Yesaia 21:1 - ICIGHAN BIBILO

¹ Mkaanem ma Aôndo sha desereti u zegemnger. Er uhiar mba ken tar u Imbusutariyan la, ka ve karen ve huran sha agee nahan, kape ngu a due ken ikôngo ken tar u cieryol.

Yesaia 21:1 Iomraidhean Croise

Yobu 37:9

Ka ken iyou na hiar a dugh ye, man wuhe yô, ka ken ahumbe a a samben abeen la.

Yesaia 13:1

Mkaanem ma Aôndo sha Babilon, ma Yesaia wan u Amoshi nenge yô.

Yesaia 13:13

Ka sha ci u nahan Me er Usha vea tenger, tar kpaa ua tenger ua kar hen ijiir i u la kera, sha iyugh i TER u akum a Sha, sha iyange i iyugh Na i yeghen tsung la.

Yesaia 14:1

Gadia TER Una zungwe Yakob mhôônom, Una shi á tsuwa Iserael, Una ver ve er ve̱ tema ken tar ve; ior mba ken nongo ugen kpaa vea nyôr nongo a ve, vea var hen ya u Yakob.

Yesaia 14:14

me kôndo sha, me kar abeen a hemban gban ca la, me hingir er Uhembansha nahan,

Yesaia 14:23

Me gema un á hingir sha ikev i mbaadendem man shi una lu atunguamnger; Me ese un kera sha canca u mtim kpaa, kape TER u akum a Sha A kaa la.

Yesaia 17:1

Mkaanem ma Aôndo sha Damaseku. Nenge, mba karen a Damaseku sha, una kera lu gar ga, una hingir tihi u alôgh.

Yesaia 47:1

Hungwa, tema shin vuulevu, we, iniunkwase i Babilon; shar inya, de tem sha ikônough ki torough ga, we, wankwase u Mbakaldi; gadia á kera yila u er u ngu kwase u lun iyol vel vel, u nan fe ican ga, ga.

Yesaia 5:28

avaan a ve ka a horon, mbaada vev cii kpaa i henda ve; apande a anyinya ve kpaa aa lu er iwen i gberusu nahan, akaver a ve kpaa nga er ahumbe a hiar yô;

Yeremia 51:1

TER ngu kaan nahan er: Nenge, Me kpoghol jijingi u ortimin akaa kera la, a̱ va ta sha Babilon man sha ior mba asema a ve a hendan a Mo la.

Yeremia 51:42

Zegemnger va ar sha Babilon; i cir un sha agôndoamnger.

Yeremia 51:51

Se va ahenge, gadia se ungwa tarnahan; kunya cir se ishigh cii, gadia ior mba ken nongo ugen va nyôr ken ajiir a tseghan a iyou i TER.

Esekiel 1:4

Tsô m kenger yô, nenge, ahumbe a uragh lu duen shin imbusutarimese lu van, ibeenegh ki vesen a usu u haan vir vir gbem, man iengem kase ki tser; ker atô, ka ker atô u usu la, lu er iyôgh ki engem nahan.

Esekiel 30:11

Un a ior nav imôngo, ka ior mba hemban vihin kwagh a akuraior cii, á va a ve sha u vea tim tar la; vea tsuwa usanker vev sha u nôngon ityav a Igipiti, vea iv tar la a mba i woo ve.

Esekiel 31:12

Ior mba ve lu nongo ugen, ka ikurior i hemban vihin kwagh a akuraior cii, ve wua un kera, ve undu un; agbaa a na haa sha iwo man shin apev cii, agbaa a na a kiriki kever haa shin iwagh i hen tar la cii; akuraior a sha won cii kar hen mure na kera, undu un.

Esekiel 38:9

Wea kôndo er ijeverahumbe nahan, wea lu er ibeenegh ki cirin tar nahan, we man akum a ou cii, man ior kpishi a we imôngo.

Daniel 11:40

Sha shighe u mkur yô, tor u ken imbusutariyan una va nôngo num a na; man tor u ken imbusutarimese kpaa una mough num a na er hiar nahan, a akekeautya man mbaanyinyav man utso kpishi; una nyôr ken ityar, una kar sha mi cii.

Sekaria 9:14

Tsô á nenge a TER Una kar ve sha, ivaan Na kpaa ia due er inyiar nahan; man Ter AÔNDO Una tôngo korough, Una va ken hiar u ken imbusutariyan la.