Yesaia 19:3 - ICIGHAN BIBILO

³ Jijingi u Igipiti una vôr ken vanger. Me vihi awashima na kera, una hingir gbilin; vea hen kwagh a akombo man a mbayangenakombo man a ujijingi mba mbakpenev kua ujijingi mba tsengan pasen akaa.

Yesaia 19:3 Iomraidhean Croise

2 Samuel 15:31

Er i va kaa Davidi er: Ahitofel kpaa ngu a mba ve zough zwa a Abesalom la imôngo yô, Davidi kaa er: TERE, shi gema mhen u Ahitofel, a̱ hingir ibumegh.

2 Samuel 17:14

Tsô Abesalom kua ior i Iserael cii ve kaa er: Mhen u Hushai Orarkiti ne, hemba mhen u Ahitofel. Gadia TER ver u i̱ bunde mhen u injaa u Ahitofel la, sha er TER Una va a kwaghbo sha Abesalom yô.

2 Samuel 17:23

Zum u Ahitofel nenge i er sha mhen na ga yô, a kange jaki na shidi a mough a hide ken ya, ken gar na, a sôr akaa ken ya na, tsô a sende iyol na, a kpe, i ii un shin uwar u ter na.

2 Utor 1:2

Ahashia osogh sha ian i sha kpoyou na u sha ken Samaria gba shin inya, nahan iyol nyoon un; tsô a tindi mbatyomov, a kaa a ve er: Za, za pine nen Baal-sebu aôndo u Ekeron ner, me war angev mbun kpa.

1 Kroniku 10:13

Kape Saulu kpe sha ci u kwaghbo u a er TER la, man sha ci u a wa imo i TER iko ga, man sha ci u a pine jijingi u orkpen kwagh,

Upasalmi 107:27

Ve hingir ze ze ze, zemba ze zemba, er or u nan hundu msôrom yô; kwaghfan ve bee ca ca.

Upasalmi 33:10

TER bundu kwaghhenen u akuraior, ka A gema mbamhen mba iorov ve hingir gbilinkwagh.

Upasalmi 76:12

u A gber iyolgengese i mbatarev kera, u A te utor mba tarev mciem iyol. Ngun ka sha ci u orhemen u mbawanatsam; ka sha ikenge i Yedutun. Ka Pasalmi u Asav

Anzaakaa 21:30

Ma mfe shin mkav shin mhen u hendan a TER, ngu je ga.

Yesaia 14:27

Gadia TER u akum a Sha wa ishima kera je, man ka an nana bunde unu? Uwegh Nagh ku naregh, yô, ka an nana hule ku?

Yesaia 15:2

Wankwase u Dibon kôndo sha ajiir a taven sha, sha u za vaan; Moabi ngu vaan sha Nebo kua sha Medeba; ityouv vev cii kpul, hanma indyer cii kpaa i hondo i kera.

Yesaia 19:1

Mkaanem ma Aôndo sha Igipiti. Nenge, TER tema sha ibeenegh ki zenden fefa, ngu van hen Igipiti; akombo a Igipiti aa gbidye akarkase iyol sha ishigh Nagh, ishima i Igipiti kpaa ia sough ken vanger na.

Yesaia 44:25

M bundu uivande mba uprofeti mba aiev, M gem mbakpehenasor ve hingir abumeaior; M hir a mbafankwagh ijime, M gem kwaghfan ve a hingir ibumegh.

Yesaia 47:12

Gba zan hemen a akaasôron a ou kua ahir a ou a a ngee yum ne, a u lu eren tom u zan we iyol sha mi, hii sha iyev ou la je; alaghga ú fatyô u eren ma kwagh, alaghga ú ta mciem iyol!

Yesaia 57:16

Gadia Me kera zôhô zan zan ga, man shi Me kera yuwe gbem kpaa, ga; gayô jijingi una ule sha ishigh Yagh, kua uuma mba M er la.

Yesaia 8:19

Zum u vea kaa a ven er: Pine nen ujijingi mba mbakpenev kua mbatsenganpasen akaa kpaa, mba ve ndahar imo, ve er kwagh shin iker la–kera hemba doon u ior vea pine Aôndo ve gaa? Á pine mbakpenev kwagh sha ci u mbaumavaa?

Yeremia 46:15

Er nan man i kar a mbaageev ou la kera? Ve tile ga gadia TER mgbegha ve kera.

Esekiel 21:7

Tsô zum u vea pine u er: Ka nyi man u shirin ishima? Yô, kaa wer: Ka sha ci u loho, gadia ngu van; hanma ishima ia sough, ave cii aa shir livaa, hanma jijingi una vôr, man anu cii aa taver ga er mngerem nahan, nenge, ngu van, kwagh una va er kpee, kape Ter AÔNDO A kaa ne.

Esekiel 22:14

Ishima you ia fatyô u taver her, ave ou kpaa a a fatyô u taver sha ayange a Me ta num sha a we laa? Ka Mo TER M kaa kwagh ne ye, shi Me kure un kpaa.

Daniel 1:20

Sha hanma kwagh u kwaghfan man mkav, u tor a pin ve sha mi yô, a nenge ve hemba mbaahiriv man mbaasorov mba ken tartor na cii kwa pue.

Daniel 2:2

Tsô tor kaa er, i̱ yila un mbaahiriv man mbaasorov man mbasôronakombo kua Mbakaldi, ve̱ va kaa tor mnyam nam mara. Tsô ve nyôr ve va tile sha ishigh ki tor.

Daniel 5:7

Tsô tor genger imo er, i̱ nyôr a mbaasorov man Mbakaldi man mbatsenganôron akaa. Tor ôr kwagh kaa a mbafankwagh mba Babilon er: Or u nana ôr ingeren nen man nana pasem inja i i kpaa yô, á haa nan akondo a nyian dindee iyol, á har nan ishiligh ku zenaria sha mon, nana lu tor u sha utar ken tartor la.

1 Samuel 25:37

Tsô sev mbu aven wain samben Nabal ashe yô, kwase na ôr un akaa la, ishima na maa hume, a hingir er iwen nahan.