Yesaia 13:14 - ICIGHAN BIBILO

¹⁴ Tsô er ashim u i zende un ijime man er iyôngo i i lu a or u kumban i ga yô, kape hanma or kpaa, nana gema á yem hen ityô i nan la, man hanma or kpaa, nana yevese nana yem hen tar u nan.

Yesaia 13:14 Iomraidhean Croise

1 Utor 22:17

Nahan a kaa er: M nenge Iserael cii hingir kughukuku sha iwo er iyôngo i i lu a orkuran ga yô; TER kaa er: Mban mba a ter ga; nahan hanmô ve, nana̱ hide hen ya u nan bem bem.

1 Utor 22:36

Er iyange i been nahan yô, i gba yôôn hen akumautya cii, er: Hanma or nana̱ hide ken gar u nan, hanma or nana̱ hide ken tar u nan.

Yesaia 17:13

Akuraior ka a hura er ihuran i mngerem ma kpishim yô, kpa Una zôhô a ve, tsô vea nyôngoso vea yem ca je, á num ve er imough i sha iwo, i ahumbe a purugh a i yô, man er ihundu i hiar sha ishigh ki uraahumbe nahan.

Yesaia 21:15

Gadia ve yevese usanker, sanker u i tsough un la, man ada u i hende un kua ican i utya la.

Yesaia 47:15

Kape akaa a u ye ican i nyoon iyol sha mi, aa lu her a we la; mba ve teen we kasua hii sha iyev ou la, vea yem hanma or hen ijiir i nan; ma or nana lu u yiman we ga.

Yeremia 25:12

Tsô shighe u anyom akunduatargber á akuma yô, Me tsaha tor u Babilon man ikurior la, kape TER A kaa ne, sha ci u ifer ve man tar u Kaldi kpaa, Me gema u, ua hingir toho dang gbem sha won.

Yeremia 50:16

Tim ortanivor u ken Babilon kera kua un u a eren tom sha loji sha shighe u sundan la kpaa; sha ci u mvihi u sanker, hanma or nana hide hen ior mba nan man hanma or nana yevese nana yem hen tar u nan.

Yeremia 51:9

Ma se wanger Babilon, kpa a wanger ga; sé undu nen un, sé yem nen hanma or hen tar u nan; gadia ijirôron na ar Sha je, i kôndo a i sha zan zan za ar sha kwavaôndo je.

Nahum 3:18

Mbakuran ou mba yaven, we tor u Ashiria; ashagba a ou nga memen; ior ou sambe sha iwo, ma or u kohol ve ngu ga.

Mateu 9:36

Man er A nenge a ikpelaior yô, mhôônom kôr Un a ve tsung, sha ci u i tumbul a ve, ve sambe wuee er iyôngo i i lu a orkuran i ga nahan.

Marku 6:34

Er Yesu due ken tso yô, A nenge a ikpelaior kpishi, nahan mhôônom kôr Un a ve sha ci u ve lu er iyôngo i i lu a orkuran i ga yô. Tsô a hii u tesen ve akaa kpishi.

1 Peteru 2:25

Gadia ngise ne tsumen er iyôngo nahan kpa hegen yô, ne hide ken Orkuranilev man Orkuran u uuma enev.