Yesaia 20:2 - ICIGHAN BIBILO

² hen shighe la TER ôr kwagh sha ikev i Yesaia wan u Amoshi, kaa er: Za, za sagh ikondo i aivegh shin iwenge you kera man shi tsuwa akôv a ou shin angahar kpaa. Tsô a er nahan, a gba zenden idyelegh, a akôvangahar kpaa ga.

Yesaia 20:2 Iomraidhean Croise

2 Samuel 15:30

Tsô Davidi gba kôndon sha gbenda u unden sha uwo u Olev la, lu vaan unden, a yisa ityough nagh, lu yemen, lu a akôv shin angahar ga; ior mba ve lu a na imôngo cii ve yisa ityough vev seer seer, ve lu kôndon vaan yemen.

2 Samuel 6:20

Tsô Davidi hide sha u una ver ior mba hen ya na doo doo yô. Nahan Mikal wan u Saulu due u va keghen Davidi gbenda, a kaa er: Tor u Iserael ngu a icivir sha ashe a ior nyian tsôô, a er akondo kera sha ashe a ikpan i ukase i mbayev nav, vough er gbilinor u lun a kunya ga ka nan gba saghen ikondo nahan!

2 Utor 1:8

Ve gema ve kaa a na er: Nan ngu a ice iyol, a zer kwange u ikôv shin iwenge. Tsô a kaa er: Ka Eliya Ortishibi.

Upasalmi 30:11

U gemam mzungu wam hingir mo ahan; U saghem ajav, U gema u zerem iember

Ekesodu 3:5

Shi A kaa er: De kporom heen ga; tsuwa akôv shin angahar a ou kera, gadia ijiir i u til her ne, ka icighanjiir je.

Yesaia 1:1

Mpase u Yesaia wan u Amoshi, u a nenge sha kwagh u Yuda kua Yerusalem, sha ayange a Ushia man Yotam man Ahashi kua Hisekia, utor mba Mbayuda.

Yesaia 13:1

Mkaanem ma Aôndo sha Babilon, ma Yesaia wan u Amoshi nenge yô.

Yesaia 37:2

Nahan a tindi Eliakim u a nengen sha ya u tor, man Shebena orngeren kua upristi mba tamen, ve haa aba iyol, ve za hen profeti Yesaia wan u Amoshi.

Yeremia 48:37

Hanma ityough i torough ki; hanma indyer i hondo i kera; ave cii i gber a avav, hanma or ta ikondo uya.

Esekiel 24:17

Shir ishima teghelee, de kera zungu ku u orkpen ga, kange atsar sha ityou, wa akôv a ou shin angahar, de cirin zwa wou ga man de kera ye kwaghyan u ior ve va u a mi la ga.

Esekiel 24:23

Atsar a en aa lu ne sha ityou man akôv a en kpaa shin angahar; man nea zungwe shin nea vaa kpaa ga, kpa nea use ken afer a en, man hanma or nana toghor ican a ugen.

Esekiel 4:1

We wan u or, tôô ikamegh, ver sha ishigh you, kpela foto u gar sha mi, ka Yerusalem je;

Esekiel 4:5

Gadia m ver u iyenge i anyom a iferkwagh ve sha iyenge i ayangegh, ka ayange deri utar man akunduanyiingber; kape ú tôô iferkwagh i ya u Iserael je la.

Mika 1:11

Kar yem nen, ne mba ne tem ken Shafir, yem nen idyelegh man a kunya; mba ve tem ken Saanan la, ve due ga; mliam ma Bete-esel maa ngohol ijiir yen i tilen her la kera.

Mika 1:8

Sha ci u kwagh ne yô, me gber kwelegh me vaa, me zende angahar gbilin man idyelegh; me vaa, me er ikenge er ugbaseela nahan, me er imo er ukonkofi nahan.

Sekaria 13:4

Tsô sha iyange la uprofeti vea va ahenge, hanmô ve sha mpase u sha mnenge u nan, zum u nan lu ôron kwaghôron u profeti la, nana kera cir ikondo i aivegh sha u tsughun ior ga;

Mateu 16:24

Tsô Yesu kaa a mbahenen Nav er: Aluer anti or a sar nan pe van a mo ityô yô, nana̱ nyiman iyol i nan, nana̱ tôô terankon u nan, nana̱ dondo sha a Mo.

Mateu 3:4

Yohane ne yô, ikondo na lu i sha aive a rakumi, man shi a zer kwange u ikôv shin iwenge; kwaghyan na gema lu mbaahungwa man shi iyough i ken toho.

YOHANE 21:7

Nahan orhenen u a doo Yesu Ishima la, kaa a Peteru er: Ka Ter je. Shimon Peteru ongo er i lu Ter je yô, a fiir ikondo, gadia lu idyelegh, a guusu shin zegemnger.

Aerenakaa A Mbaapostoli 19:16

Or u jijingi u bo lu ken a na la, tsuwe, ta sha a ve, hemba ve cii, hemba ve sha agee, zan zan ve yevese ve due ken ya la idyelegh a avav iyol.

Aerenakaa A Mbaapostoli 21:11

Ve hen vese yô, a tôô tsar u Paulu, a kange angahar a na iyol na kua ave kpaa, a kaa er: Kape Icighan Jijingi A kaa ne er: Kape Mbayuda mba ken Yerusalem vea kange or u tsar ne, vea na un sha ikev i atôatyev la.

Yosua 5:15

Kur u ikumutya i TER kaa a Yosua er: Tsuwa akôv shin angahar a ou kera, gadia ijiir i u til ne, ka icighanjiir. Tsô Yosua er nahan.

Mpase U Yohane 11:3

Me na mbashiada Av mba uhar tahav vea ôr kwaghôron u profeti á kuma ayange dubu man deri uhar man akunduatar, vea haa abaasôhô iyol.

1 Samuel 19:24

A er ikav nav kera, a gba ôron kwaghôron u profeti sha ishigh ki Samuel, a yav idyelegh, shi didi, tugh mbula cii lu her nahan. Ka nahan man i kaa er: Saulu kpaa, nyôr nongo a uprofeti?