Yesaia 2:19 - ICIGHAN BIBILO

¹⁹ Ior vea nyôr ken ubarmbaiwoov man ken ijô i shin inya, sha ci u mcieryol u TER man sha ci u icivir Na i hemban la, zum u Una mough sha u tan tar mciem iyol la.

Yesaia 2:19 Iomraidhean Croise

2 Samuel 22:46

Atôatyev use, ve due hen ajiir a ve a ken iuv la, a akarkase iyol.

Yobu 9:6

A tenger tar, A mgbegh u sha ijiir i u kera, je ityouv mbi u tenger;

Upasalmi 7:6

Mough sha a ishima i vihin You TERE, kegh iyol i num sha iyugh i mbaahendanev av; nder sha ci wam, We, u U kaa wer, i̱ ôr ijir sha mimi!

Yesaia 13:13

Ka sha ci u nahan Me er Usha vea tenger, tar kpaa ua tenger ua kar hen ijiir i u la kera, sha iyugh i TER u akum a Sha, sha iyange i iyugh Na i yeghen tsung la.

Yesaia 2:10

Nyôr ken vande, yer shin inya, sha ci u mcieryol u TER, man sha ci u icivir Na i hemban la.

Yesaia 2:21

sha u nana nyôr ken ubarmbaiwoov man ken ikwe i avande kpaa, sha ci u mcieryol u TER man sha ci u icivir Na i hemban la, zum u Una mough sha u tan tar mciem iyol la.

Yesaia 24:1

Nenge, TER ngu geman tar hingir gbilin, ngu vihin u kera hingir ice, ngu geman mlu u u, hingir nzughul nzughul, ngu samben mba ve tem sha u kera.

Yesaia 24:18

Or u nan yevese iov i mcie, nana gba shin ihungwa i hônon, man shi or u nan dugh shin atô u ihungwa i hônon la, nana gba ken to; gadia i bugh ahura a Sha, man amagh a taregh kpaa tenger.

Yesaia 24:19

Tar yôhôl puru, tar hembe avur avur, tar tenger cii.

Yesaia 30:32

Hanma mgbidye u sha aga u a ver sha ci na, u TER A shir sha a na yô, una lu a iember i sha agbande a kuhwan man umolo; sha uwegh ku jingir ken utya, Una ta num sha a ve.

Yesaia 33:10

Hegen yô, Me mough sha, kape TER A kaa ne; hegen Me kende iyol Yam sha; hegen Me tile sha.

Yesaia 7:19

Ia va, i cii, ia mem ken apev a iwoogh man ken ubarmbaawenev man sha usaa cii kua sha ajiir a adegh a toho a lu la.

Yeremia 16:16

Nenge, Me tindi, á yila mbakôronishu kpishi, kape TER A kaa ne, vea va kôr ve; ken masetyô Me tindi, á yila mbayarenikôr kpishi, vea num ve sha hanma uwo man sha hanma igungu man ken ikwe i avande kpaa.

Yeremia 4:29

Hanma gar cii yevese sha ci u iov i mbaanyinyav kua mbakerenavaan; ve nyôr ikô, man ve unde sha avande; i undu hanma gar, ma or môm kera tema ker ga.

Yeremia 48:28

Undu nen agar, za tema nen ken barwo, ne mba ne tem ken Moabi la; lu nen er atii u a we ya na hen kpe u ijem vegher u keela nahan.

Esekiel 33:27

Kaa a ve nahan wer: Ter AÔNDO ngu kaan nahan er: Er M lu u uma ne, ve mba ve lu ken uya mba i yôhôl ve kera la, á wua ve sha sanker kpee, man u nan lu ken toho yô, Me na inyamtoho ia ya nan, man mba ve lu ken ayouautya a taver man ken ubarmbaiwoov, bouange una wua ve.

Hosea 10:8

Ajiir a taven sha a Aven, ka isholibo i Iserael je la, á tim a kera; usaa man usagher vea mende sha atse a ve a nanden nagh sha mi la; vea kaa a iwo er: Cir nen se, man a agungu kpaa er: Kighir nen se.

Mika 7:17

Vea ndiar vuulevu er iyô yô; vea due ken ajiir a ve a taver la a akarkase iyol, er akaa a kpelan inya nahan; vea va a mciem iyol hen TER, Aôndo wase, vea cia U kpaa.

Nahum 3:11

We kpaa, ú hunde, ú hume; we kpaa ú ker iyou i tiaver sha ci u yeren orihom.

Hagai 2:6

Gadia TER u akum a Sha ngu kaan nahan er: Mase shin kwagh môm, kera shi ca ga tsô, Me tenger Sha man tar man zegemnger man iombortar;

Hagai 2:7

shi Me tenger akuraior cii, nahan akaainjaa a akuraior cii aa va, nahan Me iv iyou ne a iengem, kape TER u akum a Sha A kaa ne.

Luka 23:30

Sha ayange la vea gba kaan a iwo er: Kighir nen se! Man a agungu kpaa er: Cir nen se!

2 Timoteu 1:9

Vea ya mtsaha u mtim u tsôron, vea lu ica a ishigh ki Ter man iengem i agee a Na,

Mbaheberu 11:38

Ve yô, tar kuma sha ve kpaa ga—ve zenden ken taaikôngo man sha iwo man ken ubar kua ken avur.

Mbaheberu 12:26

Sha shighe la imo Na tenger tar, kpa hegen yô, a tôndo zwa er: I shi kwa môm u Me tenger á kera lu tar tseegh ga, á kua Usha kpaa.

Mpase U Yohane 11:13

Hen shighe la je tar tenger kpen kpen, tiôn môm u ken atôôn pue a gar yôhôl, i wua ior dubu utaankaruhar sha mtenger u tar la, mba ve shi her yô, cier ve iyol, ve gba civir Aôndo u Sha.

Mpase U Yohane 11:19

Tsô i bugh tempel u Aôndo Sha, nahan i nenge a areki u ikuryan na ken tempel Na, man inyiar lu man imo man idyuran man tar tenger man awombo a vesen kpaa.

Mpase U Yohane 16:18

Maa inyiar lu kpishi kua imo man idyuran kpaa, tar kpaa tenger sha agee, imba i u lu a vande tenger mayange ga, hii sha shighe u or hii teman shin tar la je, kape mtenger u tar ne a lu sha agee ne.

Mpase U Yohane 20:11

Shi m nenge zegeikôn u pupuu u tor. Un u A tema sha mi la yô, tar man Sha yevese sha ishigh Nagh kera, ian kera lu sha ci ve mape ga.

Mpase U Yohane 9:6

Sha ayange la yô, ior vea ker ku kpa vea zua a mi ga, vea tôm u ma ve kpe kpa ku ua yevese ve.

1 Samuel 13:6

Zum u ior mba Iserael nenge er kwagh tser ve nahan (gadia kwagh imbishi ior), nahan ve gba yeren ken ubar man ken ikô man ken ikweavande man ken ijô kua shin ahungwa.

1 Samuel 14:11

Tsô ve uhar ve va ande hen afo a Mbafiliti; nahan Mbafiliti kaa er: Nenge, Mbaheberu mban gba duen shin ahungwa a ve yer la ve.