Yesaia 18:2 - ICIGHAN BIBILO

² u ka u tindi mbatyomov sha zegemnger, sha utso mba ikenaika sha mnger, er: Yem nen, ne mbatyomov mba zenden fefa, za nen hen ikurior i taven i kôngor iyol, hen ior i i cier ior iyol, mba ikua ikua man mba ken ica kpaa, ikurior i taver agee man i ndyaren ior, i uifi pav tar ve la.

Yesaia 18:2 Iomraidhean Croise

2 Kroniku 14:9

Tsô Sera Orkushi va ityav her a ve a ikumutya, ior dubu kwa dubu, man akekeautya deri utar; a va hen Maresha.

2 Kroniku 16:8

Mbakushi man Mbalibia ve lu zegeikum a akekeautya man mbaanyinyav kpishi dumbur je gaa? Nahan kpaa er u suur sha TER yô, A na ve sha ikev you.

Yobu 9:26

A kar fefa er utso mba i er ve sha ikenaika nahan, er gafa u a shir ufu sha kwaghyan yô.

Ekesodu 2:3

Kera fetyô u yeren un ga yô, a tôô ikese i ikenaika, a shighe i tsur man mningem, a gbir wan la shimi, a za ver ken awoo hen kpeifi u Nil.

Yesaia 18:7

Hen shighe la je, á za va TER u akum a Sha a iwua ken ikurior i taven i kôngor iyol, ken ior i i cier ior iyol, mba ikua ikua man mba ken ica kpaa, ikurior i taver agee man i ndyaren ior, i uifi pav tar ve la, á va a mi hen ijiir i iti i TER u akum a Sha, ka hen uwo u Shion je la.

Yeremia 49:14

M ungwa loho due hen TER, man i tindi ortyom hen akuraior, er: Kohol nen, va ta nen num sha a na, wa nen ago iyol sha u nôngon ityav.

Esekiel 30:9

Sha iyange la mbatyomov vea due sha ishigh Yagh vea yem shin utso sha u za tan Mbaetiopia mba ve tem gbidaa la mciem iyol, ican kpishi ia tser ve er sha iyange i Igipiti nahan; gadia, nenge, ngi van.

Obadia 1:1

Ka mpase u sha mnenge u Obadia ne: Ter AÔNDO ngu kaan sha kwagh u Edom nahan er: Se ungwa loho hen TER, i tindi ortyom hen akuraior er: Mough nen sha, sé za nôngo nen ityav a na.

Habaku 1:7

Ka mbatan ihindi iyol man cier iyol kpaa; ijirôron ve man icivir ve gema due her ayol a ve.

Luka 10:19

Nenge M na ne tahav mbu ne ndyar iyô man ayese, man shi tahav mbu sha agee a orihom cii, ma kwagh una vihi ne je ga.