Yesaia 14:1 - ICIGHAN BIBILO

¹ Gadia TER Una zungwe Yakob mhôônom, Una shi á tsuwa Iserael, Una ver ve er ve̱ tema ken tar ve; ior mba ken nongo ugen kpaa vea nyôr nongo a ve, vea var hen ya u Yakob.

Yesaia 14:1 Iomraidhean Croise

Eseter 8:17

Ken hanma ipaven, man hanma gar, henpe imo i tor kaa la man tindi na nyôr yô, Mbayuda lu a iember man ishima i saan saan, ve yôr iwer, ve er iniongo. Nahan mbagenev kpishi ken akuraior a ken tar la, ve gema ve hingir Mbayuda, gadia ve lu cian Mbayuda.

Upasalmi 102:13

Ú mough, Ú zungwe Shion mhôônom; gadia shighe u zungwen un mhôônom kuma ve, shighe u i vande veren la kuma ve.

Upasalmi 102:14

Gadia doo mbayev Ou a awen a na, man mhôônom kôr ve a alôgh a ayou a na la.

Upasalmi 143:12

Sha erdoo Wou la, wua mbaihomov av, tim mba ve kerem ihom cii kera, gadia mo m ngu wanakiriki Wou je. Ka Pasalmi u Davidi

Upasalmi 98:3

A umbur erdoo Na man jighjigh Na a ya u Iserael, akighir a tar cii nenge myom u Aôndo wase.

Yesaia 19:18

Sha iyange la agar ataan aa lu ken tar u Igipiti a a er kwagh sha zwa u Kanaan, man aa bumun TER u akum a Sha, ugen ken a á yila un er: Gar u mtim.

Yesaia 21:1

Mkaanem ma Aôndo sha desereti u zegemnger. Er uhiar mba ken tar u Imbusutariyan la, ka ve karen ve huran sha agee nahan, kape ngu a due ken ikôngo ken tar u cieryol.

Yesaia 27:6

Sha ayange a ken hemen la Yakob una wa amise, Iserael una mondo, una denger, una iv tar cii a atam.

Yesaia 41:8

Kpa we, Iserael, wanakiriki Wam, Yakob, u M tsough yô, tsombor u huror Wam Aberaham,

Yesaia 41:9

uwe, u M kôr u, M tôô u sha akighir a tar je, M yila u sha azongo a u, M kaa a we Mer: We, u ngu wanakiriki Wam, M tsuwa u, M ta u kera ga,

Yesaia 44:1

Kpa hegen yô, ungwa, we wanakiriki Wam Yakob, man Iserael kpaa u M tsough la.

Yesaia 45:14

TER ngu kaan nahan er: Iwengeoron i Igipiti, man ikav mbi kasuav mbi Etiopia kua Mbasabea, ugôgômbaiorov la, vea per vea va her a we, vea hingir mba ou kpaa, vea dondo u ijime, vea per ken a we a mshirim iyol, vea gule sha ishigh you, vea zamber a we er: Mimi je, ka hen a we tseegh Aôndo A lu ye, mô ugen ngu ga, Aôndo ugen ngu ga.

Yesaia 47:1

Hungwa, tema shin vuulevu, we, iniunkwase i Babilon; shar inya, de tem sha ikônough ki torough ga, we, wankwase u Mbakaldi; gadia á kera yila u er u ngu kwase u lun iyol vel vel, u nan fe ican ga, ga.

Yesaia 49:10

Ijen ia kôr ve ga shin imura kpaa ga; mtsee u ahumbe a tseen man oo kpaa ua ta ve ga; gadia u A zungu ve mhôônom la, Una hemen ve, Una hemen ve gbenda, Una za a ve hen amboramnger.

Yesaia 49:13

Ember nen ne Usha; we tar, ember; ger nen atsam, ne iwo; gadia TER sur ior Nav ishima, A zungwe mba Nav mba ve ye ican la mhôônom.

Yesaia 49:15

Wan u man atumba una hungul ngô na je kpa, mhôônom maa kôr un a wan u a dugh ken iyav nav la gaa? Shin ve yô, á hungul ve, kpa Mo yô, ú hungul Mo ga.

Yesaia 49:25

TER ngu kaan nahan er: Mbakwarev mba orutaha je kpaa á ngohol ve kera, man ishar i ipilaor kpaa ia war, Kpa Mo Me hendan a mba ve hendan a we yô, Me yima ônov ou kpaa.

Yesaia 49:7

TER, Orpaan u Iserael, Icighan na ngu kaan a Or u i laha Un yum A ndôhôr ior asema la, Wanakiriki u mbatarev la er: Utor vea nenge vea mough sha, atiator kpaa nahan, vea gule inya vea civir, sha ci u TER u A lu u jighjigh, Icighan u Iserael, u A tsough U yô.

Yesaia 54:3

Gadia ú samber ken iyan kua ken imese kpaa; ka vor wou je ua tema tor sha akuraior ye, agar a i hembe a kera kpaa, ú na ior vea tema ker.

Yesaia 55:7

Iferor nana̱ undu gbenda u nan; u nan lu perapera ga kpaa, nana̱ gbihi mbamhen mba nan kera, nana̱ hide hen TER, tsô Una zungwe nan mhôônom, man hen Aôndo wase, gadia Un deen kwaghbo wuee.

Yesaia 56:3

Man or u ken nongo ugen u nan nyer nongo a TER kpaa, nana̱ de kaan er mimi je TER una pavem a ior Nav, ga; man or u nan lu icôngonor kpaa, nana̱ de kaan er: Nenge, mo kon u ombor m ngun ne, ga.

Yesaia 60:10

Ior mba ken iniongo igen vea maa ugilgar ou, man utor vev vea er u tom; gadia sha ishima i nyoon Yam M gbidye u, kpa sha erdoo Wam M zungu u mhôônom.

Yesaia 60:14

Ônov mba ior mba ve er u ican yô, vea va her a we agurenu; man mba ve laha u cii, vea shalegh inya hen akevangahar a ou; vea yila u er: Gar u TER, Shion u Icighan u Iserael.

Yesaia 66:20

Vea va a anmgbianev enev cii ken akuraior cii, sha ci u nagh ku nan TER, sha anyinya man sha akeke a kpelan, man sha akaa a tôôn ior a mi, man sha mbaalfadari man sha urakumi, á va a ve hen icighanwo Wam Yerusalem, kape TER A kaa la, er Mbaiserael ka ve va a nagh shin tasa u wang, ken iyou i TER nahan.

Yeremia 16:15

kpa á kaa er: Er TER u A dugh a Mbaiserael shin imbusutarimese man ken ityar i A zende ve ve yem ker la cii A lu u uma ne. Een, Me shi Me hide a ve ken tar u lu M na uter vev la yô.

Yeremia 29:14

Me rumun er ne̱ zua a Mo kpaa, kape TER A kaa ne, Me gema mlu wen, Me kohol ne ken akuraior cii, man ken ajiir a Me zenda ne ne yem ker la cii, kape TER A kaa ne; Me shi Me hide a ven hen ijiir i lu M na, i kura ne her kera, i yem a ven uikangen la.

Yeremia 30:8

Tsô sha iyange shon la, kape TER u akum a Sha A kaa ne, Me sombo igbur na sha mon ve, Me tôndo ikangenev vev, ior i tar ugen ia kera gema ve er vea er ve tom ga,

Yeremia 31:4

Me shi Me maa u, tsô ú lu her, we iniunkwase u Iserael; á shi á er u hwe sha anigingav ou, tsô ú due, ú za vine amar a mba ve numbu sar sar la.

Yeremia 50:33

TER u akum a Sha ngu kaan nahan er: I kighir Mbaiserael kua Mbayuda imôngo; man mba ve kura ve ve yem a ve uikangen la cii, ve kôr ve gbang gbang, ve venda u nan ve gbenda.

Yeremia 51:51

Se va ahenge, gadia se ungwa tarnahan; kunya cir se ishigh cii, gadia ior mba ken nongo ugen va nyôr ken ajiir a tseghan a iyou i TER.

Esekiel 16:60

Nahan kpaa, Me umbur ikuryan Yam a we sha ayange a iyev ou la, man shi Me ya ikur i tsôron a we.

Esekiel 47:22

Kar nen tar sha ishor i eren sha ci u u̱ lu dyako wen, ne kua atôatyev a a lu shir her a ven, a a mar ônov her a ven yô; a̱ hingir her a ven vough er ônov mba ityôôv ken atô u ônov mba Iserael nahan; a̱ ya dyako a ven imôngo, ken ikwe i Iserael.

Sekaria 1:17

Shi genger imo, kaa wer: TER u akum a Sha ngu kaan nahan er: Agar a Am aa shi á mgbough a mkpeyol; TER Una shi á sur Shion ishima, man Una shi á tsuwa Yerusalem kpaa.

Malaki 1:11

Gadia hii sha mdugh u iyange je zan zan ar henpe i mir yô, iti Yam kume ken akuraior; sha hanma ijiir kpaa mba nanden iti Yam nagh ku humandoon kua nagh ku ku lu wang kpaa; gadia iti Yam kume ken akuraior, kape TER u akum a Sha A kaa ne.

Luka 1:54

A wase wanakiriki Na, Iserael, gadia A umbur mhôônom Nam ma zungwen.

Luka 2:32

ka iwanger i á pase i hen atôatyev, man ka iengem i nongo Wou Iserael kpaa.