47:5

Tema ving, yem ken ime, we, wankwase u Mbakaldi, gadia á kera yila u er, kpamkwase u ityartor ga.

Yesaia 47:9

kpa akaa ahar ne aa tser u fese, sha iyange i môm: msaa u ônov man u teman icôghol; aa tser u jimin, shin er ahir a ou a ngee, man akaasôron a ou la a taver nahan kpaa.

Yesaia 48:14

Kohol nen imôngo, ne cii, ver nen ato; ka anti ker a ven nan pase akaa angara? Un u a doo TER ishima la, una er ishima na sha Babilon, man uwegh nagh kpaa kua lu sha Mbakaldi.

Yeremia 50:29

Yila mbakerenavaan, ve̱ kohol imôngo, ve̱ ta num sha Babilon, mba ve hende mbaada cii; haa nen afo kase nen un tser; ma or u keregh nana̱ de waren ga; or un iyev sha ieren na; er a er nahan, shi er di nen a na nahan vough; gadia a cihi TER, Icighan u Iserael.

Yeremia 50:38

Icegh ki̱ va sha mngerem nam, ma uma kera; gadia ka tar u ieev je, akombo a ve la er ve, ve nyôr ihundu.

Yeremia 50:42

Ve kôr ada uwe man iwange, ka mbavihin kwagh tsung je, mba a mhôônom ma zungwen ga; ikenge ve ngi er kumetan u zegemnger nahan, ka mbahendan anyinya kpaa; ve wa ago iyol er or u nan kange iyol i utya nahan, sha u nôngon ityav a we, we wankwase u Babilon.

Yeremia 50:9

Gadia nenge, Me tor ikpelaior i akuraior a vesen ityô, a ken imbusutarimese la, Me er, á va ta num sha Babilon, aa tange ityav sha a ve, ka sha her je man á hemba un ye; avaan a ve aa lu er avaan a orutya u fan ivaan nahan u nana hidi ave gbilin ga yô.

Yeremia 51:27

Tim nen tuta sha tar, tôngo nen ikpamkor ken akuraior, ver akuraior, tsegha a sha u tan num sha a na, yila ityartor i Ararati man Mini man Asekenashi sha u tan num sha a na; ver kurutya sha u nôngon ityav a na, na anyinya a̱ kôndo er ikomon nahan.

Yeremia 51:44

Me tsaha Bel ken Babilon, Me dugh kwagh u a men ken zwa na la; akuraior kpaa aa kera za her a na lugh lugh ga; gilgar u Babilon kpaa gba.

Yeremia 51:47

Nahan nenge, ayange nga van a Me tsaha ieev mbi Babilon mbi gban a gba, tar na cii ua va ahenge, man ior nav mba i woo ve cii, vea gba ker atô na.

Yeremia 51:52

Nahan yô, nenge, ayange nga van, kape TER A kaa ne, a Me tsaha ieev nav mbi gban a gba la; man ken tar na cii, mba i gber ve avav vea kine.

Yeremia 51:64

shi kaa wer: Kape Babilon una mire ne, mayange una kera due sha ga, sha ci u kwagh u bo u Me va a mi sha a na la. Ka mkur u akaaôron a Yeremia je ne.

Yeremia 51:8

Babilon gba fese, tim je; gbidye nen un ivaa; za nen un a icigh sha ci u mnyoonom nam, alaghga una war.

Mpase U Yohane 14:8

Ortyom u Sha ugen u sha uhar kpaa dondo, lu kaan er: A yôhôl ve, Zegebabilon u a er akuraior cii a me wain u asaren a na a ijimbagh la, yôhôl ve.

Mpase U Yohane 18:2

A yila sha imo i genger genger a kaa er: A yôhôl ve, Zegebabilon yôhôl ve, hingir ijiir i ujijingi mba bov tsan her, shi hingir ya u hanma jijingi u hwangeregh man shi ya u inyon i hwangerev man i ndôhôr ishima kpaa.

Mpase U Yohane 18:21

Tsô ortyom u Sha ugen u taver iyol tôô iwen er zegenase nahan kende shin zegemnger, kaa er: Kape á mgbegha zegegar u Babilon kera sha agee, á kera zua a na ga je ne.