Yesaia 16:5 - ICIGHAN BIBILO

⁵ zum la á tar ikônough ki torough sha erdoo man orgen nana tema sha mi sha jighjigh, ken tenti u Davidi, u nana ôr ijir, nana keren mimi man nana eren kwagh sha perapera fefa je.

Yesaia 16:5 Iomraidhean Croise

2 Samuel 23:3

Aôndo u Iserael kaa kwagh, Vande u Iserael ôr kwagh a mo: Or u hemban u a tem tor sha ior, u a tem tor, a cie Aôndo,

2 Samuel 5:9

Davidi za tema ken garutya la, a ii un iti er: Gar u Davidi. Davidi shi maa gar la ningir tser, hii hen Milo zan zan nyôr kimi.

2 Samuel 7:16

Ya wou kua tartor wou vea tile dông sha ishigh you gbem; ikônough you ki torough kia lu her gbem sha won.

1 Utor 10:9

I̱ wuese TER, Aôndo wou, u u doo Un ishima A ver u sha ikônough ki torough ki Iserael; ka er Iserael a doo TER ishima gbem man A ver u tor er u̱ ôron ijir, shi u̱ eren perapera kpaa ye.

2 Kroniku 31:20

Kape Hesekia er ken Yuda cii la; a er kwagh u doon man u vough man u jighilii sha ishigh ki TER Aôndo na.

Upasalmi 85:10

Erdoo man mimi ve zua ve, perapera man bem suse zwa ayol a ve,

Upasalmi 89:14

Perapera man ijirôron i mimi, ka ve ve lu imagh ki ikônough You ki torough ye; erdoo man mimi mba zan We sha ishi.

Upasalmi 96:13

sha ishigh ki TER, gadia ngu van, ngu van sha u ôron tar ijir; Una ôr tar ijir sha perapera, man akuraior kpaa sha mimi Na.

Upasalmi 98:9

sha ishigh ki TER, gadia ngu van u va ôron tar ijir; Una ôr tar ijir sha perapera, man akuraior kpaa sha mimi.

Upasalmi 99:4

Tor u ageegh u ijirôron i mimi i doo U ne, ka We, U ver kwagh u vough ye, U er ijir sha mimi, U eren sha perapera ken Yakob.

Anzaakaa 20:28

Erdoo kua mimi mba kor tor, nan suwe ikônough ki torough ki nan sha erdoo.

Anzaakaa 29:14

Tor u nan er ijir i mbaatsanev sha mimi yô, ikônough nagh ki torough kia lu taveraa gbem.

Yesaia 33:22

Gadia TER ka Orjir wase, TER ka Orwan se atindi, TER ka Tor wase; ka Un je Una yima se ye.

Yesaia 55:4

Nenge, M ver un Mer, a̱ lu shiada hen ior a̱ lu orhemen man orwan akuraior kwagh.

Daniel 7:14

I na Un tor sha won cii man icivir man tartor, sha u ior man akuraior man ijô cii ve̱ er Un tom; mtemtor Na ka mtemtor u tsôron, u una kar kera mayange ga, man tartor Na kpaa ka u timin kera mayange ga.

Daniel 7:27

Á gema tartor man mtemtor man ivesen i ityartor i sha won cii, á na nongo u icighanmbaiorov mba Uhembansha; tartor ve ka tartor u tsôron, man ityahav cii mbia er ve tom, mbia ungwa ve.

Amoshi 9:11

Sha iyange la Me mough a ityumbe i Davidi i lu i yôhôl la sha, Me maa ajiir a na a hemben; Me mough a atse a na sha, Me shi Me maa un er sha ayange a tsuaa la nahan;

Mika 4:7

Mbakeer la, Me de ve vea lu asande a ior her, man mba i yem a ve kera ca la kpaa, vea hingir ikurior i ageegh; man TER Una tema tor sha a ve sha uwo u Shion, hii hegen je zan zan gbem sha won.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.