Yesaia 21:5 - ICIGHAN BIBILO

⁵ Mba sôron tebul, mba taren ubutu, mba yan kwagh, mba man kwagh; mough nen sha, ne atiator, shighe nen perutya mkurem.

Yesaia 21:5 Iomraidhean Croise

2 Samuel 1:21

Ne iwo i Gilboa, avure shin ura ve̱ de kera luun sha a ven ga, shin ajiir a nan nagh kpaa ga. Gadia ka sha her man i ta perutya u anomaior kera ye, perutya u Saulu, i shighe u mkurem ga.

Yesaia 13:2

Kende nen tuta sha sha uwo u penem penem, genger nen imo yila ve, viligh nen ave, ve̱ nyôr sha ihinda i atiator.

Yeremia 46:3

Sôr nen akuva man perutya, kporom nen sha u nôngon ityav.

Yeremia 51:11

Hor nen avaan, kôr nen iperutya ave! TER tor jijingi u utor mba Media ityô gadia awashima Na sha kwagh u Babilon yô, ka u timin un kera, gadia ka iyevoron i TER je la, iyevoron i tempel Na.

Yeremia 51:39

Zum u isharen ve ia yegh yô, Me er ve iniongo, man Me er, vea hunde; sha er ve̱ hume ve̱ gba mnyam, ve̱ yav gbem sha won, ve̱ de kera nderen ga yô, kape TER A kaa ne.

Yeremia 51:57

Me na atiator a na á hunde kua mbafankwagh nav, man ugomna nav, man mbahemenev nav, man mbautyav nav kpaa; vea gba mnyam vea saa yaven gbem sha won, vea nder ga, kape Tor A kaa ne, TER u akum a Sha ka iti Na je la.

1 Mbakorinte 15:32

Aluer i lu sha inja i or man m nôngo a inyamikume ken Efese yô, i lum a inja sha nyi? Aluer mba nderen mbakpenev ga yô, se gbaa yan nen akaa man akaa tsô, gadia kper se mba kpen.