Yesaia 17:10 - ICIGHAN BIBILO

¹⁰ Gadia Aôndo u myom wou hungul we, u kera umbur Vande wou u waren ker la kpaa ga, ka nahan man u lee ahu a mondon a dedoo man u môôr ikon i wain igen kposo ye;

Yesaia 17:10 Iomraidhean Croise

1 Kroniku 16:35

Yô, kaa nen ner: Yima se, Aôndo u myom wase, kohol se imôngo, yima se sha ikev i akuraior, sha er sé wuese icighanti Wou man sé ta ihagh sha iwuese You yô.

Upasalmi 106:13

Ica kpaa lu a gba ga, tsô ityom Na hungul ve, ve kera kegh awashima Na la ga;

Upasalmi 106:21

Aôndo Oryiman ve, hungul ve, u A er akaavesen ken Igipiti la,

Upasalmi 18:2

TER ka vande wam man garutya wam, man Oryiman wam kpaa, ka Aôndo wam, vande wam u taver, ka sha a Na me suur ye, ka perutya wam man korough ku myom wam, man barwoogh wam kpaa.

Upasalmi 31:2

Ver ato Ou her a mo, yimam fese; lum vande u taver man iyouutya sha u yiman mo.

Upasalmi 65:5

Ka sha akaacieryol man U rumun se sha perapera ye, We, Aôndo u myem wase, We u akighir a tar cii ve veren ishima sha a We ne, kua uzegembamngerev mba ve lu ca la kpaa;

Upasalmi 79:9

Wase se, Aôndo u myem wase, sha ci u icivir i iti You; yima se, ese se asorabo ase kera sha ci u iti You.

Upasalmi 85:4

Aôndo u myom wase, hide a vese; de ishimanyoon You a vese la.

Upasalmi 9:17

Mbaaferev vea hide shin Sheol, ka atôatyev cii a Aôndo A hungul a je la.

Yesaia 12:2

Nenge, ka Aôndo A lu myom wam ye; me suur sha a Na me cia ga; gadia TER AÔNDO ka agee am kua icam yam man shi A hingir myom wam kpaa.

Yesaia 17:9

Sha iyange la agar a nan a taver la aa hingir er tar u u lu gbilin u ken ikô kua sha ityough ki uwoogh, u ior undu u sha ci u Mbaiserael la nahan, á hingir toho dang.

Yesaia 18:5

Gadia er sunda lu a kuma ga la, zum u uikparen ndoor kera man imondon á hingir ityamegh ki wain ki vian yô, Una paa agbaa sha ahô a sôron ikon, uiceren kpaa Una asegh ve kera.

Yesaia 25:4

Gadia U hingir ijiir i waren i mbaatsanev, ijiir i waren i oribanave ken ican i nan, ijiir i yeren uraahumbe man mure u yeren oo, gadia kumetan u uipirambaiorov ngu er uraahumbe u tan sha kpekpe yô.

Yesaia 26:4

Suur nen sha TER gbem sha won; gadia TER AÔNDO ka vande u tsôron je.

Yesaia 30:29

Nea wa icam er ka i eren icighaniniongo tugh nahan, man iember kpaa ia lu ne ken ishima er or ka nan zenden sha korough ku tôngon nan vaan sha uwo u TER, hen Vande u Iserael yô.

Yesaia 33:2

TERE, zungwe se mhôônom; se mba keghen We; lu uwegh asegh hanma sev, myom wase kpaa sha shighe u ican.

Yesaia 44:8

De cie nen ga, mciem ma̱ de gbe ne iyol ga; M tsengaôron ne ngise je, M pase ne gaa? Ka ne je ne lu mbashiada Av ye. Ma aôndo ugen ngu jee, saa Mo tsô gaa? Mimi je, ma Vande ugen ngu ga, M fa mô ga.

Yesaia 51:13

man TER u A gbe u la hungul we, Un u A samber Usha, man A tim imagh ki taregh la; man u shi cian didi sha ci u iyugh i orkighir, zum u a kohol iyol sha u timin la. Nahan iyugh i orkighir ngi han hegen ase?

Yesaia 61:10

M ember tsung ken TER, uma wam kpaa ember ken Aôndo wam; gadia A haam akondo a myom iyol, A cirim riga u perapera, er orkwasehe ka nan kange tsar u hweegh sha ityou er pristi nahan, man er kwasehe kpaa ka nan er hwe iyol sha asa a nan nahan.

Yesaia 62:11

Nenge, TER yôô zan zan ar ken ikighir i tar je, er: Kaa wankwase u Shion wer: Nenge, myom wou ngu van; nenge, injar Na ngi a Na, man iyevoron Na kpaa ngi zan Un sha hemen.

Yeremia 12:13

Ve lôô alakema, ve gema ve sunda usaa; ve er ayol a ve ican, kpaa ve zua a ma mtsera ga; kunya u̱ kôr ne a iyiav yenev, sha ci u iyugh i tsung i TER.

Yeremia 17:13

We TERE, ishimaverenkeghen i Iserael, mba ve undu U cii vea va ahenge. Mba ve pav a Mo cii, á nger ve hen inya, sha ci u ve undu TER, imbor i mngerem ma umam la.

Yeremia 2:32

Iniunkwase á fatyô u hungul ikav nav mbi hweev je, shin kwasehe una hungul kwange na u sha hwe je kpa? Nahan kpaa ior Av je kera umbur Mo ga, ayange gande u ôron.

Yeremia 3:21

Ungwa, ikenge sha agungu a penem penem, mliam man zamber u ônov mba Iserael, sha ci u ve kaha gbenda dang, TER, Aôndo ve, hungul ve.

Esekiel 22:12

Ken a we, i ngohol inyaregh ki yamen ishô sha ci u haan awambe; u ngohol mngerem man mtsera u ganden ikaa inya, man u ngohol mtsera hen orwanndor a we sha mkighir je, man Mo M hungul we, kape Ter AÔNDO A kaa ne.

Esekiel 23:35

Nahan yô, Ter AÔNDO ngu kaan nahan er: Sha ci u Mo M hungul we man u tam kera ken ijime you, yô, tôô ase ibo i ijimba you man idya you.

Hosea 4:6

Ior Av ve saa ishe sha ci u mban u mfe; sha ci u u vende mfe yô, Mo kpaa Me venda u, ú kera lum pristi ga; er tindi u Aôndo wou a hungul we yô, Mo kpaa ônov ou vea hungul Mo.

Hosea 8:14

Gadia Orgban u Iserael hungul un, a maa ayou a utor; Yuda maa agar kpishi a lun a ugir, kpa Me tindi usu ken agar a na, ua hia ayouautya a a.

Yoel 1:17

Ivor ngi zulugh shin alôgh a inyaagh; i vihi iuna kera, ikwer kpaa yôhôl, gadia alakema use.

Levitiku 26:16

Mo Me er a ven, Me ta ne mciem iyol, houghbar una kôr u kua angev mbu tseeyol; mbua hungwa u ashe ikôr, mbua na asema a en aa ure; né lôôn ivor yen, kpa á lu gbilin tsô, gadia ka mbaihomov enev vea va ya i ye.

Levitiku 26:20

né vihin agee a en gbilin; gadia inya yen ia doon iyiagh ga, ikon i hen tar la kpaa, ia umen atam a i ga.

Amoshi 5:11

Er ne ndyaren icanor man ne sav alakema na, ne maa ayou a sha awen a kuan, kpa tsan yen ker ga; ne kaha ishule i ikon i wain i dedoo, kpa man yen zar u i ga.

Habaku 3:18

nahan kpaa, mo me ember ken TER, me ember ken Aôndo u myom wam.

Sefania 1:13

Akaa a ve aa hingir ishar, man ayou a ve kpaa á yôhôl a kera; shin vea maa ayou kpaa, vea tema ken a ga; shin vea môôr ikon i wain kpaa, vea ma zar u i ga.

Duteronomi 28:30

Ú sôôr kwase, kpa orgen nana yav a mi; ú maa iyou, kpa u tema ker ga; ú môôr ikon i wain, kpa ú er kwagh a atam a i ga.

Duteronomi 32:15

Kpa Yeshurun kehe, a ker apande; u kehe, u gba ikôr, u wa ahôm; tsô a gbihi Aôndo u A er un la, a laha Vande u myom na kpaa.

Duteronomi 32:18

Kpa Vande u u mar u la, u umbur u ga, Aôndo u A mar u la hungul we.

Duteronomi 32:31

Gadia vande ve ngu er Vande wase ga, mbaihomov asev ayol a ve je kpaa ve fa nahan.

Duteronomi 32:4

Ka Vande, tom Na ngu vough; gadia igbenda Na cii, ngi jighilii. Ka Aôndo u jighjigh, ngu a ifer ga, Un ka u perapera man u mimi.

Duteronomi 6:12

shighe la kura iyol you sha er u̱ de hungul TER u A dugh a we ken tar u Igipiti ken ya u ikpan la ga yô.

Duteronomi 8:11

Kura iyol you, TER, Aôndo wou, A̱ de hungul we er ú kera waan atindi Na man akaaôron a Na a jirigh kua akaawan a Na, a m we u kwagh sha mi nyian ne iko ga ze;

Duteronomi 8:14

Ú gba moron iyol je, TER, Aôndo wou, u A dugh a we ken tar u Igipiti ken ya u ikpan la Una hungul we,

Duteronomi 8:19

Tsô aluer TER, Aôndo wou, á hungul we, wea gema wea dondo mbaaôndo mbagenev, wea eren ve tom, wea guren, wea civir ve yô, m pase ne nyian ne, né tim kpee.