Yesaia 2:2 - ICIGHAN BIBILO

² Sha ayange a masetyô yô, uwo u iyou i TER ua tile dông, ua tav sha ua hemba iwo cii, á kende u sha, ua hemba agungu; akuraior cii aa kôndo sha u iuu.

Yesaia 2:2 Iomraidhean Croise

Genese 49:1

Tsô Yakob yila ônov nav, kaa a ve er: Kohol nen imôngo, m̱ ôr ne kwagh u una va er ne sha ayange a masetyô yô:

Yobu 19:25

Kpa mo yô, m fa Oryiman wam ngu uma, ken masejime Una mough Una tile sha vuulevu.

Upasalmi 102:23

A vihim agee sha gbenda, A nyuram a ayange kpaa.

Upasalmi 2:8

Sônom, yô, Me na U akuraior, a̱ hingir dyako Wou, man akighir a tar kpaa, a̱ hingir kwagh Wou je.

Upasalmi 22:27

Akighir a tar cii aa umbur, aa gema aa rumun TER; icombor i akuraior cii ia gure sha ishigh You ia civir We;

Upasalmi 22:28

gadia tartor ka u TER je; ka Un A tem tor sha akuraior ye.

Upasalmi 48:2

A doo, ngu sha, tser tser, ka kwagh u iember sha won cii, ka uwo u Shion je la, sha vegher u sha imbusutarimese, gar u Zegetor.

Upasalmi 68:17

Akekeanyinya a Aôndo nga udubu ikundu je, een, udubu kwa udubu; Ter ngu ken atô u a, ka Senai ken icighanjiir.

Upasalmi 72:8

A̱ tema tor, hii hen zegemnger zan zan za ar hen zegemnger, man shi hii hen Ifi zan zan ar sha akighir a tar.

Upasalmi 86:9

Tere, akuraior a U er cii, aa va, aa va gure U inya, aa civir iti You kpaa.

Upasalmi 87:1

Imagh nagh ki sha uicighanmbaiwoov;

Upasalmi 87:2

ihindagar i Shion hemba doon TER ishima a uya mba Yakob cii.

Yesaia 11:10

Sha iyange la, mise u Yese ua lu er tuta u i tim u sha sha ci u ior; ka hen u man akuraior aa ver ishigh ye; ijiir i u i memen kpaa ia engem.

Yesaia 25:6

Sha uwo ne TER u akum a Sha Una yôr akuraior cii iwer sha akaa a wan ahôm, iwer i sha wain u atse a akase na, sha akaa a ahômough a a mgbough a mshiam, sha wain u tse u i kase un dedoo yô.

Yesaia 27:13

Sha iyange la, á tôngo zegeikpamkor, tsô mba ve saa ken tar u Ashiria vea va, kua mba i zende ve kera ve yem ken tar u Igipiti la, vea va civir TER sha icighanwo, ken Yerusalem.

Yesaia 30:29

Nea wa icam er ka i eren icighaniniongo tugh nahan, man iember kpaa ia lu ne ken ishima er or ka nan zenden sha korough ku tôngon nan vaan sha uwo u TER, hen Vande u Iserael yô.

Yesaia 49:6

A kaa er: Kwagh ne yina sha a We sha u Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver U Mer, lu iwanger i akuraior, sha u myom Wam a̱ ar zan zan ken ikighir i tar je.

Yesaia 56:5

Ka ken iyou Yam man ken atô u ukpekpe Av Me ver ve ikav i umbur ve, man iti i i hembe doon a ônov mba nomso kua mba kasev kpaa ye; Me na ve icôronti u una bee mayange ga yô.

Yesaia 56:7

Me va a ve hen icighanwo wam je, Me na, á saan ve iyol ken iyou Yam i msen, iniav vev mbi nanden man iniav vev mbi sôngon kpaa á rumun mbi sha atse Am a nanden nagh sha mi; gadia á yila iyou Yam er iyou i msen sha ci u akuraior cii.

Yesaia 60:3

Akuraior aa va hen iwanger you, utor kpaa vea va hen iwanger i i mondo sha a we la.

Yesaia 65:11

Kpa ne mba ne undu TER, ne hungul icighanwo Wam, ne ser tebul sha ci u Gadi (akombo a doon ikôr la) man ne toon wain u nungwan sha ci u Meni (akombo a vihin ikôr la) yô,

Yesaia 66:20

Vea va a anmgbianev enev cii ken akuraior cii, sha ci u nagh ku nan TER, sha anyinya man sha akeke a kpelan, man sha akaa a tôôn ior a mi, man sha mbaalfadari man sha urakumi, á va a ve hen icighanwo Wam Yerusalem, kape TER A kaa la, er Mbaiserael ka ve va a nagh shin tasa u wang, ken iyou i TER nahan.

Yesaia 66:23

Tsô hii sha uwer u he ne zan zan ar sha uwer u he ugen, man hii sha iyange i memen ne zan zan ar sha iyange i memen igen, uuma cii vea va gure sha ishigh Yagh, kape TER A kaa la.

Yeremia 16:19

TERE, agee am man garutya wam man ijiir yam i yeren ker sha iyange i ican, ka her a We akuraior aa due ken akighir a tar aa va ye, aa kaa er: Ka aie tseegh a lu dyako u uter asev ve ye ye; ka agbilinakaa, kwagh môm u lun a inja ngu ker ga.

Yeremia 23:20

Ishima i vihin i TER ia hide ga, saa Una kure man Una er sha awashima Na; ka sha ayange a masetyô man né va kav inja i kwagh ne wanger wanger ye.

Yeremia 26:18

Mika Ormoresheti ôr kwaghôron u profeti sha ayange a Hisekia tor u Yuda, a ôr kwagh a ior i Yuda cii, a kaa er: TER u akum a Sha ngu kaan nahan er: Shion ne, á tsôghol un er sule nahan, man Yerusalem ne, una hingir atihi a alôgh, man uwo u tempel ne ua hingir er agungu a a lu ken ikô nahan.

Yeremia 3:17

Hen shighe la, á yila Yerusalem er, ikônough ki torough ki TER; man akuraior aa va kohol her, sha ci u iti i TER ken Yerusalem; mayange vea kera seer u zenden sha mcighir u ishima ve i bo ga.

Yeremia 30:24

Ishima i vihin i TER ia hide ga, saa Una kure man Una er awashima Na; sha ayange a masetyô yô, né va kav inja i kwagh ne.

Yeremia 31:12

Vea va man vea wa atsam sha igungu u Shion, vea sen gudu gudu hen mdoom ma TER, hen alakema man zar u wain, man hen mkurem, man hen agum a iyôngo man a ibua; uma ve una hingir er sule u i urun u mngerem yô, vea kera shi lu gbuu mayange je ga.

Yeremia 48:47

Nahan kpaa, Me dugh Moabi ken uikangen kera sha ayange a masetyô, kape TER A kaa ne. Ka mkur u ijir i i ôr Moabi je ne.

Yeremia 49:39

Kpa sha ayange a masetyô yô, Me dugh Elam ken uikangen kera, kape TER A kaa ne.

Yeremia 51:44

Me tsaha Bel ken Babilon, Me dugh kwagh u a men ken zwa na la; akuraior kpaa aa kera za her a na lugh lugh ga; gilgar u Babilon kpaa gba.

Esekiel 38:16

wea va ta sha ior Av Iserael er ibeenegh ki ki cir tar nahan; kwagh ne una va er sha ayange a masetyô la; sha shighe la, Me va a we sha u u̱ va nôngo ityav a tar Wam sha u akuraior a̱ fam yô, zum u Me tese mtsegh Wam ken a we sha ashe ve la, we Gogi.

Esekiel 40:2

Sha mbampase mba Aôndo, A za a mo ken tar u Iserael, A verem sha uwo u taven tsung, kwagh lu sha mi er ka gar nahan, vegher u ken imbusutariyan la.

Daniel 10:14

Hegen yô, m va sha u me na u ú kav kwagh u una va er ior ou sha ayange a masetyô yô, gadia mpase ne ngu sha kwagh u ayange a ken hemen ca.

Daniel 2:28

kpa Aôndo ngu Sha u A pasen akaamyer, man A pase tor Nebukadinesar kwagh u una va er sha ayange a masetyô la kpaa. Ka mnyam ou, man mbampase mba sha mnenge mba u nenge er u lu sha gambe wou ne:

Daniel 2:35

Tsô hen shighe la je, i hembe iyôgh ki iligh man inyatyuu man togula man azurfa man zenaria cii, hingir er ka imough i sha vande u gbidyen iyiagh inyom yô; ahumbe purugh a mi kera, je avindigh a i tsô kpaa kera lu ga, man iwen i i te sha eev mbula gema hingir zegewo, iv tar cii.

Daniel 2:45

vough er u nenge iwen bugh sha uwo, ave a or bende sha mi ga, i va hembe iyôgh avur avur kua togula man inyatyuu man azurfa man zenaria nahan. Aôndo u hemban la pase tor kwagh u una va er ken hemen yô; mnyam mara ka kwagh u keng, inja i ma kpaa ka mimi je.

Hosea 3:5

ken masetyô la Mbaiserael vea hide man vea ker TER, Aôndo ve, man tor ve Davidi, vea va a mciem iyol hen TER man hen erdoo Na, sha ayange a masetyô la.

Sekaria 14:10

Tar la cii ua hingir shambe shambe, á hii hen Geba zan zan á za hen Rimon hen Yerusalem vegher u ken imbusutariyan la; kpa Yerusalem una tav sha, una lu hen ijiir na, á hii hen Hundagar u Benyamin zan zan á za ar hen ijiir i hunda u tsuaa la, kar za hen Hundagar u Zongo, man hii hen gôgôyou u taven u Hananel zan zan za ar hen ahungwa a shoghol wain a tor.

Sekaria 14:9

TER Una tema tor sha tar cii; sha iyange la TER Una lu môm man iti Na kpaa ia lu i môm.

Sekaria 8:22

Een, ior kpishi man akuraior a ageegh vea va sha u keren TER u akum a Sha ken Yerusalem, man sha u keren mrumun u sha mhôôn u TER.

Sekaria 8:3

TER ngu kaan nahan er: Me shi Me hide hen Shion Me tema ken atô u Yerusalem; man á yila Yerusalem er Gar u mimi, man uwo u TER u akum a Sha er Icighanwo.

Malaki 3:12

Akuraior cii aa yila ne er: Mba i saan ve iyol; gadia né hingir tar u doon tsung, kape TER u akum a Sha a kaa ne.

Numeri 24:14

Hegen yô, yemen yam hen ior av; va m̱ pase u kwagh u ikurior ne ia va er a ior ou sha ayange a masetyô yô.

Aerenakaa A Mbaapostoli 2:17

Kape á lu sha ayange a masetyô je la, kape Aôndo A kaa la, Me haa Jijingi wam sha uumace cii, ônov enev mba nomso man mba kasev vea ôron kwaghôron u profeti, ikaior yen ia nenge mbampase mba sha mnenge. 2 Mnyam maa cien mbatamen enev kpaa.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:1

Fa kwagh ne. Ken ayange a masejime yô, ashighe a ican aa va.

Mbaheberu 1:2

kpa ken ayange a masetyô ne yô, A ôr kwagh a vese sha Wan Na u A ver Un dyako sha akaa cii, ka sha a Na kpaa A er tar cii ye.

2 Peteru 3:3

Kwagh u hiihii yô, fa nen er ken ayange a masejime mbanahantar vea due a tarnahan, vea zende sha asaren a ve ayol a ve.

Mpase U Yohane 11:15

Ortyom u Sha u sha utaankaruhar kpaa tôngo, tsô i ungwa uzegembaamoov Sha, ve kaa er: Tartor u shin tar hingir u Ter wase man u Kristu Na ve, Una tema tor gbem sha won.

Mpase U Yohane 20:4

Tsô m nenge mkônom ma torom, ior tema sha mi, i na ve ijir i ôron sha ikev. Shi m nenge uuma mba ior mba i gber ve ityough sha ci u shiada u Yesu man sha ci u mkaanem ma Aôndo la, ka mba ve civir inyam la ga shin eev mbu i kpaa ga, ve ngohol ikav i i sha atsul a ve ga, shin sha ave a ve kpaa ga. Ve nder ve tema tor a Kristu imôngo kuma anyom dubu je.