Yesaia 13:19 - ICIGHAN BIBILO

¹⁹ Babilon, icivir i ityartor, mdoom ma ihagh i Mbakaldi la, una lu er Sodom man Gomora nahan, zum u Aôndo yan tim ve kera la.

Yesaia 13:19 Iomraidhean Croise

Genese 19:24

Tsô TER er sulfur man usu due sha TER Sha, haa sha Sodom man Gomora.

Genese 19:25

A tim agar la, man gbulumaa la cii, man mba ve lu ken agar la cii kua akaamenden a hen inya kpaa.

Yesaia 13:1

Mkaanem ma Aôndo sha Babilon, ma Yesaia wan u Amoshi nenge yô.

Yesaia 21:9

Man nenge, ikum i mbaanyinyav mba van, mba zenden uhar uhar. Tsô a gema a kaa er: Babilon gba, a gba ve, ieev mbi gban a gba mbi mbaaôndo vev cii, i hembe mbi shin inya je.

Yesaia 47:5

Tema ving, yem ken ime, we, wankwase u Mbakaldi, gadia á kera yila u er, kpamkwase u ityartor ga.

Yesaia 48:14

Kohol nen imôngo, ne cii, ver nen ato; ka anti ker a ven nan pase akaa angara? Un u a doo TER ishima la, una er ishima na sha Babilon, man uwegh nagh kpaa kua lu sha Mbakaldi.

Yeremia 25:12

Tsô shighe u anyom akunduatargber á akuma yô, Me tsaha tor u Babilon man ikurior la, kape TER A kaa ne, sha ci u ifer ve man tar u Kaldi kpaa, Me gema u, ua hingir toho dang gbem sha won.

Yeremia 49:18

Er mtim u Sodom man Gomora man agar a a wa ndor a ve la nahan, kape TER A kaa ne, ma or nana kera tema heregh ga, man shi ma wan u or nana za shir ker kpaa ga.

Yeremia 50:40

Er Aôndo yôhôl Sodom man Gomora man agar a a wa ndor a ve nahan, kape TER A kaa ne, kape ma or nana kera tema ker ga, man shi ma wan u or nana kera za shir ker kpaa ga.

Yeremia 51:26

á kera bugh ma iwen her a we sha ci u wan sha zongo shin sha ci u wan imagh a mi kpaa ga, kpa ú hingir ice gbem sha won, kape TER A kaa ne.

Yeremia 51:29

Nahan tar ngu tenger, ngu zômon iyol sha mnyoon; gadia awashima u TER sha Babilon la ngu her taveraa sha u geman tar u Babilon u̱ hingir ice, ma or nana kera tema ker ga.

Yeremia 51:41

Nenge, i hemba Sheshaki, man i ngohol icivir i tar cii kera. Nenge, er Babilon a hingir kwagh u cieryol hen akuraior!

Yeremia 51:62

kaa wer: We TER, ka We U ôr kwagh sha ijiir ne Wer, Ú sar i kera er ma or nana kera tema ken i ga yô, shin or, shin zendenya kpaa ga, kpa i̱ hingir ice gbem sha won.

Daniel 4:30

Tor ôr kwagh kaa er: Ngun kera ka zege Babilon, u m maa sha u a̱ lu ijiir i teman i tor, sha tahav mbu agee am, sha ci u icivir i shagba wam ne gaa?

Amoshi 4:11

M yôhôl ne er Aôndo yôhôl Sodom man Gomora nahan, ne lu er ityôndo i i sase duen a mi ken usu yô; nahan kpaa, ne hide her a mo ga, kape TER A kaa la.

Sefania 2:9

Nahan yô, TER u akum a Sha, Aôndo u Iserael ngu kaan nahan er: Er M lu u uma yô, mimi je, Moabi una hingir er Sodom, man Mbaamon er Gomora nahan, ijiir i imo menden her man ahungwa a bar, man ice gbem sha won; asande a ior Av aa sar ve, man asande a ikurior Yam a a shi her la aa ngohol ve.

Mbaromanu 9:29

Kape Yesaia kpaa a tsengaôron je la er: Aluer Ter u akum a Sha Una ver se vor her ga yô, ma se hingir vough er Sodom nahan, 2 ma i gem se ma se hingir er Gomora nahan.

Duteronomi 29:23

er inya i tar la cii kpaa i hingir sulfur man bar sha mnande u i nande u la, i kera lee kwagh sha i ga, man i mende iyiagh kpaa ga, ma kwagh môm kpaa kera mende sha i ga, er mtim u Sodom man Gomora man Adema man Seboim nahan, mba TER tim ve sha ishima i vihin Na man iyugh Na,

Mpase U Yohane 18:11

Mbakasuav mba shin tar mba vaan mba zungwen un, gadia or môm kera ngu yamen ikav vev ga.

Mpase U Yohane 18:19

Tsô ve haa vuulevu sha ityouv vev, ve vaa, ve zungwe, ve kaa er: Kwagh tser un ve, kwagh tser un ve, zegegar ne, mba ve lu a utso shin zegemnger cii ve hingir mbanyarev sha akaa a na a injaa la. Gadia ken ihwa i môm tseegh tsô i yôhôl un kera cii.