Yesaia 16:6 - ICIGHAN BIBILO

⁶ Se ungwa agwa u iyolgengese i Moabi, a gengese iyol tsung je, man imanger na man iyolgengese na man icihi na; ihagh na i kaan ka gbilinkwagh je.

Yesaia 16:6 Iomraidhean Croise

Anzaakaa 21:24

Or u gengese iyol man or u iceenegh iti i nan yô, ka orpuunakaa je, ka sha imanger i iyolgengese i nan nan eren kwagh ye.

Yesaia 15:1

Mkaanem ma Aôndo sha Moabi. Ka ken tugh môm tsô, i tim Ar u Moabi kera a saa ishe ye; ka ken tugh môm tsô, i tim Kir u Moabi kera a saa ishe ye.

Yesaia 2:11

Ashe a a kenger sha ilyahan la, á hee a, man iyol gengese i or kpaa á hide a i ijime, Ka TER tseegh Una lu a icivir sha iyange la ye.

Yesaia 25:10

Gadia ka sha uwo ne uwegh ku TER kua mem ye, kpa á ndyar Moabi hen ijiir na, er ka i ndyar ayer shin mngerem ma ihungwa i uihôgh nahan.

Yesaia 25:11

Una naregh ave na ken atô u ma er orôônwe ka nan naregh ave a nan sha u ôôn uwe nahan, kpa Una hide a iyolgengese na ijime cii, shin er ave na a fe eev nahan kpaa.

Yesaia 28:15

Gadia ne kaa ner: Se ya ikur a ku, se zua zwa a Sheol, zum u bocan u van sha agee una va karen la, una va hen vese ga; gadia se gema aie hingir se ijiir i yeren, man se yer ayol ase ken icugh je.

Yesaia 28:18

Á bunde ikuryan yen a ku la kera, man mzoughzwa wen a Sheol la una taver ga; zum u bocan u van sha agee la una karen yô, una shoghol ne angahar.

Yesaia 44:25

M bundu uivande mba uprofeti mba aiev, M gem mbakpehenasor ve hingir abumeaior; M hir a mbafankwagh ijime, M gem kwaghfan ve a hingir ibumegh.

Yeremia 48:14

Ka nyi man ne kaan ner: Se mba mbaageev man anomaior a utya?

Yeremia 48:26

Er un a̱ hunde, gadia tseen sha TER yum; Moabi una vingir sha isho na, una hingir kwagh u lahan kpaa.

Yeremia 48:42

Á tim Moabi kera una kera lu ikurior ga, gadia tseen sha TER yum.

Yeremia 50:36

Sanker a̱ va sha mba ve hagher sha kwaghôron, ve̱ hingir abumeaior, sanker a̱ va sha anomaior a na, mciem ma̱ haa ve iyol.

Amoshi 2:1

TER ngu kaan nahan er: Sha ci u atindi a peren atar a Moabi, een, sha ci u anyiin je yô, Me kera hide a mtsaha na ijime ga; gadia a nande akuhe a tor u Edom, gema hingir alie,

1 Peteru 5:5

Nahan yô, ne mbayev kpaa ungwan nen imo i mbatamen, man ne cii, haa nen ityough ki taver ga iyol, hen ayol a en, gadia Aôndo hendan kwagh a mbagengeseyol, kpa ne mba ve hir ayol a ve ijime la mrumun u sha mhôôn.