Yesaia 15:5 - ICIGHAN BIBILO

⁵ Ishima yam ngi vaan sha ci u Moabi; ior nav mba yevese, ve za ar hen Soar, hen Egelati-shelishiya, gadia gbenda u kôndo sha Luhiti la, mba kôndon u a mliam zwa je; man sha gbenda u zan sha Horonaim la kpaa mba geren mliam gbidyen vaa.

Yesaia 15:5 Iomraidhean Croise

Genese 13:10

Tsô Loti kende ashe, nenge gbulumaa u Yordan cii, lu a mngerem han han kpaa; er TER lu a tim Sodom man Gomora ga la, vegher u zan hen Soar la, lu er sule u TER yô, bee tar u Igipiti.

Genese 14:2

ve gba ityav a Ber, tor u Sodom, man Birsha, tor u Gomora, man Shinabi, tor u Adema man Shemeber, tor u Seboim man tor u Bela, ka Soar je la.

Genese 19:22

Er fefa, yem ker, gadia Me fatyô u eren ma kwagh ga, saa u nyôr ker ve. Ka nahan man i yila gar la er Soar ye.

2 Samuel 15:23

Tar la cii ger mliam ding; ior cii gba karen; tor kpaa per ifi u Kederon, ior cii per gba yemen veren ishigh sha ikôngo.

2 Samuel 15:30

Tsô Davidi gba kôndon sha gbenda u unden sha uwo u Olev la, lu vaan unden, a yisa ityough nagh, lu yemen, lu a akôv shin angahar ga; ior mba ve lu a na imôngo cii ve yisa ityough vev seer seer, ve lu kôndon vaan yemen.

Yesaia 16:14

Kpa hegen yô, TER ôr kwagh kaa er: Er anyom atar, sha inja i anyom a or eren tom sha tôndo nahan, a lu a kuma ga je tsô á gema icivir i Moabi ia hingir kwagh u lahan a ior nav mba ve ngee la cii; asande a na a a shi her la aa hingir hicu, aa kuma kwagh ga.

Yesaia 22:5

Gadia ka iyange i ayôôso je, man i ndyaren shin angahar man i mnzughul i Ter, TER u akum a Sha A ne shin pev u Mpase ne; ka mhembe u i hembe ugilmbaagarev man amo a genger yilan iwo.

Yesaia 59:7

Angahar a ve nga zan ayem sha u za eren kwaghbo; mba zan fefa sha u za haan awambe a orishôôgh; mbamhen vev ka mbamhen mba ifer tsô, myôhôr kua mtim mba sha igbenda ve.

Yeremia 13:17

Kpa aluer ne venda u ungwan un yô, uma wam una vaa ken myer sha ci u iyolmoron la; man ashe am aa vaa tsung, mliam maa haa, sha ci u i kôr ikumuile i TER, i kange i, i yem a mi yô.

Yeremia 17:16

Mo yô, m torough a We mer va a kwagh u bo ga, iyange i bo kpaa m tôm i ga; U fa, kwagh u a due ken zwa wam yô, lu sha ishigh You.

Yeremia 4:19

Myam ama, myam ama! Nyoon mo ken ishima je, ishima yam ngi tan mo kwe; m kera fatyô u teman ving ga, gayô, m ngu ungwan mkaa u ikpamkor, ikenge i utya je!

Yeremia 4:20

Mba yôôn mhembe u utya hanma ijiir sha adondo adondo, i vihi tar cii kera; i vihi utenti av kera fese je, kua akondo am a yisan kpaa, ngôôr je ga.

Yeremia 48:3

Ungwa! vaa due ken Horonaim: mvihi man mtim u vesen!

Yeremia 48:5

Sha ijiir i unden sha Luhiti la, mba haan mliam kôndon; man shin ijiir i hungwan sha Horonaim kpaa, i ungwa vaa u mliam ma mtim.

Yeremia 50:46

Myee u i yôô er: I hemba Babilon kera la, na tar tenger, mliam hura ken akuraior.

Yeremia 9:10

Me gber kwelegh sha ci u iwo, man sha ci u ajiir a ilev yan toho ken taaikôngo la, Me zungwe; gadia i nande a, a hia je ma or fatyô u karen her ga; man i kera ungwa mliam ma uile ga, inyon i purugh sha kua ishôso i ken toho cii nyôngoso, yem kera.

Numeri 21:29

Kwagh á tser u, Moabi! Ne saa ve, ne ior i Kemoshi; a er ônov nav mba nomso hingir mba yevese, ônov nav mba kasev ve hingir mbakwarev mba Shihon tor u Mbaamor.