Yesaia 13:18 - ICIGHAN BIBILO

¹⁸ Mbaada vev vea haa ikaior inya; mhôônom kpaa maa kôr ve a ônov mba ken uya ga, ishe ve kpaa ia zungwe mbayev ga.

Yesaia 13:18 Iomraidhean Croise

2 Utor 8:12

Tsô Hasael kaa er: Ka nyi terem a vaa? A gema a kaa er: ka sha ci u m fa kwagh u bo u ú va er Mbaiserael yô; ú nande ayouautya a ve sha usu, ú wua mbayevikaior vev sha sanker, ú ta mbayev vev mba kiriki inya ú her ve; kasev vev mba lun iyav kpaa, ú pav ve iyav.

2 Kroniku 36:17

Nahan yô, A va ve a tor u Mbakaldi, a va wua ve mbayevikaior sha sanker, ken icighanjiir ve; mhôônom tsô kpa, kôr un a ma wanyekwaor ga, shin iniunkwase, shin tamenor, shin tseor u kumbur kumbur kpaa ga; A na ve sha ikev na cii.

Upasalmi 127:3

Nenge, ônov mba nomso ka dyako u TER A ne yô, man kwagh u a dugh ken sagh kpaa ka injar i A ne yô.

Yesaia 13:16

Á hyer anikundanev vev hen inya sha ashe ve, á sar uya vev, á nzughul a kasev vev kpaa.

Yesaia 47:9

kpa akaa ahar ne aa tser u fese, sha iyange i môm: msaa u ônov man u teman icôghol; aa tser u jimin, shin er ahir a ou a ngee, man akaasôron a ou la a taver nahan kpaa.

Yesaia 5:28

avaan a ve ka a horon, mbaada vev cii kpaa i henda ve; apande a anyinya ve kpaa aa lu er iwen i gberusu nahan, akaver a ve kpaa nga er ahumbe a hiar yô;

Yeremia 18:21

nahan yô, gema ônov vev na ijen, man shi na ve sha tahav mbu sanker; kasev vev ve̱ hingir aveve man shi ve̱ hingir kasev mba côgholov kpaa; noov vev ku u̱ wua ve, man ikaior vev sanker a̱ wua ve ken utya.

Yeremia 5:16

Gbandeavaan ve ngu er uwar u u lu ivegher yô, ve cii ka anomaior.

Yeremia 50:30

Nahan ikaior na ia gba sha igbenda na, man mbautyav nav cii á er ve vea huan ving sha iyange la, kape TER A kaa ne.

Yeremia 50:42

Ve kôr ada uwe man iwange, ka mbavihin kwagh tsung je, mba a mhôônom ma zungwen ga; ikenge ve ngi er kumetan u zegemnger nahan, ka mbahendan anyinya kpaa; ve wa ago iyol er or u nan kange iyol i utya nahan, sha u nôngon ityav a we, we wankwase u Babilon.

Yeremia 51:22

ka sha a we M hemben nomsoor kua kwase avur avur ye; ka sha a we M hemben tamenor man wanye avur avur ye; ka sha a we M hemben wanyekwaor man iniunkwase avur avur ye;

Yeremia 6:23

Ve kôr ada ken uwe, kua iwange; ka mbavihinkwagh je, mba a mhôônom ma zungwen ga ikenge ve ngi er kumetan u zegemnger nahan, mba hendan anyinya, er or u nan kange iyol i utya nahan, sha u nôngon ityav a we, we wankwase u Shion.

Esekiel 9:10

Nahan Mo kpaa, ishe Yam ia tange ga, man shi Me zungwe mhôônom, ga, kpa Me hire ve a ieren ve la sha ityough vegh.

Daniel 7:5

Man shi nenge inyam igen, i sha uhar, lu er dwem nahan, i kende vegher u môm sha, i nyuma ahan atar ken zwa u i sha anyi; i kaa a i er: Mough sha, ya inyam kpishi.

Hosea 13:16

Samaria una ya ibo na, gadia a hendan a Aôndo na; á wua ve sha sanker, á ta anikundanev vev inya á her ve, á pav kasev vev mba ve lu iyav la iyav.

Nahum 2:1

Orhembenkwagh va u sha ishi ve; kura iyou i utya, nenge sha gbenda, taver iwenge, taver agee ou tsung je.

Nahum 3:10

Nahan kpaa i kura un i yem a na uikangen; i her anikundanev nav avur avur sha hanma gbenda cii; ve er ishol sha ashagbaior a na, i kange mbavesen nav cii sha mshir.