Yesaia 17:3 - ICIGHAN BIBILO

³ Garutya u taver kpaa una bee ken Eferaim, tor di kpaa una bee ken Damaseku; asande a Shiria a a shi her yô, kwagh á er ve er kwagh er icivir i Mbaiserael la nahan, kape TER u akum a Sha A kaa la.

Yesaia 17:3 Iomraidhean Croise

2 Utor 16:9

Tsô tor u Ashiria ungwa imo na; nahan tor u Ashiria kôndo za nôngo ityav a Damaseku, a hemba un je, a kura ior a yem a ve uikangen ken Kir, a wua Reshin.

2 Utor 17:6

Sha inyom i sha utaankarunyiin i Hoshea la, tor u Ashiria ngohol Samaria, a kura Iserael, a yem a ve uikangen ken Ashiria, a za ver ve ken Hala man hen kpe u Habor ifi u ken Gosan, man ken agar a Mbamede.

Yesaia 10:9

Kalno hingir er Karkemishi nahan gaa? Hamati kpaa hingir er Arpadi nahan gaa? Samaria kpaa hingir er Damaseku nahan gaa?

Yesaia 16:14

Kpa hegen yô, TER ôr kwagh kaa er: Er anyom atar, sha inja i anyom a or eren tom sha tôndo nahan, a lu a kuma ga je tsô á gema icivir i Moabi ia hingir kwagh u lahan a ior nav mba ve ngee la cii; asande a na a a shi her la aa hingir hicu, aa kuma kwagh ga.

Yesaia 17:4

Sha iyange la icivir i Yakob ia pande, mkehem nam kpaa maa bee kera.

Yesaia 25:2

Gadia U gema gar u tamen hingir tihi u alôgh, gar u taveraa hingir ice; garutya u ior mba tar ugen hingir er ka gar ga yô, á kera maa un mayange ga.

Yesaia 7:16

Gadia er wanakiriki la una lu a fa u vendan kwagh u bo man u tsuwan kwagh u dedoo ga je tsô, tar u we u cie utor mba u, uhar mban, á undu u gbilin.

Yesaia 7:8

Gadia ityough ki Shiria yô, ka Damaseku je, man ityough ki Damaseku yô, ka Reshin je. (Er anyom akunduatar kar ataan aa lu a kuma ga je tsô, á sombo Eferaim avur avur, sha er a̱ de kera luun ikurior ga yô.)

Yesaia 8:4

Gadia er wanakiriki la una lu a fa u yilan er, terem man ngôm ga je tsô, á kura inyaregh ki Damaseku man ishar i á ya ken Samaria la, á za a mi sha ishigh ki tor u Ashiria.

Hosea 1:4

Tsô TER kaa a na er: Ii un iti wer, Yesereel, gadia shi anshighe kpeghee tsô, Me or ya u Yehu iyev sha awambe a Yesereel la, Me er tartor u ya u Iserael ua kure.

Hosea 1:6

Shi a wa iyav, a mar wan u kwase. Nahan TER kaa a na er: Ii un iti wer, Lo-ruhama (i zungwe un mhôônom ga), gadia Me kera seer u zungwen ya u Iserael mhôônom sha u den ve ibo ve ga.

Hosea 10:14

Nahan yô, ayôôso a utya aa mough a ior ou; á vihi ayouautya a ou cii kera, er Shaleman yan vihi Bete-arbel sha iyange i utya, ta ngô a ônov nav inya, her ve avur avur la nahan.

Hosea 3:4

Gadia Mbaiserael vea lu a tor ga ayange kpishi, ortaregh kpaa ga, nagh ku nan kpaa ga, ityôgh ki iwenegh kpaa ga, efodi man terafim kpaa ga;

Hosea 8:8

I mena Iserael; hegen ve mba ken akuraior er ikagh ki or nan soo ki ga yô.

Hosea 9:11

Sha kwagh u Eferaim yô, icivir ve ia purugh kera er inyon nahan; ma mmar una kera lu ga, ma iyav mbu wan kpaa ga, man ma iyol i jilen kpaa ga.

Amoshi 8:14

Mba ve bumun kwaghbo u Samaria, mba ve kaan er: Er Aôndo wen a lu uma yô, we Dan; man shi: Er gbenda u yemen Bersheba u lu uma yô; vea gba, mayange vea kera mough sha ga.