Yesaia 19:1 - ICIGHAN BIBILO

¹ Mkaanem ma Aôndo sha Igipiti. Nenge, TER tema sha ibeenegh ki zenden fefa, ngu van hen Igipiti; akombo a Igipiti aa gbidye akarkase iyol sha ishigh Nagh, ishima i Igipiti kpaa ia sough ken vanger na.

Yesaia 19:1 Iomraidhean Croise

Upasalmi 104:3

A tim imagh ki ukpombaayoughouv Nav Sha, sha mngerem ma kpishim; ka A gema abeen hingir ikyekye Na, A zenden sha akper a ahumbe;

Upasalmi 104:34

Mbamhen av ken ishima ma ve doo Un; mo yô, me ember ken TER tsung.

Upasalmi 18:9

A nelem Usha, A hungwa shin inya; angôghime lu shin angahar a Na.

Upasalmi 68:4

Wa icam ter nen Aôndo, wa nen atsam a wuese iti Na; kaha nen igbudu a̱ tav sha, sha ci u Un u A zenden A karen ken udeserti la; iti Na er TER, ember nen tsung sha ishigh Nagh.

Ekesodu 12:12

Gadia hen tugh mbula, Me zende ken tar u Igipiti cii, Me wua hanma waniunda ken tar u Igipiti cii, u or kua u zendenya kpaa; mbaaôndo mba Igipiti cii kpaa, Me ôr ve ijir, Me tsaha ve; ka Mo TER.

Yesaia 13:1

Mkaanem ma Aôndo sha Babilon, ma Yesaia wan u Amoshi nenge yô.

Yesaia 13:7

Ka nahan man ave cii á shir livaa, ishima i hanma or kpaa ia sough;

Yesaia 19:16

Sha iyange la Mbaigipiti vea hingir er kasev nahan, vea gbidye akarkase iyol, vea cia kpaa, sha ci u mkundu u uwegh ku TER u akum a Sha ku A kundu sha a ve la.

Yesaia 21:9

Man nenge, ikum i mbaanyinyav mba van, mba zenden uhar uhar. Tsô a gema a kaa er: Babilon gba, a gba ve, ieev mbi gban a gba mbi mbaaôndo vev cii, i hembe mbi shin inya je.

Yeremia 25:19

Farao, tor u Igipiti man mbatomov nav man atiator a na man ior nav cii

Yeremia 4:13

Nenge, ngu van er ka abeen yô, akekeautya na kpaa nga er hiar nahan; anyinya na wa kpaver hemba ugafa. Kpe ahii, se ne! mba timin se kera!

Yeremia 44:8

er ne bamem sha aeren a ave a en, ne nanden mbaaôndo mbagenev nagh ken tar u Igipiti, henpe ne ze u za teman shir la, sha u i̱ tim ne kera man ne̱ hingir akuraior a shin tar cii kwagh u ityuhwanev man kwagh u aheenegh nahana?

Yeremia 50:2

Pase nen akuraior, yôô nen, tim tuta, yôô nen, de kera yeren nen ga, kaa nen, ner: I ngohol Babilon, Bel va ahenge, kwagh hemba Merodaki; ieev nav va ahenge, kwagh hemba akombo a na.

Yeremia 51:44

Me tsaha Bel ken Babilon, Me dugh kwagh u a men ken zwa na la; akuraior kpaa aa kera za her a na lugh lugh ga; gilgar u Babilon kpaa gba.

Esekiel 30:13

Ter AÔNDO ngu kaan nahan er: Me tim akombo kera, Me na mbaaôndo mba gbiliniv vea bee ken Nofe; ma tor una kera due ken tar u Igipiti ga; man Me haa mciem ken tar u Igipiti.

Yoel 3:19

Igipiti una hingir ice man Edom una hingir taaikôngo u or lu ker ga yô, sha ci u ipila i ve er a ônov mba Yuda la, gadia ve haa awambe a mbaishôôv ken tar ve.

Nahum 1:1

Ka mkaanem ma Aôndo sha Nineve. Ruamabera u mpase u sha mnenge u Nahum or u Elkoshi.

Nahum 1:3

TER we ishima, tahav Nav vese, kpa u tsahan yô, deen ga. Gbenda Na ngu ken ihiar man ken ijeverahumbe, abeen ka ihundu i shin angahar a Na.

Sekaria 10:11

Vea kar ken zegemnger u ican, á gbidye agôndo a zegemnger; aiv a Nil cii aa uma; á shiligh a ihagh i Ashiria inya, tôgh ku torough ku Igipiti kpaa kua kar kera.

Sekaria 14:18

Aluer tsombor u Igipiti ua kôndo, ua va ga yô, mba ura u kera nee hen ve ga la, bouange una tser ve, u TER A tsahan akuraior a mi a a kende sha u za eren iniongo i atumbe ga la.

Numeri 33:4

Mbaigipiti gema lu iin ônovmbaiundav vev mba TER wua ve cii la; mbaaôndo vev kpaa, TER ôr ve ijir tsaha ve.

Duteronomi 33:26

Mô môm ngu er Aôndo ga, we Yeshurun, A zenden sha Usha, sha u wasen we, man sha kwavaôndo kpaa sha mhembe Na.

Yosua 2:11

Er se ungwa gwa la nahan, asema shoughom se ker, ma or kera lu a ishima i tyaver ga sha ci wen; gadia TER, Aôndo wen, ka Aôndo u Sha man u shin tar kpaa.

Yosua 2:24

Ve kaa a Yosua er: Mimi je, TER na tar la cii sha ikev yase, mba ve tem ken tar la mba gbidyen ikarikase iyol sha ci u cian se.

Yosua 2:9

a kaa a nomsombaiorov mbala er: M fa TER na ne tar ne, ne cier se iyol, ior mba ve tem hen tar ne ci ca, mba gbidyen ikarikase iyol sha ci u cian ne.

Mpase U Yohane 1:7

Nenge, ngu van sha abeen man hanma ashe aa nenge a Na, kua ve mba ve kuma Un la kpaa. Akuraior a sha won cii aa vaa sha ci Na. Kape i lu je la. Amen.