Yesaia 16:11 - ICIGHAN BIBILO

¹¹ Ka nahan man myam am ma eren imo er adiguve nahan sha ci u Moabi kua ishima yam kpaa sha ci u Kir-hereshi ye.

Yesaia 16:11 Iomraidhean Croise

Yesaia 15:5

Ishima yam ngi vaan sha ci u Moabi; ior nav mba yevese, ve za ar hen Soar, hen Egelati-shelishiya, gadia gbenda u kôndo sha Luhiti la, mba kôndon u a mliam zwa je; man sha gbenda u zan sha Horonaim la kpaa mba geren mliam gbidyen vaa.

Yesaia 21:3

Ka nahan man awenge am a mgbough a mnyoonom, mtoghor kôrom er martoghol ka ua kôr kwase nahan; m hingir ngugh ngugh je m kera fatyô u ungwan ga, kundam iyol je m kera fatyô u nengen ga.

Yesaia 63:15

Hen ijiir You i teman i tseghan kua i icivirigh la, shir ashe shin, nenge. Gbashima Wou kua aeren a Ou a utaha nga hana? Mhôônom Ou ma kôron tsung ma ken ishima kua mhôônom Ou ma zungwen la kera ma a mo ga.

Yeremia 31:20

Eferaim ka wan u ishima ishima udoon mo ishima kpen kpen gaa? Gadia hanma shighe u ka Mea teren un sha ishimavihin yô, M gba umbur un di sha gbashima je, nahan yô, a sar ishima Yam tsung, mimi je, Me zungwe un mhôônom, kape TER A kaa ne.

Yeremia 4:19

Myam ama, myam ama! Nyoon mo ken ishima je, ishima yam ngi tan mo kwe; m kera fatyô u teman ving ga, gayô, m ngu ungwan mkaa u ikpamkor, ikenge i utya je!

Yeremia 48:31

Nahan yô, me vaa Moabi, een, me vaa Moabi cii genger genger, me zungwe ior i Kir-hereshi.

Yeremia 48:36

Nahan yô, ishima yam ngi jandegh imo er ka alaketa nahan sha ci u Moabi, man ishima yam ngi jandegh imo er alaketa nahan sha ci ior mba Kir-hereshi; gadia inyaregh ki a zough a mi la saa ishe.

Ukwelegh 1:20

Nenge, TERE, gadia ican tserem; myam am ma zômon; ishima ngi geman mo ken vanger; gadia m hendan sha apera. Ken won sanker ngu wuan, ken ya yô, gema ka ku.

Hosea 11:8

Me er nan man Me de u kera Eferaim, Me er nan man Me gbihi u Iserael? Me er nan man Me de u, u hingir er Adema nahana? Me er nan man Me gema u u hingir er Seboim nahana? Ishima gemam kimi, mhôônom kôrom tsung.

Mbafilipi 2:1

Aluer ma msurshima una lu ken Kristu, man aluer ma ishima i taver i sha dooshima ia lu, shin ma mzough u ken Jijingi una lu shin ma mhôônom ma kôron man mhôônom ma zungwen maa lu yô,