Yesaia 19:22 - ICIGHAN BIBILO

²² TER Una tsaha Igipiti, una tsaha man Una shi á sôr; tsô vea gema asema vea hide hen TER; Un kpaa, Una rumun msen ve, man Una sôr ve.

Yesaia 19:22 Iomraidhean Croise

2 Utor 20:5

Hide, za kaa Hesekia, orhemenegh u ior Av wer: TER, Aôndo u teru Davidi, ngu kaan nahan er: M ungwa msen wou, M nenge mliam ou kpaa; yô, Me bee u angev; sha iyange i sha utar la ú kôndo ú za sha iyou i TER.

Yobu 22:23

Aluer ú hide hen Uhembanagee yô, á maa u; aluer ú dugh afer ken utenti ou kera,

Yobu 5:18

Gadia Un yô, ka A na mnyoonom, shi A sôr kpaa; ka A na iyolvihin, shi ave Na a gema a wanger i.

Ekesodu 8:4

Asôhô aa unde u iyol man ior ou kpaa kua mbatomov ou cii.

Yesaia 11:11

Tsô sha iyange la je, Ter Una shi á naregh uwegh Nagh á kuma kwa har je, sha u paan asande a ior Nav mba ve shi ken Ashiria man ken Igipiti man ken Pateroshi Kushi man ken Elam man ken Shinar man ken Hamati kua ken ityar i hen kpezegemnger la.

Yesaia 27:13

Sha iyange la, á tôngo zegeikpamkor, tsô mba ve saa ken tar u Ashiria vea va, kua mba i zende ve kera ve yem ken tar u Igipiti la, vea va civir TER sha icighanwo, ken Yerusalem.

Yesaia 30:26

Shi iwanger i uweregh kpaa ia hingir er iwanger i iyange nahan, man iwanger i iyange kpaa ia seer iwanger kwa taankaruhar, er iwanger i ayange ataankarahar nahan, sha iyange i TER una kange mvihiyol u ior Nav la, man Una bee ve ivav i i gbidi ve la.

Yesaia 45:14

TER ngu kaan nahan er: Iwengeoron i Igipiti, man ikav mbi kasuav mbi Etiopia kua Mbasabea, ugôgômbaiorov la, vea per vea va her a we, vea hingir mba ou kpaa, vea dondo u ijime, vea per ken a we a mshirim iyol, vea gule sha ishigh you, vea zamber a we er: Mimi je, ka hen a we tseegh Aôndo A lu ye, mô ugen ngu ga, Aôndo ugen ngu ga.

Yesaia 55:7

Iferor nana̱ undu gbenda u nan; u nan lu perapera ga kpaa, nana̱ gbihi mbamhen mba nan kera, nana̱ hide hen TER, tsô Una zungwe nan mhôônom, man hen Aôndo wase, gadia Un deen kwaghbo wuee.

Yesaia 57:18

M nenge igbenda na, Me sôr un una wanger; Me hemen un kpaa; Me shi Me sur un ishima, ka mbanav mba ve zungu je la.

Yesaia 6:10

Er, ishima i ior ne i̱ wa ahôm, man ato ve a̱ yuhwa, cir ve ashe, sha er ve̱ de nengen sha ashe ve ga, ve̱ de ongo sha ato ve kpaa ga, shi ve̱ de kaven ken ishima, ve̱ gema man i̱ bee ve angev kpaa ga.

Esekiel 29:13

Gadia Ter AÔNDO ngu kaan nahan er: Sha mbee u anyom akunduahar la, Me kohol Mbaigipiti ken akuraior a lu i sambe ve ker la.

Hosea 14:1

We, Iserael, hide hen TER, Aôndo wou; gadia u nôngo gbev sha ifer you.

Hosea 5:15

Me shi Me hide hen ijiir Yam, zan zan vea rumun ibo ve, vea ker ishigh Yagh; ken ican ve la vea kerem sha gbashima.

Hosea 6:2

Er ayange á kar kera ahar yô, Una na se uma; sha iyange i atar la Una mough a vese sha, nahan sé lu uma sha ishigh Nagh.

Duteronomi 32:39

Yô, nenge ka Mo je ne, ma aôndo ugen ngu a Mo imôngo ga; ka M wua, M shi M nder; M gber ivav, M shi M er i de kpaa; ma or môm ngu a tahav mbu nana yima ugen sha ikev Yam ga.

Mbaheberu 12:11

Hanma mkôôm yô, sha shighe la ka i bee er ka kwagh u iember ga, kpa i lu kwagh u ijungwen, kpa ken masejime yô, ka a ume atam a perapera bem bem sha ci u mba i tsaase ve a tsaase sha mi la i var ve yô.