Yesaia 12:6 - ICIGHAN BIBILO

⁶ Genger imo, er ikenge, we u u tem ken Shion ne, gadia Icighan u Iserael u A tem hen atô wou ka u hemban cii je.

Yesaia 12:6 Iomraidhean Croise

Upasalmi 132:14

Ingin ka ijiir Yam i memen ker gbem sha won je ne, ka ker Me tema ye, gadia i sarem yum.

Upasalmi 135:21

I̱ wuese TER ken Shion, Un u A tem ken Yerusalem la! Haleluya.

Upasalmi 46:5

Aôndo ngu ken atô na je, una tenger ga; Aôndo Una wase un pepe pepe je.

Upasalmi 68:16

Ne iwo i zôngo zôngo ne, ka nyi ne kenger uwo u u sar Aôndo sha u u̱ lu ijiir Na i teman la, dang nahana? Een, TER Una tema sha u gbem je.

Upasalmi 71:22

Nahan mo kpaa me wuese We sha adiguve, ka mimi Wou je la, Aôndo wam. Me wa U atsam a wuese sha adiguve u vesen, We, Icighan u Iserael.

Upasalmi 89:18

Gadia perutya wase ka u TER je; tor wase kpaa ka Icighan u Iserael la.

Upasalmi 9:11

Wa nen icam i wuese TER u A tem sha Shion, ôr nen akuraior kwagh u ityom Na!

Upasalmi 99:2

TER hemba cii ken Shion; A hemba ior cii, ca je.

Yesaia 1:24

Ka nahan man Ter, TER u akum a Sha, Uageegh u Iserael A kaa er: Ata! Me yôhôl ishima Yam sha mbaahendanev Av, Me or iyev sha mbaihomov Av;

Yesaia 10:24

Nahan Ter, TER u akum a Sha, ngu kaan nahan er: Ne ior Av, mba ne tem ken Shion ne, de kera cie nen Ashiria u a gbidi ne sha aga man a kende gbough nagh sha a we sha inja i Igipiti la ga.

Yesaia 24:14

Mba genger imo ember gur gur; sha ci u icivir i TER i hemban la, mba genger imo hen vegher u shin zegemnger.

Yesaia 24:23

Zum la kunya ua kôr uwer, ua hingir nyian, iyange kpaa kunya ua kôr i; gadia TER u akum a Sha Una tema tor sha uwo u Shion kua ken Yerusalem kpaa, man sha ishigh ki mbatamen Nav yô, iengem ia lu.

Yesaia 30:19

Gadia ne ior mba ne tem sha Shion ken Yerusalem, nea kera vaa ga; Una er a we dedoo kpee sha mliam ou; zum u Una ungwa yô, Una ver ato we.

Yesaia 33:21

TER Una lu se kwagh u icivirigh heregh je, ijiir i uifi man iwagh i gbangese, utso mba nahan vea kar sha mi ga, man tso u vesen kpaa ga.

Yesaia 33:24

Ma or u nan tem ker kpaa nana kera kaa er: Kwagh nyoon mo, ga; ior mba ve tem heregh kpaa, á de ve asorabo a ve.

Yesaia 40:9

Unde sha uwo u taven, we Shion u u yee loho u dedoo ne; genger imo taver taver, we Yerusalem u u yee loho u dedoo ne, genger imo de cie ga, kaa agar a Yuda wer: Nenge, Aôndo wen Ngun!

Yesaia 41:14

De cie ga, we Yakob, ananyigôgh, ne ior mba Iserael! Ka Mo M wasen we ye, kape TER A kaa ne, Orpaan wou ka Icighan u Iserael je.

Yesaia 41:16

Ú peer ve, ahumbe aa purugh a mi kera, hiar una sambe ve kera; kpa we yô, ú ember ken TER, ú ta ihagh sha Icighan u Iserael.

Yesaia 49:26

Mba ve kighir we a ican la, Mo Me na ve inyam ve vea ya; vea hunde sha awambe a ve ayol a ve kpaa, er ka sha wain u nyohon nahan; man uuma cii vea fa er Mo, TER, M lu Oryiman wou man Orpaan wou kpaa ye, Uageegh u Yakob.

Yesaia 54:1

Wa atsam, we ikômkwase u u mar ga ne, hii ember sha atsam; genger imo, we u u toghor mar ga ne; gadia ônov mba kwase u a lu tseeneke la, hemba ngeen a mba kwase u lun a nom, kape TER A kaa la.

Yesaia 60:16

Ú ma atumba a akuraior, man shi ú ambe atumba a utor, man ú fa er Mo TER, M lu Oryiman wou man Orpaan wou kpaa, Uageegh u Yakob.

Yesaia 8:18

Nenge, mo kua ônov mba TER A nem ne, se mba uivande kua akav hen Iserael sha ikev i TER u akum a Sha, u A tem sha uwo u Shion la.

Yeremia 10:6

Ma or môm ngu er We nahan ga TERE! We U hemba cii, iti You kpaa ngi a agee hemba cii.

Esekiel 35:10

Sha ci u u kaa wer: Akuraior ahar ne, man ityar ihiar ne, ia hingir i yam, sé ngohol i—shin er TER lu her nahan kpaa—

Esekiel 39:7

Me pase icighanti Wam ken atô u ior Av Iserael; man Me kera rumun Mer, i̱ hôngor a icighanti Wam ga; man akuraior aa fa er Mo M lu TER ye, Icighan ken Iserael.

Esekiel 43:7

A kaa a mo er: Wan u or, ka ijiir i ikônough Yagh ki torough je ne, man ijiir i tan angahar Am, henpe Me tema hen atô u ônov mba Iserael gbem sha won yô; ya u Iserael vea kera seer u hôngor a iti Yam i tseghan ga, shin ve, shin utor vev kpaa ga, sha idya ve man sha akom a utor vev zum u ve kpe la;

Esekiel 48:35

Ikasen na cii lu aseva dubu pue kar dubu anigheni hii sha iyange la je á yila gar la iti er, Yehova-shama (TER ngu ker).

Esekiel 48:8

Man u dondon sha Yuda yô, hii hen vegher u sha ityoughkitaregh zan zan za ar vegher u shin ityôtar, nagh ku nea na la kua lu: igbanger i ku, ia lu aseva dubu ikundu kar utaan, ilihen i ku ia lu vough a kwar môm u ken ikwar igen la, hii hen vegher u sha ityoughkitaregh zan zan vegher u shin ityôtar; icighanjiir una lu her atô u ku.

Hosea 11:9

Me kera er sha mvihi u iyugh Yam ga, Me kera tim Eferaim ga, gadia Mo M ngu Aôndo je, M ngu or ga, Icighan her atô wou, Me kera va sha iyugh ga.

Yoel 2:27

Nahan né fa er M lu ken atô u Iserael yô, man ka Mo M lu TER, Aôndo wen ye, ugen ngu ga; ior Av kpaa vea kera va ahenge ga.

Sefania 2:5

Kwagh á tser mba ve tem ken kpezegemnger, ikurior i Mbakereti! Kwaghôron u TER ngu num a we, we, Kanaan, tar u Mbafiliti; Me tim u, je orteman ker nana kera shi ga.

Sekaria 2:5

Gadia TER ngu kaan nahan er: Mo Me hingir un gilgar u usu, á kase un á tser, man Me hingir un kwagh u icivirigh ken atô na.

Sekaria 2:9

Gadia, nenge, Me kunde uwegh Agh sha a ve, vea hingir ishar i mba iyange ve shiren ve tom la; tsô nea fa er i lu TER u akum a Sha, A tindim yô.

Numeri 23:21

I nenge a ifer ken Yakob ga, shi i nenge a injughul ken Iserael kpaa ga; TER, Aôndo na, ngu a na imôngo, awer a gbiren a ember tor nga her a ve.

Duteronomi 23:15

Kpan u a yevese ter na a va nyer hen a we yô, de ne un sha ikev i ter na ga,