Yesaia 18:4 - ICIGHAN BIBILO

⁴ Gadia TER kaa a mo nahan er: Me lu ving, Me kenger ken ijiir Yam i teman, er mtsee u war war sha mte u iyange, er ibeenegh ki irkpiigh ken mtsee u sha shighe u sundan iyiagh yô.

Yesaia 18:4 Iomraidhean Croise

2 Samuel 23:4

una lu er iwanger i pepe, er iyange ka ia duen nahan, er sev mbu abeen ka a lu ga la, iyange i wanger; man er ura ka u nôô, toho u mende shin inya u hôm nahan.

2 Kroniku 6:21

man shi ver ato ungwa zamber u wanakiriki Wou, man u ior Ou Iserael, zum u vea eren msen vea veren ishigh hen ijiir ne yô; een, ungwa Sha, sha ijiir You i teman la, man zum u Ú ungwa yô, de se asorabo ase.

Upasalmi 72:6

A̱ lu er ura u u nee sha toho u i tende u yô, man er iura i nôôn shin inya yô.

Anzaakaa 19:12

Iyugh i tor ngi er kume u gumbegha yô, kpa iveren na gema ngi er avure sha toho u ndor nahan.

Yesaia 12:6

Genger imo, er ikenge, we u u tem ken Shion ne, gadia Icighan u Iserael u A tem hen atô wou ka u hemban cii je.

Yesaia 14:32

Ka nyi kwagh, á ôr mbatyomov mba ikurior ne? TER ver Shion, nahan ka ker man ior Nav mba ve ye ican vea yer ye.

Yesaia 18:7

Hen shighe la je, á za va TER u akum a Sha a iwua ken ikurior i taven i kôngor iyol, ken ior i i cier ior iyol, mba ikua ikua man mba ken ica kpaa, ikurior i taver agee man i ndyaren ior, i uifi pav tar ve la, á va a mi hen ijiir i iti i TER u akum a Sha, ka hen uwo u Shion je la.

Yesaia 26:19

Mbakpenev Ou vea lu uma; akom a am kpaa aa nder. Nder nen, wa nen icam, ne mba ne tem shin vuulevu; gadia avure a Ou ka avure a iwanger je, man tar kpaa ua due a ujijingi mba mbakpenev.

Yesaia 26:21

Gadia nenge, TER ngu duen hen ijiir Na sha u tsahan mba ve tem sha won sha afer a ve; tar kpaa ua tese awambe a i hee sha u yô, ua kera cir mba i woo sha u la ga.

Yesaia 31:9

Vande na ua saa kera sha ci u mciem, atiator a na kpaa aa undu tuta sha ci u mciem; kape TER A kaa ne, Un u usu Na u lu ken Shion man usu Na u iwaagh u lu ken Yerusalem kpaa la.

Yesaia 46:13

M ngu kporom a perapera Wam, a gba ca ga, myom Wam kpaa una ngôôr ga, Me na myom ken Shion sha ci u Iserael icivir Yam.

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Hosea 14:5

Me hingir hen Iserael er avure nahan; una mondo er ityombo nahan, una ta amise a na er Lebanon nahan.

Hosea 5:15

Me shi Me hide hen ijiir Yam, zan zan vea rumun ibo ve, vea ker ishigh Yagh; ken ican ve la vea kerem sha gbashima.

Yoel 3:17

Ka nahan man né fa er M lu TER, Aôndo wen ye, M tem ken Shion, icighanwo Wam; zum la Yerusalem una hingir icighanjiir, atôatyev aa kera kar ker ga.

Amoshi 3:7

Mimi je TER Una gba eren ma kwagh môm ga saa Una vande pasen kwaghmyer Na la hen mbatomov Nav, uprofeti ve.