Yesaia 18:7 - ICIGHAN BIBILO

⁷ Hen shighe la je, á za va TER u akum a Sha a iwua ken ikurior i taven i kôngor iyol, ken ior i i cier ior iyol, mba ikua ikua man mba ken ica kpaa, ikurior i taver agee man i ndyaren ior, i uifi pav tar ve la, á va a mi hen ijiir i iti i TER u akum a Sha, ka hen uwo u Shion je la.

Yesaia 18:7 Iomraidhean Croise

2 Kroniku 32:23

Ior kpishi va na TER iwua ken Yerusalem. Hesekia tor u Yuda kpaa ve va un a ikav mbi injaav; tsô hen shighe la je a lu a icivir sha ashe a akuraior cii.

Upasalmi 68:32

Ne ityartor i sha won, wa nen icam ter nen Aôndo, wa nen atsam a wuese Ter, Sela

Yesaia 16:1

Tindi nen aniyôngov sha ci u tor u tar la, i̱ mough a mi hen Sela i̱ kar a mi sha gbenda u ken taaikôngo, i̱ yem a mi sha uwo u wankwase u Shion.

Yesaia 18:2

u ka u tindi mbatyomov sha zegemnger, sha utso mba ikenaika sha mnger, er: Yem nen, ne mbatyomov mba zenden fefa, za nen hen ikurior i taven i kôngor iyol, hen ior i i cier ior iyol, mba ikua ikua man mba ken ica kpaa, ikurior i taver agee man i ndyaren ior, i uifi pav tar ve la.

Yesaia 18:4

Gadia TER kaa a mo nahan er: Me lu ving, Me kenger ken ijiir Yam i teman, er mtsee u war war sha mte u iyange, er ibeenegh ki irkpiigh ken mtsee u sha shighe u sundan iyiagh yô.

Yesaia 45:14

TER ngu kaan nahan er: Iwengeoron i Igipiti, man ikav mbi kasuav mbi Etiopia kua Mbasabea, ugôgômbaiorov la, vea per vea va her a we, vea hingir mba ou kpaa, vea dondo u ijime, vea per ken a we a mshirim iyol, vea gule sha ishigh you, vea zamber a we er: Mimi je, ka hen a we tseegh Aôndo A lu ye, mô ugen ngu ga, Aôndo ugen ngu ga.

Mika 4:13

Mough sha, shoghol iyiav, we wankwase u Shion; gadia Me gema korough ough kua hingir iyôgh man apande a ou kpaa aa hingir togula; wea hembe ior kpishi avur avur, wea tsegha mtsera ve sha ci u TER man inyaregh vegh kpaa kia lu sha ci u TER u sha won cii.

Habaku 1:7

Ka mbatan ihindi iyol man cier iyol kpaa; ijirôron ve man icivir ve gema due her ayol a ve.

Sefania 3:10

Yande u uifi mba Etiopia la je, mbacivir Mo, ior Av mba i sambe ve la, vea vam a nagh.

Malaki 1:11

Gadia hii sha mdugh u iyange je zan zan ar henpe i mir yô, iti Yam kume ken akuraior; sha hanma ijiir kpaa mba nanden iti Yam nagh ku humandoon kua nagh ku ku lu wang kpaa; gadia iti Yam kume ken akuraior, kape TER u akum a Sha A kaa ne.

Mateu 2:11

Tsô ve za nyôr ken iyou la, ve nenge a Wanikundan la a ngô Na Maria, ve gure inya ve civir Un, ve gema ve sagh ikav vev, ve na Un iwua: zenaria man kwaghhumandoon man mire.