Yesaia 13:11 - ICIGHAN BIBILO

¹¹ Me tsaha tar sha ci u kwaghbo u u, mbaaferev kpaa sha ci u ifer ve; Me na, ihagh i mbagengeseyol ia bee, man ityough ki kehen ki ior mba aperav kpaa, Me hee ki.

Yesaia 13:11 Iomraidhean Croise

Yobu 40:12

Kenger hanma or u nan gengese iyol yô, hire a nan ijime; ndyar mbaaferev hen inya henpe ve til la.

Anzaakaa 11:31

Nenge, orperapera je kpaa, a na nan sha ieren i nan shin tar, man hile iferor vea orisholiboo!

Anzaakaa 8:13

Mcie u cian TER yô, ka u vendan kwaghbo je; iyolmoron man iceen man gbenda u bo kua zwa u u er kwagh sha ifer yô, m vende.

Yesaia 11:4

kpa ka sha perapera Una ôr ijir i mbaatsanev ye; man shi Una kure kwagh sha mi vough a mbalun asema legh legh shin tar; Una tsaha tar sha kwagir u ken zwa Na; man sha iôôn i ken zwa Na la, Una wua mbaaferev.

Yesaia 14:21

Wa nen ago iyol sha u wuan ônov nav, sha ci u ifer i uter vev, sha er ve̱ de moughon, ve̱ ngohol tar, ve̱ ivin agar sha tar ga.

Yesaia 14:5

TER sombo gbough ku mbaaferev, ka tôgh ku mbatarev

Yesaia 2:11

Ashe a a kenger sha ilyahan la, á hee a, man iyol gengese i or kpaa á hide a i ijime, Ka TER tseegh Una lu a icivir sha iyange la ye.

Yesaia 2:12

Gadia iyange i Ter u akum a Sha ngi van sha mbaihaghev man mbagengeseyol cii, man sha akaa a i kende a sha kpaa, sha ci u hiden a a ijime,

Yesaia 2:17

Á hide a iyolmoron i uuma la ijime, iyolgengese i ior kpaa á hee i; ka TER tseegh Una lu a icivir sha iyange la ye.

Yesaia 22:14

TER u akum a Sha A pase iyol Na sha ato am er: Mimi je, á paa ne sha ibo ne ga zan zan né kar kpen, kape Ter A kaa ne, TER u akum a Sha.

Yesaia 23:9

TER u akum a Sha, ka Un A we ishima sha u vihin iyolgengese i icivir la cii, sha u heen mbaciviriv mba sha won cii ye.

Yesaia 24:21

Tsô sha iyange la, TER Una tsaha akum a Sha a a lu Sha la, kua utor mba tarev mba shin tar kpaa.

Yesaia 25:3

Ka nahan ikurior i taver agee ia civir We, gar u akuraior a cier iyol kpaa una cia U ye.

Yesaia 25:5

Er mtsee ken iombortar nahan, kape U yange ayôôso a ior mba tar ugen la; er mtsee a hide ijime sha mure u ibeen nahan, kape á hide a icam i mhembe i uipirambaiorov ijime la.

Yesaia 26:21

Gadia nenge, TER ngu duen hen ijiir Na sha u tsahan mba ve tem sha won sha afer a ve; tar kpaa ua tese awambe a i hee sha u yô, ua kera cir mba i woo sha u la ga.

Yesaia 29:20

Gadia ipilaor nana hingir gbilinor, ornahantar nana kera lu sha won ga, man mba ve veren ishima sha iferkwagh i eren cii á tim ve kera;

Yesaia 29:5

Kpa ikpila i mbaihomov ou la vea hingir er vuulevu u puer nahan, man ikpelaior i wan ipila kpaa er ka imough i i kar kera yô; kwagh ne una er fefa, á bur a bur je.

Yesaia 3:11

Kwagh á tser iferor! Á kpe nan iyol ga, gadia kwagh u ave a nan a er la, á va er nan un nahan vough.

Yesaia 5:15

Kape uuma ve hingir dang man or nan hee la, ashe a mbagengeseyol kpaa á hee a;

Yesaia 65:7

Ka sha ci u aferakaa a en kua aferakaa a uter enev imôngo, kape TER A kaa la; er ve nande nagh sha iwo, man ve tohom sha agungu kpaa, nahan Me vande karen ve injar i tom ve, Me haa ve i sha ikum je.

Yeremia 48:29

Se ungwa gwa u iyolmoron i Moabi—tseen tsung je— icivir na man ityough ki kehen nagh man imanger na, man iyolgengese na.

Daniel 4:34

Tsô er ayange kar kera yô, mo Nebukadinesar m kende ashe am Sha, tsô mfe wam hide her a mo, m wuese Uhembansha, m sugh Un, shi m civir Un u A lu uma gbem sha won yô; mtemtor Na ka u tsôron gbem man tartor Na kpaa ka u sha ikov ikov cii;

Habaku 2:4

Nenge, ishima na manger, ngi ken a na vough ga; kpa orperapera yô, ka sha jighjigh u nan, u nan ne la, man nana lu uma ye.