Yesaia 2:6 - ICIGHAN BIBILO

⁶ Gadia U ta ior Ou, ya u Yakob kera, gadia ve iv a akaa a sha inja i mba sha ityoughkitaregh la, ve ka mbakpehenasor sha inja i Mbafiliti, man shi ve nyôr nongo a ônov mba ior mba tar ugen.

Yesaia 2:6 Iomraidhean Croise

2 Utor 1:2

Ahashia osogh sha ian i sha kpoyou na u sha ken Samaria gba shin inya, nahan iyol nyoon un; tsô a tindi mbatyomov, a kaa a ve er: Za, za pine nen Baal-sebu aôndo u Ekeron ner, me war angev mbun kpa.

2 Utor 17:20

Nahan TER venda tsombor u Iserael cii, A er ve ican, A na ve sha ikev i mbayanshar zan zan A zenda ve sha ishigh Nagh kera.

1 Kroniku 10:13

Kape Saulu kpe sha ci u kwaghbo u a er TER la, man sha ci u a wa imo i TER iko ga, man sha ci u a pine jijingi u orkpen kwagh,

2 Kroniku 15:2

nahan a mough a za kegh Asa gbenda; a kaa a na er: Ungwam nen, we Asa, kua Yuda cii man Benyamin; TER ngu a ven, er ne lu a Na yô; aluer né ker Un yô, né zua a Na je; kpa aluer né undu Un yô, Un kpaa Una undu ne.

2 Kroniku 24:20

Tsô Jijingi u TER va sha Sekaria, wan u pristi Yehoyada; a tile sha ishigh ki ior, a kaa a ve er: Aôndo ngu kaan nahan er: Ka nyi ne peren atindi a TER, ne kera soo u zuan a mkpeyol ga nahana? Er ne undu TER yô, Un kpaa A undu ne ve.

Nehemia 13:23

Sha ayange la kpaa, shi m nenge Mbayuda mba ve er kasev ken Ashedodi man ken Amon kua ken Moabi;

Upasalmi 106:35

kpa ve nungwa a atôatyev la, ve hen aeren a ve;

Ekesodu 22:18

De kera deen kwase u eren ahir a̱ luun uma ga.

Ekesodu 34:16

shi ú er ônov vev mba kasev ú na ônov ou mba nomso kpaa; nahan ônov vev mba kasev mbala zum u vea eren idya sha u dondon mbaaôndo vev yô, vea na ônov ou mba nomso kpaa vea er idya sha u dondon mbaaôndo vev mbala.

Anzaakaa 6:1

Wan wam aluer wea hingir ishuur sha ci u or u nan we ndor a we, aluer wea ngohol uwegh ku orvanava yô,

Yesaia 14:29

We, Filisetia man ne mba keregh cii, de ember nen er gbough ku i gbidye u a mi la ku sombo kera ga, gadia ken mise u iyô yô, igbinde ia due, tsombor na kpaa ua lu iyô i usu i purugh.

Yesaia 8:19

Zum u vea kaa a ven er: Pine nen ujijingi mba mbakpenev kua mbatsenganpasen akaa kpaa, mba ve ndahar imo, ve er kwagh shin iker la–kera hemba doon u ior vea pine Aôndo ve gaa? Á pine mbakpenev kwagh sha ci u mbaumavaa?

Yeremia 10:2

TER ngu kaan nahan er: De henen nen gbenda u akuraior ga; man asema a̱ de nyian ne sha uivande mba sha kwavaôndo la ga, gadia asema nga nyian akuraior sha ci ve.

Yeremia 12:7

M undu ya Wam, M gbihi dyako Wam kera, M gema u a doo uma Wam ishima la, M na sha ikev i mbaihomov nav.

Ukwelegh 5:20

Ka nyi man se hungul We gbeme, man U gbihi se kera ayange a ngee nahana?

Levitiku 19:31

De ze nen hen ujijingi mba mbakpenev ga, shin mbatsenganpasen akaa kpaa ga, de keren nen ve sha er né hôngor ayol a en sha ve ga; ka Mo TER M lu Aôndo wen yen.

Levitiku 20:6

Or u nan ze hen ujijingi mba mbakpenev man mbatsenganpasen akaa sha u nana er idya sha u dondon ve yô, Me kera saan ishigh a or la ga, Me dugh nan ken nongo u nan kera.

Mika 5:11

shi Me tim agar a ken tar wou, man Me yôhôl ajiir a taver a ou cii;

Mika 5:12

Me tim mbaasorov ken uwegh ough kera, ú kera lu a mbaahiriv ken a we ga;

Sefania 1:8

Tsô sha iyange i nagh ku sôngon ku TER la, Me tsaha mbatarev kua ônov mba tor, man mba ve hee akondo a akuraior agen la cii.

Numeri 23:7

Tsô a tôô injakwagh na, a kaa er: Ka hen Aram je Balaki a za koo a mo ye, ka tor u Moabi je, ka sha iwo i sha ityoughkitaregh la: Va, va wam Yakob ifan, va, yuwe a Iserael,

Mbaromanu 11:20

Kape i lu je la. Ka sha jighjigh ve u nan ga la i asegh ve kera ye. We yô, ka sha jighjigh u nan u til ye. Yô, de gengese iyol ga, cian kwagh.

1 Samuel 6:2

Tsô Mbafiliti yila upristi kua mbakpehenasor, ve pine ve er: Sé er a Areki u TER ne nana? Kaa nen se kwagh u sé er man sé hide a na hen ijiir na yôô?