Yesaia 16:9 - ICIGHAN BIBILO

⁹ Ka nahan man me haa mliam a mliam ma Yaser imôngo ye, me vaa kon u wain u Shibema, me ur u sha mliam am, we, Heshebon man Eleale, gadia vaautya ger sha shighe u kohol atam a ou la, kua sha sunda wou kpaa.

Yesaia 16:9 Iomraidhean Croise

Yesaia 9:3

U seer ikurior ne, i ngee, U seer ve iember kpishi kpaa; mba ember sha ishigh You sha inja i m-ember i sha iyange i sunda, er ior ve ember shighe u ka vea karen kwar sha ishar yô.

Yeremia 40:10

Kpa mo yô, nenge me tema hen Misepa sha u tilen sha ishigh ki Mbakaldi, mba vea va her a vese yô; kpa ne yô, kohol nen zar u wain, man atam a ikon sha wangernyom, man mkurem, koso nen ken atum a en, man tema nen ken agar a en a ne ngohol a yô.

Yeremia 40:12

nahan Mbayuda cii za hide ken ajiir a i zenda ve, ve yem ker la, ve va hen tar u Yuda, ve za hen Gedalia hen Misepa; nahan ve kohol zar u wain man atam a ikon a sha wangernyom kpen kpen.

Esekiel 27:31

man vea torough ityouv vev sha ci wou, vea ta ikondo uya, vea vaa u, sha ishima i vihin man ijungwen i tsung.

Esekiel 32:18

Wan u or, vaa sha ci u ikpelaior i Igipiti, haa ve (ka wen man ônkasev mba akuraior a a lun a agee la) shin ajiir a zan kweng a taregh, a mba ve hongo shin ihungwa la imôngo.

Mbaajiriv 9:27

Ve yem ken sule ve za zôr atam a wain, ve kam, ve er iniongo, ve nyôr ken iyou i aôndo ve, ve ya, ve ma, ve gba tuhwan Abimeleki.