Yesaia 21:3 - ICIGHAN BIBILO

³ Ka nahan man awenge am a mgbough a mnyoonom, mtoghor kôrom er martoghol ka ua kôr kwase nahan; m hingir ngugh ngugh je m kera fatyô u ungwan ga, kundam iyol je m kera fatyô u nengen ga.

Yesaia 21:3 Iomraidhean Croise

Upasalmi 48:6

Ikarikase gbidye ve iyol heregh, mnyoonom kôr ve, inja er kwase ka nana toghor mar nahan.

Yesaia 13:8

mciem maa ta ve iyol, mtoghor man asemavihin aa tser ve, á nyoon ve er kwase u nan toghol mar nahan; vea kenger ayol a ve a anzughul ken ishima; ishiv vev yô, mbia lu er mbi usuv nahan.

Yesaia 15:5

Ishima yam ngi vaan sha ci u Moabi; ior nav mba yevese, ve za ar hen Soar, hen Egelati-shelishiya, gadia gbenda u kôndo sha Luhiti la, mba kôndon u a mliam zwa je; man sha gbenda u zan sha Horonaim la kpaa mba geren mliam gbidyen vaa.

Yesaia 16:11

Ka nahan man myam am ma eren imo er adiguve nahan sha ci u Moabi kua ishima yam kpaa sha ci u Kir-hereshi ye.

Yesaia 16:9

Ka nahan man me haa mliam a mliam ma Yaser imôngo ye, me vaa kon u wain u Shibema, me ur u sha mliam am, we, Heshebon man Eleale, gadia vaautya ger sha shighe u kohol atam a ou la, kua sha sunda wou kpaa.

Yesaia 26:17

Er kwase u wan iyav, shighe u nan u maren ka una mgbôghom yô, nan toghor, nan genger imo ken mnyoonom nam, kape se kpaa se lu sha ishigh You la, TERE.

Yeremia 4:19

Myam ama, myam ama! Nyoon mo ken ishima je, ishima yam ngi tan mo kwe; m kera fatyô u teman ving ga, gayô, m ngu ungwan mkaa u ikpamkor, ikenge i utya je!

Yeremia 48:41

I ngohol agar, i hembe ayouautya a taver; asema a mbaageev mba Moabi aa hingir er ishima i kwase u toghor mar nahan sha iyange shon la.

Yeremia 49:22

Nenge, nana kôndo nana purugh er gafa nahan nana samber akper a nan sha Bosera; man sha iyange la ishima i anomaior a Edom ia hingir er ishima i kwase u toghol mar nahan.

Yeremia 50:43

Tor u Babilon ungwa ve, ave na maa shir livaa; ican tser un man mnyoonom kôr un er kwase u toghor mar nahan.

Yeremia 6:24

Se ungwa gwa ve, ave ase shir livaa; ican tser se, mnyoonom kpaa kôr se er ka kwase u toghor mar nahan.

Habaku 3:16

M ungwa, nahan ikav yav mbi ken atô zômon; sha ci u imo la, ityumbuzwaagh yam kunde; mhee nyôr ken akuhe am je, ikarikase gbidyem iyol hen pe m til la; nahan kpaa me lu ving me kegh iyange i ican sha u i̱ va sha ior mba ve nenge ityav a vese a akumautya la.

YOHANE 16:21

Shighe u kwase ka nana maren yô, ishima i vihi nan sha ci u shighe u nan a kom yô; kpa nana maren kera yô, nan kera umbur ican i nan la ga, sha ci u iember i i mar or shin tar ne yô.

Duteronomi 28:67

pepe yô, ú kaa wer: Iyange ma i shi bee! Iyange ia been yô, ú kaa wer: Ma i lu pepe! Sha ci u mcie u ishima you u ú cie yô, man sha ci u kwagh u a lu u sha ishi, u ashe ou aa nenge yô.

1 Mbatesalonika 5:3

Zum u vea kaan er: Bem, man mkpeyol yô, ka zum la je mtim una ande sha a ve ibuv er martoghol ka u kôr kwase uya nahan ye, mayange vea kera war ga.