Yesaia 15:2 - ICIGHAN BIBILO

² Wankwase u Dibon kôndo sha ajiir a taven sha, sha u za vaan; Moabi ngu vaan sha Nebo kua sha Medeba; ityouv vev cii kpul, hanma indyer cii kpaa i hondo i kera.

Yesaia 15:2 Iomraidhean Croise

2 Samuel 10:4

Nahan Hanun kôr mbayev mba Davidi hondo ve indyer vegher môm môm shi tôndo ve uriga hen atô sha asenatôôgh je, tsô a na ve gbenda.

1 Kroniku 19:4

Nahan Hanun kôr mbayev mba Davidi mbala, hondo ve ishigh, tôndo ve uriga hen atô sha asenatôôgh je, tsô a na ve gbenda.

Yobu 1:20

Tsô Yobu mough ande riga na, tolough ityough nagh, a gba inya, a gure a civir;

Yesaia 14:31

Genger mliam, we, hundagar; gbidye vaa, we, gar; sough kera, we, Filisetia man mba keregh cii; gayô ka ken imbusutarimese mnyim ma dugh ye, ma or u gban ijime ken tangeutya na nan ngu ga.

Yesaia 15:3

Mba tan mzemba uya sha akômaigbinda ve; mba sha ihaav vev man sha ityembe ve kpaa, hanma or ngu vaan haan mliam tsung.

Yesaia 16:12

Tsô zum u Moabi va man a vôr iyol na sha ijiir i taven sha yô, man a nyôr ken icighanjiir na sha u eren msen kpaa yô, una fa ma kwagh ityô ga.

Yesaia 16:7

Ka nahan man Moabi una vaa Moabi, hanma or nana vaa; azen a atam a wain a ombor a Kir-hareseti la, nea zungwe a, á kondo ne iyol gbong.

Yesaia 22:12

Sha iyange la, Ter, TER u akum a Sha, yila kaa er, i̱ vaa, i̱ zungwe, i̱ hondo ityough, shi i̱ ta ikondo uya;

Yesaia 3:24

Kwagh u hôôn una gema á va lu sha ityough ki kwagh u human doon la; kor ua lu sha ityough ki tsar u shin iwenge la; ityough ki kpurun kia tema sha ityough ki kuran la; ibashôhô una lu sha ityough ki ikondo i zan iniongo a mi la; iyolough ku usugh sha ityough ki mdooashe la.

Yeremia 3:21

Ungwa, ikenge sha agungu a penem penem, mliam man zamber u ônov mba Iserael, sha ci u ve kaha gbenda dang, TER, Aôndo ve, hungul ve.

Yeremia 47:2

TER ngu kaan nahan er: Nenge, mngerem ma moron shin imbusutarimese, maa hingir ifi u saren avenge, maa uve tar man kwagh u a lu ken u cii, gar kua mba ve tem ker cii; ior vea gbire ivaa man mba ve tem ken tar la cii, vea ger mliam.

Yeremia 47:5

I tolough Gasa ityough kera; i tim Ashekelon kera, ka asande a a shi shin pev je la; shi nan je man né de u gberen avav iyolo?

Yeremia 48:1

Sha kwagh u Moabi: TER u akum a Sha, Aôndo u Iserael, ngu kaan nahan er: Kwagh tser Nebo! Gadia i tim un kera; Kiriataim hingir kwagh u aheenegh, i ngohol un kpaa; iyouutya hingir kwagh u aheenegh, i yôhôl i kera;

Yeremia 48:18

Hungwa sha iengem you la, we wankwase u u tem sha Dibon, tema hen inya i tseghe tseghe; gadia or u a tim Moabi la va ta num sha a we, a tim ayouautya ou a taver.

Yeremia 48:31

Nahan yô, me vaa Moabi, een, me vaa Moabi cii genger genger, me zungwe ior i Kir-hereshi.

Yeremia 48:35

Man shi Me na er or u nan ne nagh ku sôngon sha ijiir i taven kua u nan nanden mbaaôndo mba nan la nagh, nana kera lu ken Moabi ga yô, kape TER A kaa ne.

Yeremia 49:3

Vaa, we Heshebon, gadia i tim Ai kera; ngor nen mliam ônkasev mba Raba, ta nen akondo uya, zungwe nen, yevese nen hurugh hurugh, her atô u ugar mba ishulev; gadia á yem a Milkom uikangen a upristi nav man atiator a na imôngo.

Yeremia 7:29

Tôndo ice you i sha ihyaghtyo, haa kera, gber kwelegh zungwe sha agungu a penem penem, gadia TER gbihi man A undu ikov i A yugh i la.

Esekiel 27:31

man vea torough ityouv vev sha ci wou, vea ta ikondo uya, vea vaa u, sha ishima i vihin man ijungwen i tsung.

Esekiel 30:2

Wan u or, ôr kwaghôron u profeti kaa wer: Ter AÔNDO ngu kaan nahan er: Vaa nen, wuu! iyange la!

Esekiel 7:18

Vea ta ikondo uya; mciem maa haa ve iyol; kunya ua lu sha ishiv vev cii, man ityouv vev mbia kpur cii.

Levitiku 13:40

Aluer ice i or la ia tsor nan sha ihaghtyo yô, nan kpur ityough; nan ngu wang.

Levitiku 21:5

Ve̱ de hondon ma ijiir sha ityou ga, man shi ve̱ de hondon indyer ve ken akpe ga, shi ve̱ de esen avav iyol kpaa ga.

Amoshi 8:10

Me gema uiniongo enev vea hingir ijungwen, atsam a en cii kpaa aa hingir kwelegh; Me na hanma or nana lu a ikondo uya man hanma ityough kia kpul; Me na ia hingir er ka mliam ma vaan wannomso u môm môm nahan, man mkur u i kpaa er ka sha iyange i vihin ishima tsung nahan.

Numeri 21:28

Gadia usu due ken Heshebon, nombor usu due ken gar u Shihon, u hia Ar u Moabi, mba ve tema tor sha ajiir a taven sha a Arnon la.

Numeri 21:30

Se ta ve avaan; i tim Heshebon zan zan za ar hen Dibon; se vihi tar la zan zan za ar hen Nofa, za kighir hen Medeba.

Numeri 32:3

Ataroti man Dibon man Yasar man Nimra man Heshebon man Eleale man Sebam man Nebo kua Behon;

Numeri 32:38

man Nebo man Baal-meon (i gema a ati) kua Sebema; ve ii agar a ve maa la ati agen.

Duteronomi 14:1

Ne mba ônov mba TER, Aôndo wen, je; nahan yô, de gberen nen avav iyol ga, shi de torough nen ityough hen icul sha ci u or u nan kpe ga.

Duteronomi 34:1

Tsô Mose mough hen ukpuunkpuun mba Moabi unde sha uwo u Nebo sha ityough ki Pisega, u a lu sha ishigh ki Yeriko la. TER tese un tar la cii, hii hen Gileadi zan zan ar hen Dan,