Yesaia 13:13 - ICIGHAN BIBILO

¹³ Ka sha ci u nahan Me er Usha vea tenger, tar kpaa ua tenger ua kar hen ijiir i u la kera, sha iyugh i TER u akum a Sha, sha iyange i iyugh Na i yeghen tsung la.

Yesaia 13:13 Iomraidhean Croise

Yobu 9:6

A tenger tar, A mgbegh u sha ijiir i u kera, je ityouv mbi u tenger;

Upasalmi 18:7

Tsô tar tenger, er ngigh ngigh, amagh a iwoogh kpaa tenger, i tenger a sha ci u A yugh yô.

Upasalmi 88:16

Iyugh You i tsung la i haam sha ityou; akaa a Ou a cier iyol timim kera,

Yesaia 2:19

Ior vea nyôr ken ubarmbaiwoov man ken ijô i shin inya, sha ci u mcieryol u TER man sha ci u icivir Na i hemban la, zum u Una mough sha u tan tar mciem iyol la.

Yesaia 21:1

Mkaanem ma Aôndo sha desereti u zegemnger. Er uhiar mba ken tar u Imbusutariyan la, ka ve karen ve huran sha agee nahan, kape ngu a due ken ikôngo ken tar u cieryol.

Yesaia 23:11

A naregh uwegh Nagh sha zegemnger, A tenger ityartor; TER na zwa sha Kanaan er i̱ tim agarautya a na kera.

Yesaia 24:1

Nenge, TER ngu geman tar hingir gbilin, ngu vihin u kera hingir ice, ngu geman mlu u u, hingir nzughul nzughul, ngu samben mba ve tem sha u kera.

Yesaia 24:18

Or u nan yevese iov i mcie, nana gba shin ihungwa i hônon, man shi or u nan dugh shin atô u ihungwa i hônon la, nana gba ken to; gadia i bugh ahura a Sha, man amagh a taregh kpaa tenger.

Yesaia 24:19

Tar yôhôl puru, tar hembe avur avur, tar tenger cii.

Yesaia 34:4

Akum a Sha aa saa kera, Usha kpaa á hule ve er ihurenruamabera nahan; akum a ve cii kpaa aa haa inya, er kwa u kon u wain ka u gba inya nahan, man er kon u tur ka u ndoor ika nahan.

Yesaia 47:1

Hungwa, tema shin vuulevu, we, iniunkwase i Babilon; shar inya, de tem sha ikônough ki torough ga, we, wankwase u Mbakaldi; gadia á kera yila u er u ngu kwase u lun iyol vel vel, u nan fe ican ga, ga.

Yesaia 51:6

Kende nen ashe a en sha Usha, nenge nen shin tar, gadia Usha vea kar kera er mnyim nahan, tar kpaa ua bee iyol er ikondo yô, mba ve tem shin u kpaa, vea kpe er amunan nahan; kpa myom Wam una lu gbem sha won man á kar a perapera Wam kera kpaa ga.

Yesaia 9:19

Sha iyugh i TER u akum a Sha yô, inya hia kera, ior kpaa ve hingir er kwagh u keer usu a mi yô; or zungwe anngô u nan ga.

Yeremia 51:1

TER ngu kaan nahan er: Nenge, Me kpoghol jijingi u ortimin akaa kera la, a̱ va ta sha Babilon man sha ior mba asema a ve a hendan a Mo la.

Ukwelegh 1:12

Ka ne ma kwagh ga, ne mba ne lu karen ne cii? Ver ashe, nenge nen, shin ma ican ngi er ican yam ne kpaou? i TER vam a mi sha iyange i iyugh Na i tsung la.

Yoel 3:16

TER ngu tan kume ken Shion, ngu taver imo ken Yerusalem je; Usha man tar tenger kpa TER Una hingir ijiir i yeren i ior Nav, man garutya u Mbaiserael.

Mateu 24:29

Kpa fese je, ken masejime u ican i her ayange la yô, iyange ia wa ime, uwer kpaa ua kera wanger ga; asan aa osough sha kwavaôndo man agee a a lu sha kwavaôndo la aa tenger.

Mateu 24:35

Sha man tar vea kar kera, kpa akaaôron Am yô, aa kar kera mayange ga.

2 Peteru 3:10

Kpa iyange i Ter ia va er ormbaiv nahan. Usha vea kar kera sha ihuran ioo, asemaakaa aa hia kera man tar kua ityom i sha u cii kpaa ia hia kera.

Mpase U Yohane 20:11

Shi m nenge zegeikôn u pupuu u tor. Un u A tema sha mi la yô, tar man Sha yevese sha ishigh Nagh kera, ian kera lu sha ci ve mape ga.