Yesaia 19:2 - ICIGHAN BIBILO

² Me tor Mbaigipiti ityô, Mer ve̱ ta num sha Mbaigipiti; vea nôngo ityav hanma or a anngô u nan man hanma or a or u wan ndor a nan, gar a gar man tartor a tartor.

Yesaia 19:2 Iomraidhean Croise

1 Utor 16:21

Tsô ior mba Iserael pav iniongo ihiar, nongo ugen dondo Tibeni wan u Ginati er vea ver un tor; nongo ugen dondo Omeri.

2 Kroniku 15:6

Ikurior igen lu ihom a ikurior igen, gar ugen lu ihom a gar ugen, gadia Aôndo nzughul a ve sha akaa a tseren ve kposo kposo.

Yesaia 3:5

Ior vea kighir ayol a ve a ican, hanma or a orgen, man hanma or a or u nan we ndor a nan yô; wanye u kiriki nana cihi tamenor, kape or u gban kera kpaa nana er a orcivirigh la.

Yesaia 9:21

Manase ya Eferaim, Eferaim di Manase, ve imôngo cii ve kôr Yuda ihom. Nahan kpaa iyugh Na ngi a kar kera ga kpa uwegh Nagh ku naregh ku di her tsô.

Yeremia 46:12

Akuraior ungwa gwa u kunya wou, mliam ou mgbough sha tar cii, gadia ortaveryol nôngo gbev ta sha ortaveryol ugen, ve uhar cii, ve gbidye inya.

Yeremia 51:46

Ishima i̱ de yen ne ga, man shi de cie nen gwa u á va ungwa hen tar la ga, gadia gwa ua va ken inyom i môm, man shi inyom igen kpaa shi ua va; aeren a aperagh aa lu sha tar, ortaregh una mough num a ortaregh.

Esekiel 38:21

Me yila sanker hen iwo Yam cii, sha u tan num sha a na, kape Ter AÔNDO A kaa ne; sanker u hanma or una lu num a anngô u nan.

Sekaria 8:10

Gadia er ayange la lu a kuma ga yô, injar lu sha ci u or, shin sha ci u zendenya kpaa ga; man shi or u nyôron shin u duen lu a mwar ga sha ci u orihom; gadia M sende ior ityough cii, hanma or nan lu ihom a or u wan ndor a nan.

Mateu 10:21

Anngô ugen una na anngô na ugen ken ku, ter ugen di kpaa una na wan na nahan; ônov vea hendan a mbamaren vev, vea na á wua ve.

Mateu 10:36

Man mba ken ya u or vea gema vea lu mbaihomov mba nan je.

Mateu 12:25

Man er A fa mbamhen vev yô, A kaa a ve er: Hanma tartor u u pav sha ihom yô, á tim u kera. Man shi hanma gar shin hanma ya u a pav sha ihom yô, una lu ga.

Mateu 24:7

Gadia ikurior igen; ia mough ityav a ikurior i gen; tartor ugen kpaa ua mough ityav a tartor ugen; ijen ia gba man ityartenger ia lu sha ajiir kposo kposo.

Marku 3:24

Man aluer tartor ugen ua pav sha ihom yô, tartor la ua fatyô u lun her ga.

Mbaajiriv 7:22

Er ve tôngo ikor i deri utar la, akumautya la cii, TER er sanker u hanma or gema wua anngô u nan; akumautya la yevese yem hen Bete-shita ken ian i Sereda zan zan a za ar hen ikighirtar i Abel-mehola hen Tabati.

Mbaajiriv 9:23

Tsô Aôndo tindi jijingi u bo hen atô u Abimeleki vea ior mba Shekem; nahan ior mba Shekem kera lu ishima i môm a Abimeleki ga;

1 Samuel 14:16

Tsô mbakuran mba Saulu ken Gibea u Benyamin, ve nenge ikpilaior hingir kughukuku.

1 Samuel 14:20

Nahan Saulu kua ior mba ve lu a na cii ve kohol, ve va ken utya; yô, sanker u hanma or gema lu ihom a anngô u nan; kwagh nzughul her je cier iyol.