Yesaia 13:8 - ICIGHAN BIBILO

⁸ mciem maa ta ve iyol, mtoghor man asemavihin aa tser ve, á nyoon ve er kwase u nan toghol mar nahan; vea kenger ayol a ve a anzughul ken ishima; ishiv vev yô, mbia lu er mbi usuv nahan.

Yesaia 13:8 Iomraidhean Croise

2 Utor 19:26

Ka nahan man ior mba ve lu ken a la, ve kera lu a agee iyol ga ye, asema yina ve, kondo ve iyol; ve hingir er toho u ken akôngo man er gwergwe nahan, man shi er toho u u mende sha uha, man shi er alakema u ka a use er a lu amar ga la nahan.

Upasalmi 48:7

Ka sha ahumbe a sha ityoughkitaregh U hembe utso mba Tarshishi la ye.

Yesaia 26:17

Er kwase u wan iyav, shighe u nan u maren ka una mgbôghom yô, nan toghor, nan genger imo ken mnyoonom nam, kape se kpaa se lu sha ishigh You la, TERE.

Yeremia 13:21

Tsô ú kaa nana, aluer Una gema Una ver mba u ye ikar a ve la, er ve̱ tema tor sha a wee? Mtoghor una tser u er kwase u togholmar nahan gaa?

Yeremia 30:6

Shi pine nen ase, nenge, nomsoor maren kpa? Hii nan man M nenge hanma or nan suur ave shin iwenge, er kwase ka nana toghol mar man ishiv cii mbi gema mbi hingir peng nahana?

Yeremia 4:31

Gadia m ungwa mliam er ka kwase u nan toghor mar yô, ican er i kwase u nan mar wan u nan u iunda la nahan, mliam ma wankwase u Shion; ngu shirin ishima, naregh ave, kaan er: Kwagh tserem ve! Uma wam vôr sha ishigh ki mbawuanior.

Yeremia 46:5

Ka nyi man m nenge, ishima i nyian ve, ve gem ijime? Kwagh hemba ior vev mbataveryol, mba yevese je; ashe tsô kpaa ve gema ijime ga; mcieryol kase tser! Kape TER A kaa ne.

Yeremia 48:41

I ngohol agar, i hembe ayouautya a taver; asema a mbaageev mba Moabi aa hingir er ishima i kwase u toghor mar nahan sha iyange shon la.

Yeremia 49:22

Nenge, nana kôndo nana purugh er gafa nahan nana samber akper a nan sha Bosera; man sha iyange la ishima i anomaior a Edom ia hingir er ishima i kwase u toghol mar nahan.

Yeremia 49:24

Damaseku hingir seelee, a gema ijime u yevese, ikarikase gbidye un iyol; ican man ishima i zungwen tser un tsung, er ka kwase u toghol mar nahan.

Yeremia 50:43

Tor u Babilon ungwa ve, ave na maa shir livaa; ican tser un man mnyoonom kôr un er kwase u toghor mar nahan.

Yeremia 51:30

Mbautyav mba Babilon de u nôngon ityav, ve gba teman ken ayou a ve a utya tsô; agee ve saa; ve hingir er kasev nahan; i nande ajiir a na a teman sha usu; i kever uishindan nav kera.

Esekiel 20:47

kaa a ikô i ken imbusutariyan wer: Ungwa kwaghôron u TER; Ter AÔNDO ngu kaan nahan er: Nenge, Me keer usu ken a we, ua hia hanma kon u ndor ken a we, man hanma kon u ombor kpaa; usu u yeghen gam gam la, ua pir ga, ua anger ishiv cii, hii ken imbusutariyan zan zan za ar ken imbusutarimese.

Hosea 13:13

Martoghol kôr un; un ka wan u fan kwagh ga, gadia zum u shighe kuma yô, a kera due ga.

Yoel 2:6

Sha mve ve akuraior cii gbidye akarkase iyol; ishiv cii hingir peng.

Nahum 2:10

Ngu a kwagh ga, ngu gbilin, hingir ice; asema sough, anu nga gbidyen ikarikase, mnyoonom ma ken awenge cii, ishiv vev cii hingir peng.

YOHANE 16:21

Shighe u kwase ka nana maren yô, ishima i vihi nan sha ci u shighe u nan a kom yô; kpa nana maren kera yô, nan kera umbur ican i nan la ga, sha ci u iember i i mar or shin tar ne yô.

1 Mbatesalonika 5:3

Zum u vea kaan er: Bem, man mkpeyol yô, ka zum la je mtim una ande sha a ve ibuv er martoghol ka u kôr kwase uya nahan ye, mayange vea kera war ga.