Yesaia 19:25 - ICIGHAN BIBILO

²⁵ gadia TER u akum a Sha ver ve, kaa er: I̱ ver ior Av Igipiti doo doo man tom u ave Am Ashiria kua dyako Wam Iserael.

Yesaia 19:25 Iomraidhean Croise

Upasalmi 100:3

Fa nen er TER A lu Aôndo yô; ka Un A er se ye, se mba u Nav je; se mba ior Nav je, man iyôngo Na i A koson yô.

Upasalmi 115:15

TER A̱ ver ne doo doo, Un u A gbe sha man tar la.

Upasalmi 138:8

TER Una kure awashima Na sha a mo cii; erdoo Wou TERE, ka u tsôron gbem sha won. De undun ityom i U ker ave sha mi la ga. Ngun ka sha ci u orhemen u mbawanatsam. Ka Pasalmi u Davidi

Yesaia 19:24

Sha iyange la Iserael una lu u sha utar a Igipiti man Ashiria imôngo, vea lu iveren i dedoo hen atô u tar cii;

Yesaia 27:13

Sha iyange la, á tôngo zegeikpamkor, tsô mba ve saa ken tar u Ashiria vea va, kua mba i zende ve kera ve yem ken tar u Igipiti la, vea va civir TER sha icighanwo, ken Yerusalem.

Yesaia 29:23

Gadia zum u un kua ônov nav vea nenge tom u ave Am ken atô ve yô, vea tsegha iti Yam; een, vea tsegha Icighan u Yakob, Aôndo u Iserael Una cier ve iyol.

Yesaia 45:11

TER, Icighan u Iserael, u A maa un la, ngu kaan nahan er: Pinem kwagh u akaa a aa va er ken hemen la; ônov Av kua tom u ave Am yô, de ve, ve̱ lu sha ikev Yam tsô.

Yesaia 45:14

TER ngu kaan nahan er: Iwengeoron i Igipiti, man ikav mbi kasuav mbi Etiopia kua Mbasabea, ugôgômbaiorov la, vea per vea va her a we, vea hingir mba ou kpaa, vea dondo u ijime, vea per ken a we a mshirim iyol, vea gule sha ishigh you, vea zamber a we er: Mimi je, ka hen a we tseegh Aôndo A lu ye, mô ugen ngu ga, Aôndo ugen ngu ga.

Yesaia 60:21

Ior ou cii vea hingir mbaperapera, vea tsôr yan dyako u tar la sha won, ka gbaa u M lee je la, tom u ave Am, sha u i̱ civir Mo yô.

Yesaia 61:9

Vor ve kpaa á fa u ken akuraior, man tsombor ve kpaa ken ior kpishi; mba vea nenge a ve cii, vea pase er, mban ka vor u Aôndo A ver u doo doo yô.

Yesaia 63:17

TERE, ka nyi U de Wer, se̱ undu igbenda You, shi U cighir se asema kpaa Wer, se̱ de cie U ga nahana? Hide sha ci u mbayev Ou, ikwe i dyako Wou la.

Yesaia 64:8

Kpa hegen yô, TERE, U ngu Ter wase je, se mba inyaityuu man We U ngu Ormaan se; se cii se mba tom u ave Ou.

Yesaia 65:23

Vea kera er tom gbilin ga, vea kera mar ônov sha ci u ve̱ tim kera kpaa ga; gadia ve ka vor u mba TER A ver ve doo doo la, kua tsombor ve a ve imôngo kpaa.

Yeremia 10:16

Kpa kwar u Yakob ngu er mbi nahan ga; gadia Un ka Ormaan u akaa cii; Iserael ka nongo u u lu dyako Na je yô; TER u akum a Sha ka iti Na je la.

Yeremia 2:7

Man shi M va a ven ken tar u doon iyiagh, sha u ne̱ ya atam a u, man mdoom ma u; kpa er ne nyôr yô, ne hôngor Mo tar, ne gema dyako Wam hingir kwagh u ndôhôrshima.

Hosea 2:23

Me lôô un shin tar sha ci Wam; Me zungwe Lo-ruhama (i zungwe un mhôônom ga) Me kaa a Lo-ami (Ioravga) Mer: Ne mba ior Av. Un di una kaa er: U ngu Aôndo wam.

Sekaria 8:13

Tsô, er ne lu a ifan iyol ken akuraior nahan, we, ya u Yuda man ya u Iserael, kape Me yima ne la, man nea hingir iveren; de kera cie nen ga, taver nen ave a en.

Numeri 24:1

Zum u Balaam nenge lu TER pe veren Iserael doo doo yô, a kera due a ker uivande er sha ashighe agen la nahan ga, kpa a ver ishigh nagh vegher u shin desereti.

Numeri 6:24

TER A̱ ver u shi A̱ kura u;

Numeri 6:27

Kape ve̱ veren iti Yam sha Mbaiserael la; Mo Me veren ve doo doo.

Mbaromanu 3:29

Shin Aôndo ka u Mbayuda tseeghe? Kera ka u atôatyev kpaa gaa? Mimi je, ka u atôatyev kpaa,

Mbagalatia 6:15

Icôngo ka kwagh ga, ipusu kpaa ka ma kwagh ga saa mgbe u ka i gba or hegh la.

Mbaefese 1:3

I̱ wuese Aôndo, Ter u Ter wase Yesu Kristu u A ver se sha hanma iveren i dedoo i ken jijingi sha ajiir a Sha ken Kristu.

Mbaefese 2:10

Gadia se mba tomaveegh Na, i gba se ken Kristu Yesu sha ci u aeren a dedoo a Aôndo vande sôron sha u se̱ zenden sha mi yô.

Duteronomi 32:9

Gadia kwar u TER ka ior Nav je; Yakob ka kwar u dyako Na.

Mbafilipi 1:6

M fa dedoo mer Un u A hii tom u dedoo ken a ven la Una za hemen u eren u zan zan iyange i Kristu Yesu.

1 Peteru 2:10

Ngise ne lu nongoior ga, kpa hegen ne gema ne hingir nongoior u Aôndo, i zungwen ne mhôônom ga, kpa hegen yô, mba zungwen ne mhôônom.